Nú þegar Repúblikaninn Donald J. Trump er orðinn forseti Bandaríkjanna má rifja það upp, að lang flestar skoðanakannanir vestra sögðu fyrir um sigur frú Hillary Clinton fram á síðasta dag. En hvað klikkaði? Það var auðvitað ýmislegt. Spakir menn þar vestra héldu því til dæmis fram, að þeir sem höfðu samband við kjósendurna hefðu yfirleitt hringt í heimasíma þeirra. Þar svöruðu aðdáendur frú Clinton. Þeir föttuðu ekki að flestir fylgjendur Donalds voru bara með GSM síma eða þannig. Nú voru það Demókratar sem fóru á límingunum. ...
Meira

Fjöruverðlaunin, bókmenntaverðlaun kvenna, voru veitt við hátíðlega athöfn í Höfða í dag, 19. janúar 2017.

Verðlaunin hlutu:
Í flokki fagurbókmennta:
Raddir úr húsi loftskeytamannsins eftir Steinunni G. Helgadóttur

Í flokki barna- og unglingabókmennta:
Íslandsbók barnanna eftir Margréti Tryggvadóttur og Lindu Ólafsdóttur

Í flokki fræðibóka og rita almenns eðlis:
Heiða – fjalldalabóndinn eftir Steinunni Sigurðardóttur

Þetta í ellefta sinn sem verðlaunin eru veitt og í þriðja sinn síðan borgarstjóri Reykjavíkur, bókmenntaborgar UNESCO, gerðist verndari verðlaunann  og bauð Dagur B. Eggertsson gesti velkomna og afhenti verðlaunahöfum blóm. Venju samkvæmt fengu verðlaunahafar keramik-egg eftir listakonuna Koggu. Einnig fengu verðlaunahafar afhent gjafabréf fyrir dvöl á Kolkuósi í Skagafirði.
Rökstuðningur dómnefnda:

 

...
Meira

Það er margt sem leitar á hugann við lestur bókar Steinunnar Sigurðardóttur rithöfundar um fjalldalabóndann Heiðu, sem bókaforlagið Bjartur gaf út nú fyrir jólin, en Heiða er ung kona, innan við fertugt, sem býr á Ljótarstöðum, efsta bæ í Skaftártungu. 
Mín fyrsta hugsun við lestur þessarar bókar snerist um föðurömmu mína, sem hét Vilborg Runólfsdóttir og var fædd að Ásgarði í Landbroti en átti heima um skeið undir lok 19. aldar á Eintúnahálsi, sem var bær fjarri öllum öðrum byggðum en er nú eyðibýli sem finna má þegar ekið er inn í Laka....
Meira

...
Meira

Mánuðurinn þorri hefst í 13. viku vetrar, nú 19. til 25. janúar, en 9. til 15. janúar í gamla stíl fyrir 1700. Mánaðarnafnið er kunnugt frá 12. öld en uppruni þess er óviss.
Þorri er persónugerður sem vetrarvættur í sögnum frá miðöldum. Þar er einnig getið um þorrablót, en þeim ekki lýst. Vetraröldungurinn Þorri er algengt yrkisefni á 17. – 19. öld og um fagnað eða sérstaka siðvenju við upphaf þorra eru heimildir frá öndverðri 18. öld. Líklegt er að slíkar venjur séu allmiklu eldri....
Meira

Fyrir sextíu árum, um miðjan janúar 1957 geysaði afspyrnuveður í þrjá daga samfellt í Önundarfirði og olli miklum skemmdum.
Hinn 15. janúar var ofsa vestanveður og urðu þá miklir skaðar á Vífilsmýrum, en þar var tvíbýli. Þar fauk þak af tveim hlöðum og fjós skemmdist svo að flytja varð kýrnar á næsta bæ. Vörubílll, Chevrolet 4,5-5 tonna í eigu Kaupfélags Önfirðinga var sendur á vettvang með segl til að breiða yfir heyið. Þeir sem fóru með bílnum gengu áleiðis til bæjar en þá skall á ógnar hviða og fauk vörubíllinn á hvolf en jeppi sem stóð rétt hjá honum haggaðist ekki. Í þessari hviðu tókst á loft bóndinn á Kotum sem kominn var til aðstoðar , skall á jörð og féll í öngvit. Hann var fluttur í sjúkraskýlið á Flateyri, þjáður, óbrotinn en með heilahristing....
Meira

For­seti Íslands Guðni Th. Jó­hann­es­son og El­iza Reid for­setafrú halda í op­in­bera heim­sókn til Dan­merk­ur í byrj­un næstu viku. Heim­sókn­in hefst þriðju­dag­inn 24. janú­ar 2017 með form­legri mót­töku­at­höfn við Amalíu­borg­ar­höll í Kaup­manna­höfn og lýk­ur að morgni fimmtu­dags­ins 26. janú­ar. Þetta er fyrsta op­in­bera heim­sókn for­seta til út­landa frá því hann tók við embætti í sum­ar.
Guðlaug­ur Þór Þórðar­son ut­an­rík­is­ráðherra verður með í för ásamt op­in­berri sendi­nefnd sem í eru full­trú­ar mennta- og fræðasam­fé­lags auk emb­ætt­is­manna frá ut­an­rík­is­ráðuneyti og embætti for­seta, að því er fram kem­ur í til­kynn­ingu frá skrif­stofu for­set­ans.
For­seta­hjón­in munu fara í Jóns­hús þar sem þau skoða sýn­ingu um Jón Sig­urðsson og Ingi­björgu Ein­ars­dótt­ur konu hans á þriðju­deg­in­um.

...
Meira

Bergur Torfason fæddist á Felli í Dýrafirði 18.1. 1937 og ólst þar upp í foreldrahúsum við öll almenn sveitastörf þess tíma.

Bergur stundaði nám við Héraðsskólann á Núpi í Dýrafirði 1953-54, lauk búfræðiprófi frá Bændaskólanum á Hólum 1956, varð búfræðikandídat frá Bændaskólanum á Hvanneyri 1959 og fór námsferð til Norðurlandanna 1958.
Bergur hóf búskap á Felli 1959 og stundaði þar búskap til 1986 er Anton Torfi, sonur hans, tók við búinu. Hann var sparisjóðsstjóri Sparisjóðs Mýrhreppinga 1986-95 er sjóðurinn var sameinaður Sparisjóði Þingeyrarhrepps. Auk þess stundaði Bergur túnmælingar og kortateikningar fyrir Búnaðarsamband Austurlands og fyrir Búnaðarsamband Vestfjarða 1962 og 1963, og var kennari við Héraðsskólann á Núpi 1961-62 og 1966-75.
Bergur flutti til Þingeyrar 1995 og hefur búið þar síðan. Hann starfaði við Kaupfélag Dýrfirðinga síðasta rekstrarár þess og var síðan fulltrúi á Skóla- og fjölskylduskrifstofu Ísafjarðarbæjar á árunum 1998 til starfsloka, 2007, er hann var 70 ára.

...
Meira