Forsíða
Hafa samband
English
A A A
  • 1950 - Árni Ásbjörn Jónsson
  • 1962 - Siggeir Stefánsson
10.09.2016 - 06:54 | Morgunblaðið,Vestfirska forlagið

HÍ stofnar rannsóknasetur á Hólmavík • Þjóðfræði verður í öndvegi

Hólmavík. Ljósm.: BIB
Hólmavík. Ljósm.: BIB
« 1 af 2 »
Nýtt rannsóknasetur, Rannsóknasetur Háskóla Íslands á Ströndum - Þjóðfræðistofa, hefur verið sett á laggirnar og er á Hólmavík. Rannsóknir í þjóðfræði verða þar í öndvegi og áhersla á miðlun og hagnýtingu þjóðfræðilegrar þekkingar. Setrið nýja er það 8. sem HÍ rekur en fyrir eru slík í öllum landshlutum. Viðfangsefni rannsókna þar eru lífríki hafsins, umhverfi og landnýting, ferðamál, bókmenntir, sagnfræði, fornleifafræði og nú þjóðfræði en í þessu efni er tekið nokkurt mið af staðháttum og menningu á hverjum stað.

Með samningi menntamálaráðuneytisins og HÍ sem gerður var í byrjun líðandi árs var sett af stað vinna við að greina tækifæri og leiðir við að koma Rannsóknasetrinu á Hólmavík á fót. Áður hafði Strandagaldur ses. staðið fyrir rekstri Þjóðfræðistofu á Hólmavík frá árinu 2008 en starfsemi sú hafði lagst af.

Á grunni þessarar vinnu varð úr að ráðuneytið fól HÍ að hefja starfsemi þessa nýja seturs og að hluta til er byggt á þeim grunni sem áður hefur verið lagður með starfsemi þjóðfræðistofunnar. Jón Jónsson þjóðfræðingur hefur verið ráðinn verkefnisstjóri á Hólmavík og hóf hann störf nú í septemberbyrjun.

 

 

Morgunblaðið 10. september 2016.

Til baka
« Desember »
S M Þ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Eldri spurningar & svör