A A A
  • 2005 - Jovina Marianna Einarsdóttir
09.11.2018 - 08:55 | Hallgrímur Sveinsson

Fráfarandi formađur orđinn frekar lélegur í klettum

Frá Hrafnseyri á ţeim árum er ţar var stundađur sauđfjárbúskapur. Í baksýn er stađarins fjall, Ánarmúli, sem heitir svo í höfuđiđ á fyrsta léttadreng stađarins, Án rauđfeldi, manninum hennar Grelađar. Í ţví fjalli er einmitt hin heimsfrćga Breiđhilla, sem er langur og grösugur klettagangur. Ţar er sko ekki heiglum hent ađ smala. Ljósm. H. S.
Frá Hrafnseyri á ţeim árum er ţar var stundađur sauđfjárbúskapur. Í baksýn er stađarins fjall, Ánarmúli, sem heitir svo í höfuđiđ á fyrsta léttadreng stađarins, Án rauđfeldi, manninum hennar Grelađar. Í ţví fjalli er einmitt hin heimsfrćga Breiđhilla, sem er langur og grösugur klettagangur. Ţar er sko ekki heiglum hent ađ smala. Ljósm. H. S.
« 1 af 2 »

Aðalfundur Breiðhillufélagsins í Auðkúluhreppi var haldinn á veginum fyrir ofan Ketilseyri í Dýrafirði í fyrri viku. Höfðu fundarmenn Dýrafjarðargöng í baksýn.

   Það kom fram á fundinum, að formaður félagsins, Grímur gamli á Eyrinni, er orðinn svona frekar lélegur í klettum á allra síðustu misserum. Auk þess hundlaus. Sagðist hann því verða að stóla meira upp á yngri menn en verið hefur. Töldu fundarmenn að þetta ætti ekki að koma að mikilli sök, því Hákon Sturla Unnsteinsson, búaliði á Ketilseyri, er vaxandi maður á öllum sviðum þar á meðal í klettum og slíku. Svo er hann með þennan fína smalahund sér við hlið. Ber hann nafnið Lækur, enda ættaður frá Brjánslæk.

   Nú, nú. Samþykkt var að beina þeim eindregnu tilmælum til Miðbæjarbræðra, Kristjáns og Sigurðar Þórarins hreppstjóra, að þeir gefi kost á sér í fyrirstöðu þegar farið verður í Breiðhilluna. Því inneftir mega þær ekki fara. Verður það væntanlega 3. laugardag í nóvember. Reiknað er með að Miðbæjarkallinn verði þá í Þorbjarnardalskjaftinum með víðu útsýni og gefi þaðan ordrur en Siggi Þói hreppstjóri þar fyrir neðan og á veginum, þó án hreppstjóravalds, því hreppstjóri Auðkúluhrepps gefur það ekkert eftir. Ómar Dýri yfirlautinant verður á þjónustubifreið Auðkúluhrepps og gefur mönnum rapport í talstöðinni. Auðvitað verða allir með talstöðvar. En talandi um þjónustubifreið. Ekki vitum við til að nokkur annar hreppur hér um slóðir haldi úti slíkri þjónustu og er það nokkuð sem þeir þurfa að huga að.

   Arna og gimbrin dóttir hennar og veturgömlu gimbrarnar tvær lækkuðu sig um daginn, en nú eru þær víst komnar aftur upp í Breiðhillu, enda viðbúið í góðviðrinu undanfarið. Svo er alveg til í dæminu að fleiri ær séu þar uppi með lömbum, í Karlsstaðagilinu eða eitthvað.

   Ekki er reiknað með að útbýtt verði Viagra karamellum að þessu sinni, þar sem þær eru eiginlega hættar að flytjast. Allavega þær sem eitthvert bragð er að. 

  Jæja. Ketilseyrarkallinn taldi að þegar Arna þarf að komast í námunda við hrút muni hún lækka sig. En það er náttúrlega alveg óvíst því það geta alveg eins verið hrútar þarna uppi þessvegna. En það verður bara að koma í ljós.

     Ýmislegt fleira var tekið fyrir á fundinum þó þess sé ekki getið hér. Frá því verður þó að segja, að Grímur á Eyrinni var útnefndur ævilangur heiðursforseti félagsins með öllum greiddum atkvæðum. Konni á Ketilseyri var útnefndur nýr formaður Breiðhillufélagsins og var hann samþykktur með ferföldu húrrahrópi. 

   Það skal tekið fram, að þótt hér sé nokkuð fært í stílinn, er ýmislegt alveg pottþétt í málinu!

01.11.2018 - 09:39 | Bjarni Georg Einarsson,Guđmundur Ingvarsson,Hallgrímur Sveinsson

Viđ ţurfum nýjar uppfćrslur og önnur sjónarhorn fyrir byggđir Íslands

Löngu er kominn tími til að við lítum á land okkar sem eina heild. Smákóngahugsunarhátturinn ætti að tilheyra fortíðinni. Við félagarnir höfum gerst svo djarfir að benda á, að 100 milljarðar í stórtækar, almennar byggðaaðgerðir á ári í 5 ár, myndu breyta miklu fyrir landsmenn alla. En hvar á að taka þá peninga? Nefna má eftirfarandi leiðir:

  
1. Ríkissjóður gefi út 73 milljarða afborgunarlaus skuldabréf á ári næstu fimm ár með hefðbundnum vöxtum. Gott fyrir þá sem eru að ávaxta fé almennings. Lánið endurgreiðist með vegasköttum og gjöldum sem lagðir eru á umferðina næstu 30 ár eftir að afborganir byrja. Í ár er reiknað með allt að 80 milljarða skattlagningu á þeim bæ. Um það bil helmingur af því fer í annað en umferðarmál. Þá skattheimtu þarf bara ekkert að hækka til að greiða umrædd skuldabréf. En Alþingi verður að dusta rykið af vitleysunni á móti á fjárlögum og hefur til þess 30 ár. Alþingi verður sem sagt að forgangsraða! = ca. 365 milljarðar. 


2. Hlutur ríkisins í Íslandsbanka verði seldur. Raunhæft verð, varlega áætlað af sérfræðingum, 130-140 milljarðar. = ca.135 milljarðar.

Alls 500 milljarðar sem komi til viðbótar núverandi framlögum í 4 málaflokka.

 


Hvað á að gera við alla þessa peninga?


1.
Samgöngur á landi. Heilsárssamgöngur á landi eru grundvallaratriði fyrir allar byggðir landsins. Allir ættu að komast akandi þangað sem þeir vilja fara ef veður leyfir, hvenær sem er. Það myndi gjörbreyta flestu hér á landi. Þarf ekki að hafa um það fleiri orð.


2. Heilbrigðisþjónusta sem dugar. Allir geti fengið lækningu og fyrirbyggjandi heilsueftirlit í heimabyggð sé þess kostur. Hver einasti landsmaður hafi sinn héraðs-eða heimilislækni líkt og var áður. Margt bendir til að við þurfum að stórefla þetta kerfi, þó margt sé vel gert í dag. Á tímum einsemdar, einmanaleika, stofnanavæðingar og firringar þarf að hefja persónuleg tengsl upp á nýtt plan.  


Virkt og rétt stillt heimilislæknakerfi, þar sem mannleg fyrirgreiðsla er í öndvegi, getur sinnt 95 prósent þess vanda sem leitað er með til heilsugæslu segja þeir sem vit hafa á. Svo tekur við þegar nauðsyn krefur allt það yndislega fólk sem vinnur á spítölum. Enginn ætti að verða úti í okkar góða heilbrigðiskerfi. Það hlýtur að vera grundvöllurinn.

3. Öruggt rafmagn. Allir íbúar landsins geti stólað á rafmagn frá samveitum allan sólarhringinn árið um kring. Langtímamarkmið að allar raflínur fari í jörð.

4. Örugg nettenging um land allt. Menn geti unnið við tölvuna sína hvar sem er og hvenær sem er á mesta mögulega hraða. Ljúka verkinu strax.

 

Loforð fyrir kosningar = Svik eftir kosningar

Sérfræðingar munu auðvitað hlægja þessar tillögur út af borðinu. Við því er ekkert að segja. Hláturinn lengir lífið! Engum er ljósara en sveitamönnunum að það eru veikir punktar í málflutningnum. En það breytir því ekki, að við þurfum nýjar uppfærslur á hagsmunum heildarinnar. Tillögur okkar verður að skoða í því ljósi. Og formúla stjórnmálamanna Loforð fyrir kosningar = Svik eftir kosningar er bara orðin ga-ga eins og unga fólkið segir.

Við verðum að hætta lobbýismanum og skæklatoginu. Nýi bæjarstjórinn byrjar að heimta af ríkinu áður en hann mætir á skrifstofuna. Sennilega fer meira en helmingur af vinnutíma hans allt kjörtímabilið í að heimta fyrir bæinn sinn. Allan andskotann svo sterkt sé að orði kveðið. Við þurfum vegspotta hér og vegspotta þar segir hreppsnefndin. Svo þurfum við að fá heflað. Það er hola, hola hola. Við þurfum bundið slitlag þar. Við þurfum að færa opinber störf út á landsbyggðina. Við verðum að fá þennan skóla til okkar. Við verðum að fá léttan iðnað. Þannig endalaust frá morgni til kvölds. Sem er auðvitað allt 100% satt og rétt. Menn verða að láta vita af sér. En vinnubrögðin eru kolvitlaus!

 

Hvað kostar vitleysan á þjóðhagslegum grunni?

 

Við verðum að biðja einhverja góða sérfræðinga að reikna út hvað vitleysan kostar á þjóðhagslegum grunni. Til dæmis vin okkar Vilhjálm Bjarnason. Hvað kosta í beinum peningum allar suðurferðirnar á fundina og ráðstefnurnar? Aðallega til að heimta hitt og þetta. Erlendu álitsgjafarnir. Og fundirnir í heimahéraði. Jepparnir og uppihaldið. Endalausar skýrslur. Og ályktanir um það sem allir vita. Og allar nefndirnar? Endalaus lobbyismi. Þrýstihópar og málafylgjumenn. Og allar fréttastofurnar og fréttamennirnir sem eru sólarhringinn út að segja frá kvabbinu í okkur. Og getur það verið að helmingur af vinnutíma allra forsvarsmanna sveitarfélaga fari í að heimta? Við höfum ekki þrek til að ræða eftirlitsiðnaðinn sem Alþingi hefur komið upp. Og varla þrek til að nefna að sennilega fer meira en helmingur af vinnutíma Alþingis út um gluggann fyrir framan styttuna af Jóni Sigurðssyni á Austurvelli vegna atkvæðahræðslu.   

Nei, þessi vinnubrögð eru löngu gengin sér til húðar. Nú þurfum við stórhug, festu, djörfung, kjark og dug. Dustum vitleysuna burt! 

  

   

24.10.2018 - 10:36 | Hallgrímur Sveinsson

Sjónvarpspistill

Kristján Már Unnarsson
Kristján Már Unnarsson

Rétt einn Vestfirðingurinn sem hefur lag á að tala við fólk

Í þáttunum Um land allt á Stöð 2 heldur um tauma Kristján Már Unnarsson, með vestfirskt blóð í æðum. Hann er einn af reyndustu frétta- og sjónvarpsmönnum landsins. Viðurkenna ber, að undirritaður horfir skjaldan á Stöð 2. Geri hann það, velur hann gjarnan þessa þætti hans Kristjáns Más. Þeir eru einkar forvitnilegir og höfða til okkar þessara gömlu Móhikana. Kristján Már hefur nefnilega lag á að tala við fólk og fá það til að vera afslappað og tjá sig án þess vera nokkuð að spá í upptökuvélina. Minnir hann um margt á þá félaga Ómar Þ. Ragnarsson og Hemma Gunn. Þeir voru auðvitað sjónvarpsmenn á heimsmælikvarða. Hjá Kristjáni er sama taktíkin: Áhugaverðar spurningar og greinilega ekkert stress í efnistökum. Allt einhvern veginn eðlilegt, þvingunarlaust og engin hálfvelgja. Öllu, eða flestu, komið til skila sem er á dagskrá. Enda maðurinn Vestfirðingur sem áður segir! 

 
Frá Hrafnseyri í Auđkúluhreppi í
Frá Hrafnseyri í Auđkúluhreppi í "gamla daga"

Sú saga flýgur nú um Vestfirsku Alpana, að stofnað hafi verið nýtt félag í Auðkúluhreppi og segja kunnugir að ekki veiti nú af. Er um að ræða bæði hlutafélag og samvinnufélag og heitir Puntstrá ehf. 


Tilgangur félagsins: Að græða sem mest.


Tilgangi sínum hyggst félagið ná með því að kaupa og selja fasteignir, leigja þær út á svörtum og með almennri lána- og okurstarfsemi. Selja puntstrá og annan gróður af túnum hér vestra til höfuðborgarinnar og annarra landshluta. Einnig markaðsetning erlendis, einkum í Danmörku. Magnafsláttur verður veittur af öllum framleiðsluvörum félagsins. Gangverð á þeim er nú 250,000,- kr. kg. Að hvetja gamla og aflóga bændur til dáða á túnum sínum.

Heimili og varnarþing: Grelutóttir, 465 Bíldudalur.


Stjórn: Þrír góðglaðir á sundi. Nöfn þeirra verða ekki birt fyrr en búið er að færa stofnun félagsins inn í veðmálabækur Auðkúluhrepps.


Skoðunarmenn: Birt líka síðar.


Hlutafé: 450,000,000,00- Fjögur hundruð og fimmtíu milljónir króna.-


Hömlur á meðferð hlutafjár: Já.


Lausnarskylda á hlutabréfum: Nei.


Í tilkynningu kemur fram, að þeir sem áhuga hafa á að kaupa hlutabréf, því það sé eftir miklu að slægjast, snúi sér til Sparisjóðs Auðkúluhrepps. Þá kemur þar fram að gróðinn verði þvættaður og ávaxtaður bæði þar og á svokölluðum Tortóla eða Jómfrúreyjum eða jafnvel Cayman Islands. Þar ku hann vera nokkuð öruggur fyrir Skattmann gamla. Tekið skal fram, að hér er um fullan sannleika að ræða, þó nokkuð sé hann færður í stílinn.

09.10.2018 - 17:01 | Hallgrímur Sveinsson

Eru Fćreyingar ekki bestu vinir okkar?

Tingnes í Fćreyjum ţar sem Landsţing ţeirra hefur ađsetur.
Tingnes í Fćreyjum ţar sem Landsţing ţeirra hefur ađsetur.

Þessa afmælisdaga er því ekki mikið hampað í fjölmiðlum hverjir reyndust okkur vinir í raun þegar allt fór á hliðina. Hverjir voru það? Jú, það voru engir aðrir en frændur vorir, Færeyingar. Á þetta hefur margoft verið bent á Þingeyrarvefnum. 


Bandaríkin hafa oft reynst Íslendingum vel í gegnum tíðina, enda landið á áhrifasvæði þeirra. Og haukur í horni reyndist Roosevelt forseti okkur þegar við vorum að basla við að stofna lýðveldið. Sama má segja um Breta og fleiri svokallaðar vinaþjóðir okkar.


En korteri fyrir hrun neituðu Bandaríkin að rétta okkur hjálparhönd yfir hafið með nokkurra dollara lánalínu. Sem voru bara strætópeningar fyrir þá. Og hvað gerðu Bretar. Settu á okkur hryðjuverkalög! Og hinar Norðurlandaþjóðirnar? Það fer best á því að vera ekkert að tala um það. En það má vel glugga í skýrsluna hans Hannesar Hólmsteins.


Aftur á móti Færeyingar


Þeir skröpuðu hverja krónu sem þeir áttu út um allar eyjar og sendu okkur sjö milljarða króna til ráðstöfunar í beinhörðum gjaldeyri. Áttum bara að endurgreiða eftir hentugleikum sögðu sumir. Þetta gerði það að verkum, að sögn kunnugra, að við gátum lifað frá degi til dags.  Greitt til dæmis kortareikninga fyrir mat og allt. Og Grænlendingar? Þeir hefðu örugglega gert það sama og Færeyingar. Þeir áttu bara ekki fimmeyring til! Þetta og fleira í okkar sögu, segir skýrum stöfum að þessir næstu nágrannar okkar eru bestu vinir Íslands, sé litið á heilar þjóðir. Það er ekki margbreyttara en það. Við ættum hreinlega að stofna ríkjabandalag með þessum kæru vinum okkar!

26.09.2018 - 15:44 | Sigmundur Fríđar ţórđarson

Flugvöllurinn á Ţingeyri í stanslausri notkun

Kuđungahrúga eftir
Kuđungahrúga eftir
« 1 af 6 »
Undirritaður hefur tekið eftir því að nú í sumar hefur verið mikið af fugli við Þingeyrarflugvöll. Við nánari skoðun hefur komið í ljós að fulginn er að nýta þetta frábæra mannvirki við að brjóta kuðunga. Hann flýgur með kuðunguna í þó nokkurri hæð yfir flugvöllinn og lætur hann detta á flugbrautina. Við það brotna kuðungarnir og þá á fuglinn auðvelt með að ná sér í fiskinn sem er í kuðungunum....
Meira
10.09.2018 - 15:54 | Hallgrímur Sveinsson,Guđmundur Ingvarsson,Bjarni Georg Einarsson

100 milljarđar í almennar ađgerđir á ári í 5 ár munu gjörbreyta Íslandi!

Okkar góða land þarf nýjar uppfærslur í byggðamálum. Gamla byggðastefnan, hver sem hún var, er löngu gengin sér til húðar. Út af fyrir sig ber ekki að vanþakka það sem gert hefur verið á liðnum árum til endurreisnar. Menn voru í góðri trú eins og oftast þegar ákvarðanir eru teknar. En nú hafa menn aðra sýn. Endalausar smáskammtalækningar eru vonlitlar þegar á heildina er litið. Þær eru meira og minna atkvæðaveiðar á röngum forsendum. En hvað á að koma í staðinn?

Við sveitamennirnir gerumst svo djarfir að benda á, að stjórnvöld þurfa að standa að nokkrum stórtækum, almennum aðgerðum fyrir byggðir landsins nú þegar. Ef þau bera gæfu til þess, mun flest annað koma sjálfkrafa í kjölfarið. Gömlu góðu frumatvinnuvegirnir, sjávarútvegur, landbúnaður og iðnaður hverskonar ásamt ferðaþjónustu verða áfram kjölfestan. Atvinnumál eru undirstaða alls mannlífs í landinu. En það er lífsnauðsyn fyrir þjóðina að hún líti á Ísland sem eina heild. Ef við höldum jafnvæginu í byggðinni með almennum aðgerðum, þurfa stjórnvöld ekkert að skipta sér af hvar fólkið vill búa.

Nokkur dæmi um bráðnauðsynlegar, almennar aðgerðir, sem þola enga bið:

  • Samgöngur á landi. Heilsárssamgöngur á landi eru grundvallaratriði fyrir allar byggðir landsins. Allir ættu að komast akandi þangað sem þeir vilja fara ef veður leyfir, hvenær sem er. Það myndi gjörbreyta flestu hér á landi. 
  • Öruggt rafmagn. Allir íbúar landsins geti stólað á rafmagn allan sólarhringinn árið um kring. Nýta þær vatnsvirkjanir sem fyrir eru eins vel og kostur er og reisa nýjar þar sem algjör nauðsyn krefur. Styrkja dreifikerfi raforku þar sem þörf er á. Allt samkvæmt ströngustu kröfum Lloyd‘s í umgengni við náttúruna og Náttúrulistasalinn Ísland. Langtímamarkmið að allar raflínur fari í jörð. 
  • Heilbrigðisþjónusta sem dugar. Allir geti fengið lækningu og fyrirbyggjandi heilsueftirlit í heimabyggð sé þess kostur. Hver einasti landsmaður hafi sinn heimilislækni líkt og var áður. Allir hafi beinan persónulegan aðgang að sínum lækni. Það mun koma í veg fyrir mörg mistök og þjáningar og spara heilbrigðisþjónustunni ómældar upphæðir sem hægt er að nota annarsstaðar í því kerfi. Um það var talað fyrir nokkrum árum, að virkt og rétt stillt heimilislæknakerfi geti sinnt 95 prósent þess vanda sem leitað er með til heilsugæslu. Spara þannig heilbrigðiskerfinu í heild umtalsverðar fjárhæðir. Er þetta ekki ennþá grunnurinn? Eða eigum við að horfa endalaust upp á að menn verði úti á hverjum degi í okkar góða heilbrigðiskerfi? „Greiður aðgangur að heimilislækni, þekking á sjúklingi og fjölskyldu hans, ásamt trausti og samfellu í meðferð, er það mikilvægasta í þjónustu heilsugæslunnar og skiptir höfuðmáli. Slíkt verklag sparar mikla fjármuni.“ Svo skrifaði Halldór Jónsson, formaður Félags íslenskra heimilislækna, í Læknablaðinu fyrir nokkrum árum. Vituð ér enn eða hvat?
  • Örugg nettenging um land allt. Menn geti unnið við tölvuna sína hvar sem er og hvenær sem er á mesta mögulega hraða. Ljúka verkinu strax!


Hvar á að taka peningana?

  • Ríkissjóður gefi út 50-75 milljarða skuldabréf á ári næstu fimm ár með sæmilegum vöxtum. Verkefni fyrir lífeyrissjóði og aðra sem hafa mikið fé undir höndum. Lánið endurgreiðist með sköttum sem lagðir eru á umferðina næstu 40 ár. Og því ekki happdrættisskuldabréf líka fyrir almenning?
  • Vegtollar lagðir á þar sem nauðsyn krefur. 
  • Hlutur ríkins í Íslandsbanka verði seldur. Raunhæft verð, varlega áætlað, 130-140 milljarðar.
Alls ca. 500 milljarðar í 5 ár, sem komi til viðbótar núverandi framlögum. Kannski stór upphæð, en hvað kosta allar hótelbyggingarnar sem við höfum byggt á liðnum árum? 


Þegar þetta er allt komið í kring innan örfárra ára, getur landsstjórnin minnkað stórlega allt byggðavesen. Landsins þegnar velji sér búsetu þar sem þeim þóknast. Sveitarstjórnir verði raunverulega gerðar ábyrgar fyrir sem flestum málum, hver á sínu svæði. Fjárveitingar til þeirra verður þá að stórauka. Ríkið dragi saman seglin þar á móti og fækki starfsmönnum verulega. Margar ríkisstofnanir lagðar niður, eða sameinaðar. Punktur og basta!

Hallgrímur Sveinsson, Guðmundur Ingvarsson, Bjarni G. Einarsson

03.08.2018 - 14:10 | Hallgrímur Sveinsson

Krydd í tilveruna: Ađ ganga á vatninu

Síra Baldur í stofu á Hrafnseyri fyrir mörgum árum. Trúlega ađ veita einhverjum góđ kristileg ráđ! Ljósm. Hallgr. Sveinsson.
Síra Baldur í stofu á Hrafnseyri fyrir mörgum árum. Trúlega ađ veita einhverjum góđ kristileg ráđ! Ljósm. Hallgr. Sveinsson.
Valdimar Gíslason, æðarbóndi á Mýrum og hreppstjóri Mýrahrepps, tilkynnti að loknum nokkrum sundtökum einn morguninn í Sundlauginni á Þingeyri, að nú væri hann hættur að synda í bili. Nú ætlaði hann þess í stað að ganga á vatninu í einhvern tíma.
Þessi yfirlýsing hreppstjórans gaf tilefni til að rifja upp lítilsháttar úr Djúpinu bláa. Þannig er að það er langt á milli kirkna í sóknum þar í sveitum. Hafa sóknarprestar í Vatnsfirði þurft að nota ýmis ráð og meðöl til að komast á útkirkjurnar til að embætta  í gegnum tíðina....
Meira
 Sigurđur Hreinsson, Nanný Arna Guđmundsóttir og Kristján Andri Guđjónsson bćjarstjórnarmenn, fćra Vilbergi Valdal Vilbergssyni blómvönd og útnefningarskjal sem heiđursborgari Ísafjarđarbćjar, fyrir utan heimili hans í vor. (bb.is)
Sigurđur Hreinsson, Nanný Arna Guđmundsóttir og Kristján Andri Guđjónsson bćjarstjórnarmenn, fćra Vilbergi Valdal Vilbergssyni blómvönd og útnefningarskjal sem heiđursborgari Ísafjarđarbćjar, fyrir utan heimili hans í vor. (bb.is)
Sumir menn varpa ljóma á umhverfi sitt. Jafnvel án þess að gera sér grein fyrir því sjálfir. Þeir hreykja sér ekki. Oft er þetta listafólk. En megineinkenni góðra listamanna er hógværð og lítillæti. Nægjusemi og mannkærleikur áberandi. Að gera grín að sjálfum sér er þeim nauðsyn. Og græskulausar gamansögur um náungann ómissandi.
Um daginn sýndi sjónvarpið okkar þátt um einn slíkan mann, Vestfirðinginn, harmonikusnillinginn og rakarann Vilberg Vilbergsson, Villa Valla. Full ástæða er til að vekja athygli á því góða framtaki. Nefnist myndin Villi Valli á tónleikum. ...
Meira
10.07.2018 - 12:08 | Sigmundur Fríđar ţórđarson

Bćta ţarf umgengni á Söndum

« 1 af 2 »
Þingeyringar, Dýrfirðingar, sumarbústaðaeigendur og aðrir sem henda rusli á Söndum, líkt og sjá má á meðfylgjandi myndum er mikið af plasti og öðrum úrgangi í garðaúrgangs haugum á Söndum. Svona viljum við ekki hafa það. Verum öðrum góð fyrirmynd og gerum betur! Þarna á aðeins að losa garðagróður. 
Fyrri síđa
1
234567232425Nćsta síđa
Síđa 1 af 25
Eldri fćrslur
« Nóvember »
S M Ţ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30