Ný ríkisstjórn er að verða til á Íslandi en það er stjórn Sjálfstæðisflokks, Viðreisnar og Bjartrar framtíðar.
Hinir ýmsu vitringar í stjórnmálum og greiningardeildir keppast nú við að dásama eða rífa niður hinn nýja stjórnarsáttmála allt eftir því í hvaða sporum menn standa.
Ein er sú greining sem farið hefur fram hjá  -Vestfirska forlaginu-  og er sú að tveir af þremur flokksformönnunum eru með sterkar vestur-ísfirskar tengingar sem trúlega munu reynast þeim farsælar í ráðherrastörfum.
Óttarr Proppe, formaður Bjartrar framtíðar, á sterkar rætur ættar sinnar á Þingeyri og Benedikt Jóhannesson, formaður Viðreisnar, er tengdasonur Önundarfjarðar....
Meira

Ferðafélag Íslands er 90 ára 2017 og ferðaáætlunin því veglegri en nokkru sinni og verður afmælinu fagnað með viðeigandi afmælisferðum og afmælisfagnaði.

Í Ferðaáætluninni er að finna ítarlega lýsingu á verkefnum Ferðafélags Íslands og deilda þess um allt land. Í ferðaáætluninni er lýst þeim fjölmörgu verkefnum sem félagið stendur fyrir á sviði útivistar um allt land. Námskeið, fjallaskíðaferðir, gönguskíðaferðir, söguferðir, sumarleyfisferðir, dagsferðir eru á meðal valkosta. Hátt á annað hundrað viðburðir eru í boði auk námskeiða og hópverkefna félagsins.

Verkefnin eru allt frá örgöngum og upp í raðgöngur og nokkurra daga bakpokaferðalög þar sem undur íslenskrar náttúru og ævintýri eru við hvert fótmál. Þjóðmenning og náttúra er ævinlega í öndvegi í ferðunum. Í ferðum félagsins er farið um fótgangandi, á fjallaskíðum og gönguskíðum.

...
Meira

Mar­grét Þór­hild­ur Dana­drottn­ing tók á móti hópi ís­lenskra fjöl­miðlamanna í Amalien­borg­ar­höll í Kaup­manna­höfn í morg­un. Hún sagðist hlakka til heim­sókn­ar Guðna Th. Jó­hann­es­son­ar for­seta Íslands og að fá að fræðast meira um Ísland af hon­um. Hann er jú sagn­fræðing­ur og veit margt um Ísland og sög­una, sagði drottn­ing­in hlæj­andi.
Heim­sókn ís­lenska fjöl­miðlafólks­ins var í boði danska ut­an­rík­is­ráðuneyt­is­ins í tengsl­um  við fyr­ir­hugaða heim­sókn Guðna Th. Jó­hann­es­son­ar for­seta Íslands og El­izu Reid for­setafrú­ar 24.-25. janú­ar. Spurð hvort op­in­ber­ar heim­sókn­ir sem þess­ar væru mik­il­væg­ar kvað drottn­ing já við. Sam­band Íslands og Dan­merk­ur væri sterkt og með langa sögu. „Þetta er gott tæki­færi til að kynn­ast bet­ur og styrkja tengsl­in á milli þjóðanna,“ sagði drottn­ing­in.

...
Meira

Á þingfundi 22. desember sl. var kosin sjö manna í nefnd til að undirbúa hátíðahöld árið 2018 um hvernig minnast skuli aldarafmælis sjálfstæðis og fullveldis Íslands samkvæmt ályktun Alþingis frá 13. október 2016.
Í nefndinni eru:
Einar K. Guðfinnsson, Þórunn Sigurðardóttir, Einar Brynjólfsson, Þorsteinn Sæmundsson, Páll Rafnar Þorsteinsson, Guðlaug Kristjánsdóttir og Kristján Möller.

Nefndin hélt sinn fyrsta fund síðastliðinn föstudag og þar var Einar K. Guðfinnsson, fyrrverandi forseti Alþingis, kjörinn formaður nefndarinnar. 

...
Meira

Hjá Landbúnaðarsafni Íslands er komin út skýrsla um ræktunarminjar í Ólafsdal við Gilsfjörð, sem Ragnhildur Helga Jónsdóttir og Bjarni Guðmundsson unnu í samvinnu við Ólafsdalsfélagið og fyrir atbeina þess með styrk frá Alþingi. Skýrslan gefur hugmynd um þær miklu ræktunarminjar, flestar frá fyrri aldamótum, sem er að finna í Ólafsdal og gera staðinn afar verðmætan í ljósi íslenskrar búnaðarsögu.

Um þetta segir á vef Landbúnaðarsafns Íslands:

...
Meira

Menntun kennara og störf björgunarsveita

Ólafur J. Proppé fæddist í Reykjavík 9.1. 1942 og ólst þar upp til 12 ára aldurs en síðan í Garðahreppi (nú Garðabæ). Hann lauk kennaraprófi frá KÍ 1964, stundaði nám við framhaldsdeild KHÍ 1972-73, lauk MS-prófi í uppeldissálarfræði frá University of Illinois 1976, doktorsprófi (PhD) í uppeldis- og menntunarfræði frá sama háskóla 1983 og hefur sótt fjölda námskeiða í uppeldis-, menntunar- og kennslufræðum.

...
Meira

Hjörtur Hjartar fæddist 9. janúar 1917 á Þingeyri við Dýrafjörð. Foreldrar hans voru Ólafur R. Hjartar járnsmiður þar, f. 1892, d. 1974, og k.h. Sigríður Egilsdóttir, f. 1893, d. 1980.

Hjörtur brautskráðist frá Samvinnuskólanum árið 1937 en áður hafði hann stundað verslunarstörf hjá Kaupfélagi Dýrfirðinga á árunum 1931 til 1936. Hann varð kaupfélagsstjóri Kaupfélags Önfirðinga á Flateyri á árunum 1937 til 1945 og kaupfélagsstjóri hjá Kaupfélagi Siglfírðinga á árunum 1945 til 1952, er hann tók við stöðu framkvæmdastjóra Skipadeildar Sambands íslenska samvinnufélaga. Því starfi gegndi hann til ársloka 1976.

...
Meira

1. Logn er veðurs nú um tvöleytið 8. jan 2017, þó nokkur vindgári sé á fjörðinn. Hiti um eða rétt undir frostmarki. Úrkomulaust


2. Mokstursbíllinn frá Fremri-Breiðadal kom til Þingeyrar upp úr tvö. Vegurinn greiðfær.


3. Snjólaust má heita í Vestfirsku Ölpunum, þó hvítt sé yfir að líta. Sama í Mýrahreppi. Nokkrir skaflar eru þó auðvitað í fjöllum.


4. Tófuför sáust á Brekkudal í fyrradag og í gær. Lágfóta virðist þó ekki vera mikið á kreiki eftir því sem gleggstu menn fá séð. Spurning með minkinn.


5. Almennur safnaðarfundur í Fellasókn er framundan segja málsmetandi menn. Mun verða gengið til dagskrár samkv. auglýsingu þar um. Embætti hringjara er laust.


6. Forlagið við yzta haf ku vera að undirbúa útgáfu á kínversku og er ekki seinna vænna segja gárungarnir. Flýgur fyrir að fyrsta bókin verði fyrir ferðalanga frá Alþýðulýðveldinu Kína.


7. Og er nú rétt að upplýsa hér og nú að stórmyndarleg kínversk kona sást á gangi á Þingeyri í gær og fyrradag. Hugsanlegt er að hún hafi verið frá Nippon (öðru nafni Japan), en það telja þeir sem sáu ólíklegra.  

...
Meira