Öldin okkar kom út hjá Iðunni.

Hún flutti „minnisverð tíðindi 1901-1930“ og var „samin eins og dagblað,“ eins og sagði í auglýsingu.

Ritstjóri var Gils Guðmundsson frá Hjarðardal í Önundarfirði.

Síðar komu út fleiri bækur um árin eftir 1930 í sama dúr sem og fyrri aldir.

...
Meira

Orkubú Vestfjarða auglýsir eftir umsóknum um samfélagsstyrki 2016, en úthlutun samfélagsstyrkja er árlegur viðburður hjá fyrirtækinu. Við styrkúthlutun er leitast við að styrkja verkefni vítt og breitt um Vestfirði og miðað við að einstakar styrkveitingar geti verið á bilinu 50.000 til 500.000.- þúsund krónur. Við síðustu úthlutun hlutu hæstu styrkina Björgunarsveitin Blakkur á Patreksfirði sem fékk 300.000.- króna styrk og Björgunarsveitin Tálkni á Tálknafirði sem fékk 200.000. – vegna kaupa á tetrastöðvum. ...
Meira

  “Var ekki eitthvað af fallegum stelpum þarna í dalnum?

   -Jú, jú að sjálfsögðu. Það voru fallegar stelpur í Höllinni og líka á hinum bæjunum, svo eftir var tekið. Þar kviknaði til dæmis fyrsti ástarblossinn hjá mér. Það var stelpa sem þar var í sveit. Hún hét Margrét. Leiðir okkar lágu síðar saman hjá Útvarpinu. Hún hefur unnið þar nánast allt sitt líf. Hún var ári eldri en ég. Þetta var alveg skelfing að vera svona ástfanginn og þora ekkert að gera! Það minnti um margt á afa minn, Hermann, sem vann við að slá sefið í Haukadal upp úr aldamótunum 1900, með sitt gulllitaða hár, eins og Gunnar á Hlíðarenda og þeir kappar. Hann stóð í Seftjörninni og sló og horfði á allar heimasæturnar en þorði ekkert að gera af því hann átti engan pening!

...
Meira

Eggert Ólafsson fæddist í Svefneyjum á Breiðafirði 1. desember 1726, sonur Ólafs Gunnlaugssonar bónda og Ragnhildar Sigurðardóttur.

Eggert lærði hjá móðurbróður sínum, Sigurði presti í Flatey, og var í fóstri hjá öðrum móðurbróður, Guðmundi, sýslumanni á Ingjaldshóli. Hann lauk stúdentsprófi í Skálholti, stundaði nám í heimspeki og náttúrufræði við Hafnarháskóla, þótti frábær námsmaður, las m.a. forn, þjóðleg fræði, málfræði, lögfræði og búfræði, var lærður í latínu og grísku og talaði dönsku, sænsku, ensku, þýsku og frönsku.

Á árunum 1752-57 fóru Eggert og Bjarni Pálsson, síðar landlæknir, rannsóknarferð um Ísland. Afraksturinn er Ferðabók Eggerts og Bjarna Pálssonar sem Eggert samdi á dönsku og að mestu leyti einn. Ritið er viðamikil lýsing á náttúru landsins og gæðum, og greinargerð um íslenskt þjóðlíf og landshagi.

...
Meira

Kominn er út nýr diskur með Bílddælingunum Jóni Kr. Ólafssyni og Ingimar Oddsyni. Flutt er lag Jóns Jónssonar frá Hvanná við ljóð Davíðs Stefánssonar . 
Þeir sem hafa áhuga á að eignast þennan góða disk geta haft samband við Jón Kr.Ólafsson í síma 456-2186 eða 847-2542....
Meira

Ásgerður Soffía Nönnudóttir, íbúi á Þingeyri, segist vera búin að fá nóg af lélegri póstþjónustu Íslandspósts á Þingeyri. Frá því er greint á vef DV. Pósthúsinu á Þingeyri var lokað fyrir tveimur árum og þjónustan flutt til Ísafjarðar. Pósturinn er nú flokkaður á Ísafirði og starfsmaður Íslandspóst keyrir með póstinn til Þingeyrar. 
Soffía segir póstmálin vera í miklum ólestri og hún ætli framvegis að sækja póstinn sinn sjálf, á undanförnum mánuðum hafa þrír pakkar til hennar týnst, þar af ein skírnargjöf, og hending sé ef bréfpóstur berst á rétt heimilisfang. 
„Til að byrja með gekk þetta ágætlega en síðan öflugur starfsmaður hætti í sumar þá hefur þjónustan verið í fullkomnum ólestri. Starfsmannaveltan hefur verið gríðarleg og ég held að fimmti einstaklingurinn sé að sinna þessu verkefni núna,“ segir Soffía í samtali við DV. ...
Meira

100 ár eru liðin síðan Goðafoss strandaði við Straumneshlíð í Aðalvík, Látramenn björguðu 58 manns.

Það var stórviðri með fannkomu og roki þegar Goðafoss strandaði á leið sinni til Akureyrar, um borð voru 58 manns, farþegar og áhöfn.

Engin leið var að senda upplýsingar um strandið þar sem fjarskiptabúnaður skipsins var laskaður.

Ólafur Sigurðsson fyrsti stýrimaður fékk háseta með sér til að freista þess að róa skipsbátnum meðfram bjarginu inn víkina til að ná landi á Látrum sem var 80-100 manna þorp innst í víkinni. Einn af farþegunum bauðst til að fara með því að hann hafði komið áður á þessar slóðir og gat leiðbeint hvert halda skyldi í veðurofsanum.

Eftir þriggja klukkustunda barning á móti rokinu, sem í góðu veðri hefði tekið 20-30 mínútur, náðu þeir landi í klettabás vestan við þorpið og gengu þaðan að vestustu húsunum á Látrum.

Það var barið að dyrum í Nesi og mamma mín tíu ára fór til dyra. Úti stóðu klakabrynjaðir þreyttir menn og sögðu frá strandinu.

Á Látrum voru tveir litlir vélbátar, fjögurra og fimm tonna, á kafi í snjó uppi á fjörukambinum og einhverjir sexæringar. Boð voru send á alla bæina með þessum válegu tíðindum og menn kallaðir til að moka upp báta

...
Meira

Fundað verður um fyrirhugaðan flutning leikskólans á Flateyri á þriðjudaginn í kvöld. þriðjudaginn 29. nóvember 2016 og er fundurinn í Félagsbæ . Til stendur að flytja nemendur af leikskólanum Grænagarði yfir í húsnæði Grunnskóla Önundarfjarðar. Foreldrar á Flateyri hafa undanfarna viku lýst yfir mikill óánægju með þessa ákvörðun, en ekki liggja fyrir teikningar eða hugmyndir um hvernig verði búið að börnunum í húsnæði Grunnskólans. 
Foreldrum Flateyrar var tilkynnt bréfleiðis um ákvörðunina, og hefur það verklag verið gagnrýnt af foreldrum. Bæjaryfirvöld ætla að funda með Flateyringum svo finna megi lausn á málinu. „Við vonumst til að geta átt gagnlegt samtal um eflingu skólastarfs á Flateyri og hvaða leiðir er hægt að fara í þeim efnum,“ segir Arna Lára Jónsdóttir, formaður bæjarráðs. ...
Meira