Í dag er kómískur dagur. Því í dag kynnum við leikárið okkar sem er sannarlega ævintýralegt og sögulegt.

Tvö ný íslensk leikrit verða frumsýnd auk þess verða tveir góðir kómedíukunningar áfram á fjölunum. Allir ættu að geta fundið sér eitthvað við hæfi á leikárinu því úrval sýninganna er sannarlega eitthvað fyrir alla.

Fyrsta frumsýning leikársins er í október þegar ævintýraleikurinn Búkolla - Ævintýraheimur Muggs....
Meira

Smári Geirsson fræðimaður á Neskaupstað var á ferð um Vestfirði nú í ágústmánuði.

Tilgangur ferðarinnar var að heimsækja alla staði fyrir vestan þar sem hvalstöðvar höfðu verið starfræktar, flestar af Norðmönnum á tímabilinu 1882-1915.

Smári vinnur að bók um hvalveiðar og hvalstöðvar á Íslandi og hefur aflað sér heimilda um þá sögu, meðal annars í Noregi, fyrir milligöngu Önfirðingafélagsins.
...
Meira

Gerður fæddist í Reykjavík 10. september 1942 og ólst þar upp í Vesturbænum, auk þess sem hún var í sveit á sumrin hjá frændfólki sínu í Höll í Haukadal í Dýrafirði frá sjö til tólf ára aldurs.
 

Gerður lauk prófi frá Kvennaskólanum í Reykjavík 1959, stundaði leiklistarnám í tvö ár, stundaði enskunám í Englandi 1964-65 og stundaði nám við Myndlistaskólann í Reykjavík í nokkur ár.

...
Meira

Ný hvalbein voru vígð í hvalbeinahliði á elsta skrúðgarði landsins, Skrúði í Dýrafirði, í gær.

Gömlu hvalbeinin eru frá árinu 1932 en þau eru talin vera af einni stærstu steypireyði sem veidd hefur verið á norðanverðu Atlantshafi.

Nýju beinin eru af langreyði sem veidd var árið 2009 og það er Hvalur ehf. sem gaf skrúðgarðinum beinin. Þau eru þó rúmum metra styttri en gömlu beinin sem hefur verið komið til varðveislu hjá Náttúrugripasafni Bolungarvíkur....
Meira

Eitt af hlutverkum safns er að segja sögur. Það má gera með ýmsum hætti. Meðal annars þeim að safnið gegni hlutverki sögugripa-hótels  þar sem hótelgestir vinna fyrir dvöl sinni með því að segja sögur...

Landbúnaðarsafnið á Hvanneyri hefur um nokkurt skeið fetað sig áfram eftir þeirri götu, varlega þó og í litlum mæli, svo sem eðilegt er.

Fyrir nokkrum dögum kom gagnmerkur Willys-jeppi í safnið til hótel-dvalar sem sögugripur.  Jeppinn kom nýr að Hofi í Dýrafirði. Árgerð 1946 er hann, og hefur verið gerður í sitt upphaflega form að öllu leiti, af miklum hagleik.

...
Meira

„Ég held að ég verði seint metsöluhöfundur í Egyptalandi en hvað sem því líður er þetta áhugavert og skemmtilegt," segir dýrfirski rithöfundurinn Vilborg Davíðsdóttir, sem nýverið landaði samningi við arabíska útgáfufélagið Animar í Egyptalandi um þýðingu á bókinni Galdur sem kom út hjá Forlaginu árð 2000.

Vilborg segir bókamessuna í Frankfurt í Þýskalandi á síðasta ári spila veigamikla rullu í útgáfuferli bókarinnar á erlendri grundu. „Í tengslum við heiðurssess Íslands á bókamessunni í Frankfurt ákvað bandaríska útgáfufyrirtækið Amazon Crossing, dótturfyrirtæki Amazon, að gefa út bækur eftir sjö íslenska höfunda á ensku, þar á meðal mig og Galdur kom út vestan hafs í mars. Þannig opnaðist þessi gluggi til Egyptalands."

...
Meira

Eitt af höfuðdjásnum elsta skrúðgarðs landsins, Skrúðs í Dýrafirði, er hvalbeinahliðið sem þar stóð um áratugaskeið.

Síðastliðið ár hefur verið unnið að endurnýjun hliðsins og uppsetningu nýrra hvalbeina. Í tilkynningu frá Framkvæmdasjóði Skrúðs er boðið til hátíðar klukkan 14,:00 sunnudaginn 9. september, í tilefni þess að hvalbeinahliðið hefur verið endurreist. Séra Hildur Inga Rúnarsdóttir sóknarprestur mun blessa hin nýju bein auk þess sem flutt verða stutt ávörp. Að afhöfn lokinni verða veitingar í boði Ísafjarðarbæjar.

Allir eru velkomnir á hvalbeinahátíðina í Skrúði.

...
Meira

Í síðastliðinni viku var tekið á móti nýnemum í Menntaskálann á Ísafirði.

Á miðvikudegi vígðu svo eldri nemendur busana í sinn hóp og daginn eftir fóru nýnemar ásamt umsjónarkennurum og íþróttakennara saman í ferðalag.

Farið var í Ósvör og að Núpi í Dýrafirði þar sem gist var eina nótt. Í Dýrafirði var gengið út á Arnarnes og til baka að Núpi. Seinna um daginn var gengið í garðinn Skrúð og hann skoðaður. Um kvöldið var kvöldvaka og stjórn NMÍ kom í heimsókn og sagði frá félagslífinu í skólanum. Daginn eftir fóru nemendur í ratleik og að loknum morgunverði og var haldið  heim á leið.

Af heimasíðu MÍ.