Leikjanámskeið Höfrungs hefst á morgun, mánudaginn 9.júní og skiptist í 3 námskeið. Hvert námskeið stendur í tvær vikur.

1. námskeið hefst 9. júní - 20. júní.
2. námskeið hefst 23. júní - 4. júlí.
3. námskeið hefst 7. júlí - 18. júlí.

 

Námskeiðið er einn og hálfur tími í senn og skiptist þannig:
6-8 ára kl. 9.00 - 10.30
9-15* ára kl. 10.30 - 12.00 *ath. breyting frá 10/6.

 

Munið að taka með ykkur hollt og gott nesti. Mæting og skráning verður við Grunnskólann á Þingeyri.

Skólaslit Grunnskólans á Þingeyri fóru fram í Þingeyrarkirkju í gær, 5. júní. Dagskráin var með hefðbundnu sniði, afhending vitnisburða og viðurkenninga til nemenda.

Viðurkenningar á skólaslitum í ár hlutu;
Fyrir góðan námsárangur í textílmennt í 7. bekk; Davíð Sighvatsson.
Fyrir góðan námsárangur í smíði í 7. bekk; Arnar Logi Hákonarson.
Fyrir góðan námsárangur í 8. bekk; Sigríður Hlín Jónsdóttir.
Fyrir góðan námsárangur í 9. bekk; Klara Alexandra Birgisdóttir.
Fyrir góðan námsárangur í 10. bekk og fyrir góðan námsárangur í dönsku; Fríða Dögg Ragnarsdóttir.
Fyrir mestu framfarir í 8.-10. bekk; Maciej Sierzputowsky í 8. bekk.
Fyrir störf í nemendaráði; Fríða Dögg Ragnarsdóttir.

Aron Ásbjörn flutti kveðjuræðu 10. bekkinga.

...
Meira

Nú þegar sumarið er almennilega gengið í garð fjölgar ferðalöngum og gestum í Dýrafirði. S.l. sunnudag, sjómannadag urðu Dýrfirðingar varir við ferðalanga á sex fjórhjólum og einu sexhjóli. Hjólagarparnir sem koma frá suðvestur horni landsins tóku hjólin af kerrum í Búðardal og óku áleiðis á NV-Vestfirði. Þegar Þingeyrarvefurinn rakst á hópinn við sjoppuna á Þingeyri voru þeir nýkomnir í bæinn eftir akstur út fyrir nes, þ.e. frá Arnarfirði yfir í Dýrafjörð. Hópurin leitaðist eftir því að aka sem mest eftir (gömlum) malarvegum og malarslóðum og fengu m.a. góð ráð frá Gunnari Gísla gröfumeistara, á sjoppuplaninu í leit af krefjandi akstursleiðum. Upphaflega fóru níu garpar af stað sl. fimmtudag en tveir snéru aftur heim til Selfossar í kjölfar jarðskjálftanna.

TF-GNÁ þyrla Landhelgisgælunnar leit einnig við í Dýrafjörðinn á sunnudaginn á leið sinni suður frá Ísafirði. Þyrlan brunaði inn og út fjörðinn til að sýna sig og sjá aðra.

Dýrafjarðardagar hafa nú opnað heimasíðu. Þar er að finna ýmsar upplýsingar um það sem verður í boði t.d hver hefur skráð sig í að vera með súpu í garðinum, dagskrá helgarinnar og einnig er hægt að skoða myndir og fleira. Einnig er þar að finna slóð að heimasíðu um kassabílarallýið sem verður á Dýrafjarðardögunum þar sem eru upplýsingar, reglur, verðlaun og margt fleira.

Við erum að leita að myndum til að setja inná heimasíðu Dýrafjarðardaga. Ef þú lumar á myndum vinsamlega hafðu samband við Daðey í síma 8671699.

Áttatíu börn úr þremur grunnskólum í Ísafjarðarbæ heimsóttu hestamannafélagið Storm á Þingeyri á dögunum. „Það hefur verið mikið að gera hjá Nönnu Björk formanni Storms og hennar starfsfólki síðustu daga, því grunnskólabörn í Ísafjarðarbæ hafa verið á ferð og flugi sér til ánægju og gleði síðustu dagana í skólanum. Að sjálfsögðu hafa þau fengið fróðleik um íslenska hestinn og farið á hestbak", segir á vef Storms. Þá styttist reiðnámskeið fyrir börn,unglinga og óvana hjá Stormsmönnum. Fyrra námskeiðið hefst 10. júní og það seinna 10. júlí. Kennt verður í reiðhöllinni á Söndum og í kennslugerði, fyrir og eftir hádegi. Leiðbeinandi verður Guðrún Astrid Elvarsdóttir. Skráning fer fram hjá Nönnu Björk Bárðardóttur í síma 895-0711 en eins er að finna nánari upplýsingar á Stormsvefnum. http://www.123.is/stormur/

Íslenskur hátækniiðnaður hefur sent bæjarstjórn Ísafjarðarbæjar bréf þar sem fram kemur að fyrirtækið er horfið frá því að kanna nánar kosti þess að setja niður olíuhreinsistöð á Söndum í Dýrafirði, en muni nú snúa sér að frekari athugunum vegna Hvestu í Arnarfirði. Halldór Halldórsson, bæjarstjóri í Ísafjarðarbæ segir að þessi niðurstaða komi sér ekki beint á óvart út frá landfræðilegum aðstæðum í Arnarfirði. "Hins vegar er ég hugsi yfir samfélagsþáttunum með hliðsjón af skýrslunni sem gerð var um þá hluti fyrr í vetur. Ég hefði haldið að Dýrafjörður væri nærtækari kostur með tilliti til þeirra þátta heldur en Arnarfjörðurinn" segir Halldór. Hann bendir á að í Vesturbyggð og Tálknafirði séu einungis um 1200 íbúar á móti fimm þúsund íbúum hér norðanmegin. Nálægð við þjónustu og aðsæður á atvinnusvæðinu hljóti því að vera hagstæðari hérna megin. "En það eru auðvitað fjárfestarnir sjálfir sem ákveða þetta" segir Halldór "og það hlýtur að velta á faglegu mati fyrst og fremst." Halldór segist ekki hafa viljað fara í "fegurðarsamkeppni" á móti suðursvæðinu um staðsetningu olíuhreinsistöðvar. "Auðvitað geta menn lagst í mikla vinnu við að halda fram sínu svæði og kostum þess - en á endanum eru það aðstæðurnar sjálfar sem ráða vali fjárfestanna. Þeir taka sína ákvörðun á grundvelli faglegs og hlutlægs mats" segir Halldór.

Minnisvarða breskra sjómanna var afhjúpaður í Þingeyrarkirkjugarði á sjómannadag. Breski sendiherrann á Íslandi, Alp Mehmet, afhjúpaði minnisvarðann að lokinni sjómannadagsmessu ásamt Guðrúnu Eddu Gunnarsdóttur sóknarpresti á Þingeyri. Tengsl breskra sjómanna við Dýrafjörð ná langt aftur en ein elsta heimildin getur um fjárstyrk frá breskum togaraeigendum til að taka þátt í að reisa sjúkraskýli á Þingeyri snemma á síðustu öld. Þeir áttu hagsmuna að gæta vegna togara sinna á Vestfjarðamiðum sem leituðu mjög til hafnar á Þingeyri til að verða sér úti um vistir og vatn, vegna viðgerða og komu iðulega með sjúka menn og slasaða....
Meira

Dansiball verður í Félagsheimilinu á Þingeyri á Sjómannadagskvöldið 31. maí n.k. Fjörið byrjar klukkan 23:00 og stendur til klukkan 03:00. Aðgangseyrir er 1000.- kr. Tónlistarflutningur verður í umsjón DJ Luis de Marco. Nú er um að gera að skella sér í diskóskóna og drífa sig á ekta diskó og dansa eftir takti hins suðræna og skúkklaðibrúna Spánverja sem þeytir skífum.

Góða skemmtun
f.h. nefndarinnar
Guðrún S. Sigþórsdóttir