Eftir Elfar Loga Hannesson og Þröst Leó Gunnarsson. Leikstjórn: Þröstur Leó Gunnarsson. Dramatúrg: Símon Birgisson. Tónlist: Svavar Knútur Kristinsson. Útlit: Elfar Logi Hannesson og Þröstur Leó Gunnarsson. Búningur: Þórunn Helga Sveinbjörnsdóttir. Lýsing: Magnús Arnar Sigurðsson. Leikari: Elfar Logi Hannesson. Kómedíuleikhúsið frumsýndi í Selárdal 25. september 2016 og hefur sýnt víða um land á haustmánuðum. Rýnt í sýningu í Kúlunni í Þjóðleikhúsinu 15. janúar 2017.




...
Meira

Katrín Björk Guðjónsdóttir er Vestfirðingur ársins árið 2016 að mati lesenda Bæjarins besta og bb.is. Katrín Björk er 23ja ára Flateyringur og hefur hún haldið úti bloggsíðunni  https://katrinbjorkgudjons.com/  þar sem hún deilir með lesendum lífinu og tilverunni með hennar augum eftir að líf hennar kollvarpaðist árið 2015 er hún fékk stóreflis blóðtappa í heila, en áður en það gerðist hafði hún tvívegis fengið heilablæðingar. Blóðtappinn stóri lamaði Katrínu Björk frá hvirfli til ilja og gat hún fyrst einungis hreyft augun til að gefa merki og tjá sig. Katrín hefur tekið miklum framförum í endurhæfingu og getur til að mynda sest sjálf upp, staðið og notað fingurna til að skrifa með þeim bloggin sem heillað hafa lesendur upp úr skónum....
Meira

Þegar árrisult fólk kveikti á útvarpi að morgni 16. janúar 1995 hljómaði þar sorgartónlist og mátti ljóst vera að eitthvað skelfilegt hefði gerst. Og síðan komu fréttir, fremur óljósar í fyrstu: Snjóflóð hefði fallið á Súðavík, lagt hluta þorpsins í rúst og margir væru látnir. Þegar björgunarstarfi við mjög erfiðar aðstæður lauk var niðurstaðan þessi: Fjórtán manns fórust, þar af átta börn, og tólf slösuðust. Flóðið lenti á tuttugu húsum, en allmargir björguðust ómeiddir. ...
Meira

Þar kom að því að RÚV sýndi einhverja leikgerð Borgarleikhússins af Brennu- Njáls sögu um daginn. 
Þetta var frábær sýning, eiginlega stórkostleg! Þessi magnaða sýning stóð yfir í rúmlega þrjár klukkustundir. Frábært.
Undirritaður hélt út í eina og hálfa stund. Er þess vegna ekki dómbær um þessa stórkostlegu upplifunarsýningu. Sama er að segja um alla þá sem hann hefur spurt, sem eru nokkuð margir: Enginn mætti í seinni hálfleikinn. Og er auðvitað  skömm að því. Eru þess vegna úti að aka. Þetta er frábært. Mögnuð fyrirmynd hinnar svokölluðu landsbyggðar sem alltaf er að sýna einhverjar leiksýningar og svoleiðis  sem eru eiginlega alveg út úr kortinu....
Meira

...
Meira

Guðmundur Ingi fæddist á Kirkjubóli í Bjarnardal í Önundarfirði 15. janúar 1907. Foreldrar hans voru Kristján Guðjón Guðmundsson, bóndi á Kirkjubóli, og k.h., Bessabe Halldórsdóttir.

Systir Kristjáns var Guðrún, amma Gests Ólafssonar skipulagsfræðings og langamma Þórunnar Valdimarsdóttur, rithöfundar og sagnfræðings. Kristján var sonur Guðmundar Pálssonar, bónda á Kirkjubóli, bróður Hákonar, langafa Sigurjóns Péturssonar heitins, sem var forseti borgarstjórnar.
Systir Bessabe var Friðrikka, amma Einars Odds Kristjánssonar alþm. f. 1942 - d. 2007.
Systkini Guðmundar Inga voru Ólafur, skólastjóri í Hafnarfirði, faðir Kristjáns Bersa skólameistara og afi Ólafs Harðarsonar stjórnmálafræðings, Jóhanna á Kirkjubóli, og Halldór, rithöfundur og alþm.
Eiginkona Guðmundar Inga var Þuríður Gísladóttir frá Mýrum í Dýrafirði og stjúpsonur hans Sigurleifur Ágústsson. Þuríður var fædd þann 6. júlí og hún lést síðast liðið haust þann 30. október 2016.

...
Meira

Úthlutunarnefnd fræðimannsíbúðar, samkvæmt reglum um Hús Jóns Sigurðssonar í Kaupmannahöfn, lauk störfum í desember 2016  og úthlutað íbúð fræðimanns á 4. hæð hússins árið 2017.

Nefndinni bárust að þessu sinni umsóknir um dvöl til að sinna 23 verkefnum.

Úthlutað var dvalartíma til að vinna að 10 verkefnum:

...
Meira

Hannibal fæddist í Fremri-Arnardal í Skutulsfirði 13. janúar 1903. Foreldrar hans voru Valdimar Jónsson, bóndi þar, og k.h. Elín Hannibalsdóttir.
Bróðir Hannibals var Finnbogi Rútur, alþm. og bankastjóri.
Eiginkona Hannibals var Sólveig Ólafsdóttir og urðu synir þeirra landsþekktir, þeir Arnór heimspekiprófessor, Ólafur, rithöfundur og fyrrv. vþm., og Jón Baldvin, fyrrv. alþm. ráðherra, formaður Alþýðuflokksins og sendiherra.
Hannibal stundaði sjósókn og verkamannavinnu á unglingsárum og lauk prófi frá kennaraskólanum í Jonstrup 1927. Hann var skólastjóri í Súðavík 1929-31, stundaði skrifstofustörf hjá Samvinnufélagi Ísfirðinga, kenndi 1931-38 og var skólastjóri Gagnfræðaskólans á Ísafirði 1938-54. Hann hóf afskipti af verkalýðsbaráttu um 1930, var formaður Verkalýðsfélags Álftfirðinga í tvö ár og Verkalýðsfélagsins Baldurs á Ísafirði 1932-39, forseti Alþýðusambands Vestfjarða 1934-54 og forseti ASÍ 1954-71, bæjarfulltrúi á Ísafirði 1933-49, alþm. 1946-73 og ráðherra í tveimur vinstristjórnum, Hermanns Jónassonar 1956-58 og Ólafs Jóhannessonar 1971-73.

...
Meira