Þetta gullfallega og magnaða lag var valið af íslensku þjóðinni sem besta íslenska dægurlagið á síðustu öld.
Allir vita höfunda lags og texta en mörgum er það ekki ljóst að Önfirðingurinn Guðlaugur Rósinkranz frá Tröð og Dýrfirðingurinn Jón Sigurððson frá Söndum eiga stóra þætti í þessu magnaða ævintýri sem kvikmyndin „79 á stöðinni“ er og lagið frábæra „Vegir liggja til allra átta“

„Vegir liggja til allra átta (upphaflega „79 af stöðinni) er íslenskt dægurlag eftir Sigfús Halldórsson við texta eftir Indriða G. Þorsteinsson.
Lagið var samið fyrir kvikmyndina 79 af stöðinni eftir samnefndri skáldsögu Indriða sem kom út 1955 og hafði notið mikilla vinsælda.

...
Meira

Leiðir líka hugann að því að vika er aðeins til endurkomu sólar hér á bæ, þrjár vikur heima á bóli, en í Meira-Garði við Dýrafjörð sjá þeir hana á morgun, ef væru einhverjir lengur. Fjötrar skammdegis falla hratt úr þessu.
En af þessum tilefnum legg ég með mynd af bæ við Arnarfjörð hvar sól er á lofti um allan hring ársins, að mér er tjáð. Bæjarstæðið þarna er firna fallegt og yfrið haganlegt. Landnámsmaður vissi því hvað hann var að gera þá hann setti þar fyrstu búð sína ...

Þú mátt giska á bæjarnafnið, það á sér hliðstæður víðar á landinu.

...
Meira

Nú les maður í Mogganum, sem aldrei lýgur, að byggja eigi hótel á mótum Grensásvegar og Suðurlandsbrautar.  Á það að vera með 300 herbergjum og skal rísa á rúmum tveimur árum. Tíu milljarðar þar. Rífa á núverandi húsnæði á reitnum eins og það er orðað. Nema hvað. Enginn hefur vitað annað en það sé fínasta húsnæði, sbr. meðf. mynd. Þetta er náttúrlega stórkostlegt! En við þverhausarnir úti á landsbyggðinni höfum því miður ekki gáfur til að skilja svona hagfræði. Sem betur fer. Enda kemur þetta okkur auðvitað ekkert við. 
En samt:...
Meira

Egill G. Thorarensen fæddist í Kirkjubæ á Rangárvöllum 7. janúar 1897. Foreldrar hans voru Grímur S. Thorarensen, oddviti og hreppstjóri á Bjólu og í Kirkjubæ, og k.h., Jónína Guðrún Egilsdóttir.
Grímur var sonur Skúla Thorarensen, læknis á Móeiðarhvoli, bróður Bjarna, amtmanns og skálds. Bróðir Gríms var Þorsteinn, bóndi á Móeiðarhvoli, afi Þorsteins S. Thorarensen borgarfógeta.
Jónína var dóttir Egils Pálssonar frá Múla í Biskupstungum.
Eiginkona Egils var Kristín Daníelsdóttir og eignuðust þau fjögur börn, Grím kaupfélagsstjóra, Erlu húsfreyju, Benedikt framkvæmdastjóra og Jónínu húsfreyju.
Egill stundaði verslunarnám í Danmörku 1912-14 og verslunarstörf 1915 og var til sjós tvö ár, ásamt námi við Stýrimannaskólann.
Egill flutti að Sigtúnum við Ölfusárbrú 1918 og átti eftir að verða einn helsti áhrifamaður í atvinnumálum og pólitík Selfyssinga og Suðurlands á síðustu öld.

...
Meira

Skúli Thoroddsen sýslumaður og alþm. fæddist á Haga á Barðaströnd 6. janúar 1859, sonur Jóns Thoroddsen, skálds og sýslumanns, og k.h., Kristínar Ólínu Þorvaldsdóttur húsfreyju.
Skúli var einn af fjórum Thoroddsenbræðrum sem misstu föður sinn ungir frá skuldugu búi hans en komust þó allir til mennta vegna seiglu móður sinnar og með góðri hjálp frá mági hennar, Jóni Árnasyni þjóðsagnasafnara. Hinir bræðurnir sem allir urðu þjóðþekktir, hver á sínu sviði og komust í góðar álnir, voru Þorvaldur, dr.phil. náttúrufræðingur í Reykjavík og Kaupmannahöfn; Þórður, læknir og alþm. í Keflavík og Reykjavík, faðir Emils tónskálds, og Sigurður, landsverkfræðingur og yfirkennari Menntaskólans, faðir Gunnars Thoroddsen forsætisráðherra.
Eiginkona Skúla var Theodóra Thoroddsen skáldkona og er frá þeim kominn fjöldi alþm. og annarra þjóðþekktra einstaklinga.

...
Meira

Tæplega 125 þúsund erlendir ferðamenn fóru frá landinu í desember síðastliðnum samkvæmt talningum Ferðamálastofu í Flugstöð Leifs Eiríkssonar eða 54 þúsund fleiri en í desember á síðasta ári. Aukningin nemur 76,1% milli ára. Fjöldi ferðamanna hefur ríflega sexfaldast í desember frá árinu 2010 en aldrei hefur mælst jafn mikil aukning milli ára og nú.

Þess ber að geta að tölur ná yfir allar brottfarir frá landinu. Því má gera ráð fyrir að frávik hvað varðar hlutdeild ferðamanna til landsins séu meiri í desember en aðra mánuði ársins vegna ferðalaga erlendra ríkisborgara búsettra hérlendis í tengslum við jólaleyfi.

 

...
Meira

Marvin G. Hallmundsson fæddist 3. október 1931. Hann lést 17. desember 2016 á hjúkrunarheimilinu Sunnuhlíð.
Foreldrar hans voru Guðrún Jóna Guðmundsdóttir, f. 18.7. 1899 í Miðhlíð í Dýrafirði, d. 27.12. 1998, og Guðni Hallmundur Jónsson, f. 6.7. 1898 á Felli í Dýrafirði, d. 8.2. 1977.
Systir Marvins er Jónasína, f. 21.11. 1938.
Marvin kvæntist Ólöfu Árnadóttur 24.12. 1956. Ólöf var f. í Neskaupstað 17.4. 1930, d. 26.2. 1997.
Þeim varð þriggja barna auðið, sem eru:...
Meira

Stjórnarskrá „um hin sérstöku málefni Íslands“ var staðfest af konungi. Hún tók gildi 1. ágúst.
Alþingi fékk þá löggjafarvald og fjárveitingavald. Þetta var fyrsta stjórnarskrá landsins.
Henni var breytt 18. maí 1920 og hún gilti að mestu óbreytt fram að lýðveldisstjórnarskránni 17. júní 1944....
Meira