A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
02.10.2012 - 20:51 | BIB

NÚMER EITT Í SÖGULEGUM SKÁLDSÖGUM

Dýrfirðingurinn Vilborg Davíðsdóttir.
Dýrfirðingurinn Vilborg Davíðsdóttir.

Skáldsaga Dýrfirðingsins Vilborgar Davíðsdóttur, Galdur, er í fyrsta sæti á metsölulista yfir sögulegar skáldsögur á ensku í Þýskalandi. 

Galdur
, sem á ensku nefnist On the Cold Coast, kom fyrst út hjá Random House í Þýskalandi en er nú komin út á ensku hjá AmazonCrossing.

Þessa dagana er verið að prenta nýja skáldsögu eftir Vilborgu sem kemur út fyrir jólin. Skáldsagan ber titilinn Vígroði og er framhald á söguAuðar djúpúðgu, sem kom út fyrir þremur árum og var tilnefnd til Íslensku bókmenntaverðlaunanna.

Amma mús.
Amma mús.
« 1 af 5 »

Á morgun þriðjudagskvöld 2. október 2012 verður gleðistundir önfirskra kvenna  og vina þeirra svo sem Dýrfirðinga og Súgfirðinga.

 

Eins og verið hefur hittumst við Í Ömmu  músÁrmúla 18 í Reykjavík  kl. 20:00

 

Prjónakaffið verður síðan haldið 6. nóvember og 4. desember þetta haustið en fyrsta kvöldið var 4. sept.


Hlakka til að sjá ykkur sem flestar.

 

Hildur Guðnadóttir í Ömmu mús

Ólafur Ragnarsson,  popp, Lýður Árnason og Þórir Baldursson flytja lagið -Hafið og fjöllin- eftir Óla popp á Þingeyri í kvöld.
Ólafur Ragnarsson, popp, Lýður Árnason og Þórir Baldursson flytja lagið -Hafið og fjöllin- eftir Óla popp á Þingeyri í kvöld.
« 1 af 3 »

Í kvöld var fundur Dögunar á Þingeyri þar sem fjöldi mætti til að njóta þessara einstæðu funda þar sem rækilega er farið yfir nauðsyn þess að fólk kjósi sér nýja stjórnarskrá auk þess að ræða grundvöll lýðræðis og mikilvægi þess fyrir heilbrigða þróun byggðar um allt land.


Þingeyringar eru vanir kraftmiklum fundum og góðri mætingu þegar mikilvæg mál eru til umræðu og brugðu ekki vana í kvöld. Kristjana S. Vagnsdóttir sem sótt hefur alla pólitíska fundi á staðnum sagði að þetta hafi verið langskemmtilegasti fundur sem hún hefði farið á.


Lýður Árnason og Þór Saari vöktu athygli fyrir skörulega framgöngu á fundinum og sem fyrr var fundurinn rammaður inn í tónlist sem hinn magnaði Þórir Baldursson seiðir af nótnaborðinu.


Fundinum lauk með því að Lýður læknir og Ólafur Rafnarsson poppari tóku laf Ólafs, Hafið og fjöllin með einstökum hætti við undirleik Þóris svo að sjá mátti glitra á tár í salnum.

30.09.2012 - 05:40 | BIB

Dýrfirðingar - Rútan er að koma!

Dýrfirðingar - Rútan er að koma!
Dýrfirðingar - Rútan er að koma!
« 1 af 3 »

30. september
Ísafjörður: Súpufundur í Edinborg kl. 12.00
Flateyri: Kaffifundur í Vagninum  kl. 16.00
Þingeyri: Kvöldvaka kl. 20.00 í félagsheimilinu


DÖGUN, stjórnmálasamtök, gera nú víðreist um landsbyggðina. Farkosturinn er gömul ráðherrarúta sem gerð hefur verið upp og sérútbúin til útbreiðslu fagnaðarerinda. 


Í ferðinni munu liðsmenn DÖGUNAR kappkosta að kynna nýja stjórnarskrá og hvetja sem flesta til að mæta á kjörstað þann 20. okt. n.k. Rútumálaráðherra er hinn kunni kosningasmali, Guðmundur Jón Sigurðsson, en margir hafa gist þinggeymzlur fyrir hans tilstilli. Meðal farþega ráðherrarútunnar eru Guðjón Arnar Kristinsson, Þóra Saari, þingmaður Hreyfingarinnar, Þorvaldur Gylfason, formaður SANS, Kristjana Hreinsdóttir, Skerjafjarðarskáld ofl. 


Fundum stýrir Lýður Árnason og eru allir velkomnir.

29.09.2012 - 07:13 | BIB

Núparinn hættir í ríkisstjórn

Oddný G. Harðardóttir á fundi á Selfossi á dögunum.
Oddný G. Harðardóttir á fundi á Selfossi á dögunum.
« 1 af 4 »
Katrín Júlíusdóttir, þingmaður Samfylkingarinnar, snýr aftur í ríkisstjórn þann 1. október næstkomandi, á mánudag.

Hún mun taka við embætti efnahags- og fjármálaráðherra sem Núparinn Oddný G. Harðardóttir hefur gegnt síðan í lok síðasta árs.

Oddný G. Harðardóttir var við nám í Héraðsskólanum að Núpi í Dýrafirði á sínum tíma og tók þar landspróf.

Ítarlegt viðtal er við Oddnýju G. Harðardóttir í helgarblaði DV sem Dýrfirðingurinn Sólrún Lilja Ragnarsdóttir tók.
Gulldúfan.
Gulldúfan.
« 1 af 2 »
Út er komið 6. hefti af Basil fursta hjá Vestfirska forlaginu og ber það nafnið Gulldúfan.

 

Hér eiga þeir furstinn og þjónn hans Sam Foxtrot í höggi við stórhættulegt glæpakvendi að nafni Mae West, sem er bæði kæn og slungin og er ekkert lamb að leika við.

  

Úr samtali þeirra Basils og Sam:

    Basil fursti situr önnum kafinn við skriftir, en það var nokkuð sem Sam var ekki hrifinn af. -Menn eru alveg hættir að fremja glæpi, sagði Sam og stundi þunglega. Ef þessu haldur áfram getum við tekið saman dót okkar og flutt á letigarðinn.

   Basil fursti leit brosandi upp frá blaðabunkanum.  -Á hverju augnabliki ske margir hræðilegir glæpir, sagði hann. -Ég hef aldrei á ævi  minni fengið jafn flókið mál til meðferðar og núna. Við munum eiga í höggi við forherta konu sem svífst einskis.  

  

Sam var mikill aðdáandi fagurra kvenna. Þess vegna fékk hann sting í hjartað í hvert skipti sem hann rakst á yndislega konu, sem var forhert glæpadrós.

Skyldu þeir Basil fursti og Sam komast á sporið? 

Ásvaldur Guðmundsson.
Ásvaldur Guðmundsson.
« 1 af 2 »
„Samfélagið á Sandinum var um margt mjög sérstakt. Það var búið á sjö bæjum og mikil samheldni og hjálpsemi meðal fólks," segir Ásvaldur Guðmundsson er staðarhaldarinn á Núpi í Dýrafirði. Hann á að baki fjölbreyttan starfsferil sem ýtumaður með eigin rekstur, bóndi og kvennaskólakennari svo eitthvað sé nefnt. Ásvaldur ræðir við blaðamann um lífið og ástina í opnuviðtali Bæjarins besta sem kemur út í dag. Í viðtalinu ræðir Ásvaldur m.a. um ungmennafélagið Vorblóm á Ingjaldssandi. 

„Ungmennafélagið hafði þau áhrif á mannlífið að það drakk enginn áfengi né reykti í sveitinni og það voru varla nema einn eða tveir sem tóku í nefið. Þannig var þetta langt fram yfir miðja öld. Alla mína barnæsku sá ég því aldrei vín á manni og vissi ekki hvað vín var. Ég man reyndar að þegar samkomuhúsið var vígt þá komu margir gestir og þar á meðal voru tveir góðir menn frá Flateyri sem ég veitti athygli því þeir voru óvenju kátir. Ég hafði orð á þessu við föður minn en hann yppti bara öxlum og sagði að líklega þætti þeim bara svona gaman. Löngu seinna fékk ég að vita þeir höfðu haft pela meðferðis," segir Ásvaldur, sem hefur frá ýmsu að segja. 

Viðtalið í heild sinni má lesa í nýjasta tölublaði Bæjarins besta, en þar ræðir Ásvaldur meðal annars um ferilinn og mannlífið í „ýtumannadalnum."
24.09.2012 - 16:05 | BIB

Vestfjarðatíðindi komin út

Samstarfsaðilarnir í Leturprenti þeir Rögnvaldur Bjarnason og Burkni Aðalsteinsson.
Samstarfsaðilarnir í Leturprenti þeir Rögnvaldur Bjarnason og Burkni Aðalsteinsson.
« 1 af 6 »
 

Vestfirska forlagið á Þingeyri hefur endurvakið útgáfu á málgagni forlagsins sem út kom fyrir nokkrum árum undir nafninu Vestfjarðatíðindi. 1. tölublað ársins 2012 er komið út og er í dreifingu þessa dagana sem nær um alla Vestfirði og víðar um land, alls í rúmlega 13.000 eintökum.

 

Í Vestfjarðatíðindunum nú er gerð grein fyrir útgáfu Vestfirska forlagsins það sem af er árs 2012, sem  eru orðnar 9 bækur. Verða þær rúmlega helmingi fleiri fyri lok ársins. Þá er kynnt -Mannlífs- og menningarbrú Vestfirðinga og vina heima og heiman- 1. hluti. 

 

Ritstjóri er Björn Ingi Bjarnason frá Fateyri og ábyrgðarmaður er Hallgrímur Sveinsson á Þingeyri. Samstarfsaðili við útgáfuna er Leturprent í Reykjavík þar sem ráða ríkjum þeir Rögnvaldur Bjarnason frá Patreksfirði og Burkni Aðalsteinsson sem er tengdasonur Bíldudals.

  
 

Smella á þessa slóð: http://www.vestfirska.is/attachments/article/118/Vestfjardatidindi2012.pdf

Eldri færslur
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31