Hann var gæddur fjölhæfum gáfum, listrænn og nokkuð skapmikill en stillti alltaf í hóf. Öll léttúð var fjarri skapi hans en hann átti gott skopskyn og var góður sögumaður. Hann var mikill náttúruskoðari. Hvað útlitið snerti var hann í hærra lagi meðalmaður á vöxt, þreklega vaxinn. Andlitið dálítið stórskorið en sviphreint og karlmannalegt. Allur var hann mjög traustvekjandi, nokkuð seintekinn, en alúðlegur og skemmtilegur í viðmóti enda hinn besti samstarfsmaður og skólafélagi. Tryggari vin hef ég aldrei átt.“ Svo segir í eftirmælum sem Ingimar Jóhannesson frá Meira-Garði í Dýrafirði skrifaði um æskuvin sinn, Jón Mósesson, en ég hef nokkuð fjallað um fjölskyldu þess síðarnefnda að undanförnu. 
Jón fæddist á Arnarnesi við Dýrafjörð árið 1888. Foreldrum hans, þeim Kristínu Bjarnadóttur og Móses Jónssyni....
Meira

Hin árlega samverustund í Önundarfirði sem haldin er á afmæli stórskáldsins Guðmundar Inga frá Kirkjubóli verður að venju haldin í Friðarsetrinu í Holti á sunnudaginn 15. janúar 2017 kl. 16:00.
Sagnastund í Holti kallar Ingastofunefndin samkomuna að þessu sinni og hyggur á ekta baðstofumenningu þar sem gestir stíga fram og mæla af munni fram sögur og ljóð. Það eru þau Magnús, Dúnna, Smári, Bryndís og Guja sem verða tilbúin með eitthvert andans góðmeti fyrir hina að njóta en á langborðinu verður boðið upp á kaffi og dýrðlegar pönnukökur....
Meira

• Kómedíuleikhúsið sýnir Gísla á Uppsölum í Kúlunni • Leiktextinn byggir að mestu á skrifum Gísla sjálfs

„Við höfum oftast litið á landsbyggðina sem okkar vettvang og sýnt vítt og breitt um landið. Okkur fannst hins vegar nauðsynlegt að kíkja í kaupstaðinn og sendum Þjóðleikhúsinu fyrirspurn um hvort menn þar á bæ hefðu áhuga á að hýsa sýninguna í ljósi þess hversu margir í Reykjavík væru að spyrja um sýninguna. Svarið reyndist já og hingað erum við komnir,“ segir Elfar Logi Hannesson forsprakki Kómedíuleikhússins á Ísafirði, um leiksýninguna Gísli á Uppsölum sem tekin verður til sýningar í Kúlunni í Þjóðleikhúsinu í kvöld kl. 19.30. Alls verða sýndar sex sýningar á einleiknum til og með 25. janúar og eru miðar seldir á vefnum tix.is.

Gísli á Uppsölum er 40. uppfærsla Kómedíuleikhússins, fyrsta atvinnuleikhússins á Vestfjörðum, á tæplega 20 árum, en Kómedíuleikhúsið var stofnað 1997. Sýningin var frumsýnd í lok september sl. í kirkjunni í Selárdal, þaðan sem horfa mátti heim að söguslóðum á Uppsölum. 

...
Meira

Sigvaldi Kaldalóns fæddist í Vaktarabænum í Grjótaþorpinu 13. janúar 1881, sonur Stefáns Egilssonar múrara og k.h., Sesselju Sigvaldadóttur, ljósmóður Reykjavíkur um árabil.

Stefán var hálfbróðir Jóns í Litlabæ, föður Guðmundar Kamban rithöfundar og Gísla Jónssonar alþingismanns. Í móðurætt var Sigvaldi þremenningur við séra Bjarna Þorsteinsson á Siglufirði. Bróðir Sigvalda var Eggert söngvari.

Sigvaldi lauk stúdentsprófum frá Lærða skólanum 1902, embættisprófi í læknisfræði frá Læknaskólanum í Reykjavík 1908 og stundaði framhaldsnám í Kaupmannahöfn. Þar kynntist hann danskri og evrópskri tónlist og einnig eiginkonu sinni, Karen Margrethe Mengel Thomsen hjúkrunarkonu.

 

...
Meira

Í dag - hinn dásmlega föstudaginn 13. janúar 2017,  hefjast sýningar á Gísla á Uppsölum í Þjóðleikhúsinu.
Leikurinn hefur farið sigurför um landið síðan í haust og hlotið einlæglegar viðtökur. Óhætt er að segja að mikil spenna sé í landinu enda er þetta í fyrsta sinn sem Kómedíuleikhúsið sýnir í leikhúsi þjóðarinnar. Það er mikil eftirvænting meðal áhorfenda því nú þegar er uppselt á fyrstu fjórar sýningarnar á Gísla á Uppsölum í Þjóðleikhúsinu. Upphaflega stóð til að sýningar yrðu aðeins 3 en nú eru þær orðnar 6 og jafnvel verður enn bætt við sýningum. 

Miðasala fer fram á www.tix.is og í miðasölusíma Þjóðleikhússins 551 1200

Sýningar á Gísla á Uppsölum í Þjóðleikhúsinu:

...
Meira

Þórdís Kolbrún Reykfjörð Gylfadóttir, hinn nýi ferðmálaraðherra með meiru, er sko aldeilis með vestfirsk gen (erfðavísa) í æðum sínum.
Á síðu hennar segir svo:
„Ég er fædd og uppalin á Akranesi en ættuð af Vestfjörðum. Móðir mín, Fjóla Katrín Ásgeirsdóttir (sjúkraliði) er dóttir Ásgeirs Hannessonar frá Ármúla í Ísafjarðardjúpi og Þórdísar Katarínusardóttur frá Arnadal í Skutulsfirði. Faðir minn, Gylfi R. Guðmundsson (þjónustustjóri) er sonur Guðmundar Helga Ingólfssonar frá Hnífsdal og Jónu Valgerðar Kristjánsdóttur frá Ísafirði, búsett í Reykhólasveit.“

...
Meira

Gárungarnir segja að forsetinn hafi verið kominn á fremsta hlunn með að skipa utanþingsstjórn um daginn. Slík stjórn var í pípunum hér vestra í Vestfirsku Ölpunum eins og kom fram á Þingeyrarvefnum. En nú er sem sagt búið að forða því að hún verði kölluð til.

   Á vefnum kom fram í morgun að tveir forystumanna hinnar nýju ríkisstjórnar eru geirnegldir hingað vestur í sýsluna. Það eru þeir Óttar Proppé, sem sækir mikið í Dýrafjörðinn og einn af hinum mýmörgu tengdasonum Önundarfjarðar, Benedikt Jóhannesson.  

En hvað haldið þið? Er svo ekki þriðji ráðherrann, Jón Gunnarsson, samgönguráðherra með meiru, Dýrfirðingur í húð og hár ef svo mætti segja.

...
Meira

Þingflokkar Sjálfstæðisflokksins, Viðreisnar og Bjartrar framtíðar samþykktu í gærkvöldi tillögur formanna sinna um hverjir yrðu ráðherrar í nýrri ríkisstjórn sem tekur við völdum í dag, 11. janúar 2017. 
Ráðherrarnir eru ellefu talsins. 
Af þeim hafa aðeins fjórir setið áður á ráðherrastóli. 
Þrír eru nýliðar á Alþingi....
Meira