Dýrfirðingurinn með ræturnar í Keldudal, Össur Skarphéðinsson, þingmaður. varð efstur í prófkjöri Samfylkingarinnar í Reykjavík sem fram fór í dag. 10. september 2016.
Sigríður Ingibjörg Ingadóttir þingmaður lenti í öðru sæti og í þriðja sæti varð Eva H. Baldursdóttir lögfræðingur. Hún náði bestum árangri þeirra frambjóðenda í prófkjörinu sem ekki hafa setið á þingi. Önfirðingurinn með ræturnar í Valþjófsdal, Helgi Hjörvar, þingflokksformaður Samfylkingarinnar, varð í fjórða sæti....
Meira

Fréttatíminn laugardagurinn 10. september 2016.

Sjá bls. 22 - 24

http://www.frettatiminn.is/tolublod/10-september-2016/

Sjómennska, hárgreiðsla, kennsla, rafvirkjun eða flugumferðarstjórn.
Leiðir barnanna sem hófu skólagöngu sína fyrir þrjátíu árum á Þingeyri hafa verið ólíkar. Erna Höskuldsdóttir er eitt þessara barna og þrátt fyrir að hafa heitið móður sinni því að búa aldrei á Þingeyri er hún sú eina úr gamla bekknum sem býr þar enn. Eins og bekkjarsystir hennar, Hulda, sem flutti sextán ára suður til að læra hársnyrtingu, sagði, þá dreymir mann eitt en svo gerist bara eitthvað allt annað.

„Mitt markmið var að komast sem lengst í burtu frá Þingeyri. Þegar ég svo loks fór að heiman hélt mamma að ég kæmi aldrei til baka,“ segir Erna.
Hún flutti sextán ára að heiman því hana langaði alls ekki til að vinna við fiskverkun eða sjómennsku. Hana dreymdi um að verða íþróttakennari og fór því í Menntaskólann á Laugarvatni. 

...
Meira

Nýtt rannsóknasetur, Rannsóknasetur Háskóla Íslands á Ströndum - Þjóðfræðistofa, hefur verið sett á laggirnar og er á Hólmavík. Rannsóknir í þjóðfræði verða þar í öndvegi og áhersla á miðlun og hagnýtingu þjóðfræðilegrar þekkingar. Setrið nýja er það 8. sem HÍ rekur en fyrir eru slík í öllum landshlutum. Viðfangsefni rannsókna þar eru lífríki hafsins, umhverfi og landnýting, ferðamál, bókmenntir, sagnfræði, fornleifafræði og nú þjóðfræði en í þessu efni er tekið nokkurt mið af staðháttum og menningu á hverjum stað.

Með samningi menntamálaráðuneytisins og HÍ sem gerður var í byrjun líðandi árs var sett af stað vinna við að greina tækifæri og leiðir við að koma Rannsóknasetrinu á Hólmavík á fót. Áður hafði Strandagaldur ses. staðið fyrir rekstri Þjóðfræðistofu á Hólmavík frá árinu 2008 en starfsemi sú hafði lagst af.

...
Meira

Magnús Jónsson á Flateyri - Fæddur 9. september 1909 - Dáinn 28. maí 1988

Magnús fæddist að Botni í Dýrafirði þann 9. september 1909. Foreldrar hans voru hjónin Jón Justsson og Kristjana Sigurlínadóttir er þá bjuggu að Botni, börn þeirra voru níu talsins. Eins og algengt var, stórar fjölskyldur og kjörin kröpp á þeim tímum. Magnúsi vará unga aldri komið í fóstur til vandamanna, eins árs gamall fór hann til Bersastaða í Dýrafirði til hjónanna Andrésar Helgasonar og Guðrúnar Elínar, hjá þeim ólst hannupp.

Minningar mínar um Magnús ná allt til þess er ég fyrst man eftir mér, frá tíðum komum hans og Kristínar Guðnadóttur konu hans, en hún lést 1982, í hús ömmu og afa, en þar var mikill vinskapur og frændsemi á milli.

Eftir Magnúsi tók sérhver maður, 

...
Meira

Forval verktaka vegna Dýrafjarðarganga var auglýst á Evrópska efnahagssvæðinu í byrjun maí sl. Óskum um þátttöku átti að skila inn í síðasta lagi 28. júní sl.

Alls lýstu sjö aðilar áhuga á því að taka þátt í útboðinu. Vegagerðin hefur farið yfir innsend fjárhagsgögn og önnur innsend gögn og uppfylltu allir sjö umsækjendur sett skilyrði, að því er fram kemur í frétt á heimasíðu stofnunarinnar. Vegagerðin áætlar að senda útboðsgögn til verktaka í næsta mánuði.

Eftirtaldir aðilar óskuðu eftir að taka þátt í útboðinu:

...
Meira

Ísafjarðarbær óskar eftir umsóknum um styrki til menningarmála, síðari úthlutun ársins 2016. Umsóknirnar skulu berast til Ísafjarðarbæjar, Hafnarstræti 1, 400 Ísafirði, eða á netfangið thordissif@isafjordur.is. Umsóknarfrestur er t.o.m. fimmtudagsins 15. september næstkomandi.

Tekið skal fram að þær umsóknir sem þegar hafa borist eru teknar gildar við síðari úthlutun.

Bent er á reglur Ísafjarðarbæjar um úthlutun styrkja til menningarmála.

...
Meira

Stærðar skip var komið í höfn á Þingeyri í gærmorgun í þann mund sem innbyggjarar staðarins fóru á kreik. Þar var á ferðinni skemmtiferðaskipið Fram frá norska fyrirtækinu Hurtigruten. Skipið er í siglingum á norðlægum slóðum, sérstaklega við Grænland, norðlæga sumarið en er í annan tíma við Antarktíku.

    Skipið heitir eftir skipi landkönnuðanna norsku Roald Amundsen og Fridtjof Nansen. Fram nútímans var smíðað í Ítalíu árið 2007, er 114 m langt og er með 280 farþega innanborðs.

   Fram er svo aftur væntanlegt til Þingeyrar 10. sept. n. k.

...
Meira

Halla fæddist í Haukadal, Dýrafirði, 18. apríl 1931.
Hún lést á Hjúkrunarheimilinu Ísafold í Garðabæ 29. ágúst 2016.

Foreldrar hennar voru Jón Kristinn Elíasson, f. 1894, d. 1945, og Daðína Matthildur Guðjónsdóttir, f. 1903, d. 1999. Systkini Höllu eru Elsa, f. 1927, Jóhannes, f. 1928, Baldur, f. 1932, d. 1982, og Lára, f. 1938.

Halla giftist Guðmundi Rósenkranz Einarssyni, f. 26. nóv. 1925, d. 16. sept. 2014, hinn 11. maí 1949.

Börn þeirra eru: 1) Matthildur Rósenkranz, f. 1949, synir hennar G. Orri Rósenkranz og Sindri Rósenkranz. 2) Elín Birna, f. 1952, börn hennar Halla Rósenkranz, Stella Rósenkranz og Arnar Rósenkranz 3) Trausti Þór, f. 1953, kvæntur Önnu Sigríði Markúsdóttur, dætur þeirra Inga Karen og Sara Dögg Rósenkranz. Barnabarnabörnin eru í dag átta talsins.

Halla bjó ásamt foreldrum sínum í Haukadalnum til ársins 1945 er Daðína, móðir hennar, fluttist til Reykjavíkur með barnahópinn eftir fráfall eiginmannsins.

Halla varði starfsævi sinni við verslunarstörf og starfaði lengst af hjá versluninni Bernharð Laxdal á Laugavegi.

 

...
Meira