Eimskipafélag Íslands óskar viðskiptavinum og landsmönnum öllum farsældar á árinu 2017.

Á þessum árstíma kemur dagatal Eimskips ávallt út. Myndirnar sem prýða dagatalið fyrir árið 2017 eru teknar af RAX, Ragnari Axelssyni ljósmyndara.

Hægt er að nálgast dagatöl á afgreiðslustöðum Eimskips um land allt....
Meira

Starfsfólk Saltkaupa óskar viðskiptavinum sínum og landsmönnum öllum gleðilegra jóla og farsældar á komandi ári. ...
Meira

Haldin verða nokkur námskeið um gerð styrkumsókna, en á miðnætti mánudagsins 9. janúar rennur út umsóknarfrestur í Uppbyggingarsjóð Vestfjarða.
Þeir Skúli Gautason, menningarfulltrúi og Valgeir Ægir Ingólfsson, atvinnumálafulltrúi, halda örstutt námskeið í gerð umsókna og bjóða upp á viðtöl og ráðgjöf í kjölfarið.

 Námskeiðin verða á eftirtöldum stöðum:

...
Meira

Á Þorláksmessu, 23. des. 2016, tókum við þessa mynd í heiðskíru veðri á Hrafnseyri við Arnarfjörð, fæðingarstað Jóns Sigurðssonar. 
Til vinstri á myndinni er endurgerður fæðingarbær Jóns Sigurðssonar. Hrafnseyrarnefnd lét leggja hornstein hans 17. júni 1994 og tekinn var hann í notkun 17. júní 1997.  Það var afi Jóns og alnafni sem reisti bæinn upphaflega um aldamótin 1800 eftir teikningum séra Guðlaugs Sveinssonar í Vatnsfirði við Djúp sem hann birti 1791. Hugmyndir séra Guðlaugs voru í raun fyrstu hugmyndir um byggingu burstabæja á landinu sem vitað er um og má hann því kallast faðir íslenska burstabæjarins, sagði próf. Þórhallur Vilmundarson. Þess má geta, að burstabæir urðu ekki algengir í sveitum landsins fyrr en um miðja 19. öld.

   Hrafnseyrarkirkja til hægri, elsta húsið á staðnum,  var vígð 28. febrúar 1886 af séra Janusi Jónssyni próf. í Holti í Önundarfirði.

...
Meira

Við heimreiðina að bænum Hólum í Dýrafirði stendur þessi myndarlegi sveinki vaktina. Hann heitir  Sankti Kláus og er ættaður frá Bandaríkjunum. 
Þó hann sé þaðan, þá er ekki frítt við að að hann sé svolítið smalalegur á svipinn upp á íslenskan máta.  
Sankti Kláus er amerísk útgáfa af heilögum Nikulási, kenndur við Coca Cola. Ekki er annað að sjá en Kláus sé til í hvað sem er. 
Í Hólum búa þau hjón Friðbert Jón Kristjánsson og Ásta Kristinsdóttir. Þar er landsþekkt veðurathugunarstöð  sem kunnugt er....
Meira

Súgfirðingarnir Kristín Sturludóttir og Guðbjörn Björnsson eiga 65 ára brúðkaupsafmæli í dag, 1. janúar 2017. 
Þau voru gefin saman í hjónaband í Suðureyrarkirkju í Súgandafirði, 1. janúar 1952 af séra Jóhannesi Pálmasyni presti, sem þjónaði þar í rúmlega 30 ár. 
Hann sendi þeim þessa vísu þegar liðin voru 25 ár, á silfurbrúðkaupsdaginn:...
Meira

Vestfirska forlagið óskar Dýrfirðingum heima og heiman sem og öllum vinum og velunnurum farsældar á nýja árinu með þökk fyrir viðskiptin á árinu sem liðið er.
Á árinu 2016 komu út 6 bækur hjá Vestfirska forlaginu. Þökkum öllum í þeim stóra hópi fólks sem skipa metnaðarfulla áhöfn forlagsins og öllum hinum fjölmörgu sem komu að mannlífs- og menningarlegri starfseminni forlagsins með einum eða öðrum hætti á árinu 2016 sem og fyrri árum.
Vestfirska forlagið að Brekku á Þingeyri....
Meira

Gils Guðmundsson fæddist í Hjarðardal innri í Önundarfirði 31. desember 1914, sonur Guðmundar Gilssonar, útvegsb. í Hjarðardal, og k.h., Sigríðar Hagalínsdóttur.

Foreldrar Guðmundar: Gils Bjarnason á Mosvöllum og Guðmundína Jónsdóttir, systir Guðnýjar, ömmu Jónu, ömmu Ólafs Þ. Þórðarsonar og Kjartans Ólafssonar alþm. Foreldrar Sigríðar: Hagalín Þorkelsson og Sólveig Pálsdóttir.

Kona Gils var Guðný Jóhannesdóttir en dóttir þeirra er Erna Sigríður Gilsdóttir, kennari í Danmörku. Stjúpsonur Gils er Úlfur Árnason, doktor í Lundi.

Gils lauk kennaraprófi frá KÍ 1938, var sjómaður 1934-40, kennari við Íþróttaskólann í Haukadal og við unglingaskóla í Garði og Sandgerði, rithöfundur frá 1942, blaðamaður og ritstjóri 1943-56 og framkvæmdastjóri Menntamálaráðs og Bókaútgáfu Menningarsjóðs 1956-75.

Gils var alþingismaður Reykjavíkur fyrir Þjóðvarnarflokk Íslands 1953-56 og þingmaður Reykjaneskjördæmis fyrir Alþýðubandalagið 1963-79.

...
Meira