„Við fundum mikinn mun á milli ára, og það var ágætis fjölgun á fólki sem kom til okkar, bæði í kaffihúsið og á hestaleiguna," segir Janne Kristensen, annar verta Simbahallarinnar.  „Nú eru hestarnir komnir í vetrarfrí  út í Keldudal og við á leið í frí sjálf."

Engin starfsemi verður fram að áramótum, en hestaleigan opnar líklega aftur í janúar og kaffihúsið um páskana.

Eftir að ljóst varð að Ásbjörn Óttarsson hættir þingmennsku fyrir Sjálfstæðisflokkinn í norðvesturkjördæmi er arftaka hans leitað.

Þar eru einkum tveir nefndir. Dýrfirðingurinn Kristinn Jónasson bæjarstjóri Snæfellsbæjar, er vinsæll og þykir hafa verið farsæll í starfi.

Þá vilja að Ólafur Adolfsson, lyfsali á Akranesi, fari fram. Ólafur var knattspyrnumaður í fremstu röð hjá ÍA og hefur vakið athygli fyrir baráttu gegn lyfsölukeðjunum. Hann var valinn Vestlendingur ársins 2009. Margir telja eðlileg að Skagamenn fái sinn manni í þingmannasveitina.

DV - Sandkorn.
.

„Aðsóknin var nú ekkert sérstök í sumar. Júlímánuður var skásti mánuðurinn en þá var Klofningsmótið sem var langstærsta mótið í sumar," segir Jóhannes Ingimarsson formaður Golfklúbbsins Glámu á Þingeyri, en hann segir umferð um Meðaldalsvöll ekki hafa verið mikla í sumar. Það er erfitt að halda mót þegar það eru svona margir klúbbar á svæðinu. Þá eru helgarnar yfirleitt uppteknar og við reynum að nýta haustin og vorin í staðinn."

Jóhannes hefur verið formaður Glámu undanfarin ár, en hann segir að Dýrfirðingar mættu nýta sér Meðaldalsvöll betur. „Völlurinn hefur verið hér síðan 1991 og þykir góður. Heimamenn eru lítið sem ekkert að nýta sér völlinn og ég hvet Dýrfirðinga til að stunda þá frábæru íþrótt sem golfið er og njóta útivistarinnar sem henni fylgir."

 

DÖGUN, stjórnmálasamtök, gera nú víðreist um landsbyggðina. Farkosturinn er gömul ráðherrarúta sem gerð hefur verið upp og sérútbúin til útbreiðslu fagnaðarerinda. 

Í ferðinni munu liðsmenn DÖGUNAR kappkosta að kynna nýja stjórnarskrá og hvetja sem flesta til að mæta á kjörstað þann 20. okt. n.k. Rútumálaráðherra er hinn kunni kosningasmali, Guðmundur Jón Sigurðsson, en margir hafa gist þinggeymzlur fyrir hans tilstilli. Meðal farþega ráðherrarútunnar eru Guðjón Arnar Kristinsson, Þóra Saari, þingmaður Hreyfingarinnar, Þorvaldur Gylfason, formaður SANS, Kristjana Hreinsdóttir, Skerjafjarðarskáld ofl.

Ráðherrarútan verður  á Ísafirði sunnudaginn 30. september og býður þeim sem vilja í súpufund í hádeginu í Edinborgarhúsinu. Samkvölda verður hugvekja í Félagsheimilinu á Þingeyri og hefst hún kl. 20:00

Fundum stýrir Lýður Árnason og eru allir velkomnir.

Íbúar í Dýrafirði eru að gefast upp á ástandi vega í firðinum að sögn Ástu Kristinsdóttur, bónda að Hólum í Dýrafirði.

Ásta segir farir sínar ekki sléttar í samskiptum við Vegagerðina og aðrir íbúar á svæðinu geti tekið í sama streng. „Við erum orðin þreytt á að tala við Vegagerðina, sama hvort við erum að tala um mokstur á svæðinu, holurnar á vegunum, rykið eða hvað sem er. Við hringjum stöðugt og kvörtum og svörin eru alltaf þau sömu; að engir peningar séu til að bregðast við." ...
Meira

Vegurinn hans Ella Kjaran milli Keldudals í Dýrafirði og Stapadals í Arnarfirði verður sífellt vinsælli.

Þar ganga menn, hjóla, aka og hlaupa og gera allt mögulegt. Í því sambandi hafa mörg nöfn verið tengd vegi þessum.

Það er því tímabært að rifja það upp að vegur sá hefur hlotið nafn og kallast Kjaransbraut og ætti að teljast nokkuð eðlilegt.

...
Meira

Töðugjöld eldri borgara á norðanverðum Vestfjörðum verða haldin að Núpi í Dýrfirði 19. september 2012.

Matur, skemmtun og dans frá klukkan 18:00 - 22:00, fer eftir stemmnigu .

Upplýsingar og þátttökuskráningar eru hjá Grétari Þórðarsyni í síma 844-5970 og 891 6161, Guðmundi B. Hagalínssyni í síma 893 2693 og hjá Ingibjörgu Guðfinnsdóttir í síma 456-7210. Rútuferðir ef óskað er.

Miðaverð að Núpi 3.500 krónur.  Góða skemmtun.
.

 

Miðvikudaginn 12. sept.  sl. komu kvenfélagskonurnar Edda Björk og Unnur fyrir hönd Kvenfélagsins í Mýrahreppi í heimsókn í Grunnskólann á Þingeyri og færðu skólanum að gjöf, þrjú Philips samlokugrill.

Við þökkum þeim góðu konum kærlega fyrir og erum viss um að gjöfin muni nýtast okkur mjög vel. Heit samloka með skinku og osti verður örugglega vinsælasta nestið í einhvern tíma.

Af heimasíðu Grunnskólans á Þingeyri - Erna Höskuldsdóttir