Svíinn Alfred Nobel var allt í senn efnafræðingur, verkfræðingur, uppfinningamaður og vopnaframleiðandi og fékk einkaleyfi á sprengiefninu dínamíti á þessum degi fyrir rúmum 150 árum.

Það sem Nobel uppgötvaði var ný leið sem gerði sprengiefnið sem hann hafði fundið upp hættuminna og hentugra í meðferð og hann kallaði það dínamít. Hann kynnti það til sögunnar í fyrsta sinn árið 1867 í Surrey í Englandi. Alfred Nobel var verulega auðugur maður og í síðustu útgáfunni af erfðaskrá hans voru ákvæði um að stór hluti auðæva hans færu í stofnun sérstakra verðlauna.

...
Meira

Gömul sendibréf úr fórum hjónanna Guðrúnar Torfadóttur (1872-1956) og séra Jóhanns Lúthers Sveinbjarnarsonar (1854-1912) eru efniviður bókar sem Jóhanna G. Kristjánsdóttir á Flateyri hefur tekið saman auk sýningar sem nú er hægt að skoða í Safnahúsinu á Ísafirði.

Nýverið gaf -Vestfirska forlagið- á Þingeyri út þessa fyrstu bók  Jóhannu í ritröð sem hún kallar  Þorp verður til á Flateyri. 
Efniviðinn sækir hún áðurnefnd bréfasöfn sem telja um 1100 sendibréf. Meðal ótalmargra bréfritara eru María Össurardóttir, móðir Guðrúnar Torfadóttur, og Sveinbjörn Magnússon, faðir séra Jóhanns Lúthers. Ritröðin byggir á textabrotum úr bréfum þeirra beggja en bréfin eru skrifuð á Flateyri í kringum aldamótin 1900.

...
Meira

Skarphéðinn Össurarson, segir svo frá:

“Ég kann því miður ekki að rekja sögu þessa vinalega húss, sem barnaskólinn í Keldudal var á þeim tíma sem ég naut hans. Ég tel að hann hafi verið byggður rétt öðru hvoru megin við aldamótin síðustu (1910). Hann var tiltölulega einfaldur að gerð. Járnklætt timburhús, sem snéri frá norðri til suðurs, með fimm stóra glugga á austurhliðinni sem snéri að Arnarnúpnum. Hann bar „höfuð og herðar” yfír aðrar byggingar í dalnum. Stærri, reisulegri og fegurri heldur en þær. Mér finnst enn, að ekkert hafi vantað í hann, þrátt fyrir einfaldleika hans. Hann stóð á steinsteyptum sökkli með risi og dálítilli rislaga útbyggingu mót suðri, sem við kölluðum „bíslag” að vestfirskum sið. Smá kjallarahola var undir honum, þar sem kolin voru geymd til upphitunar, því að kolakynntur ofn var í skólastofunni.

...
Meira

Gísli hefur verið á ferð og flugi um landið og enn er lagt í hann.

Leikferð Kómedíuleikhússins með hið vinsæla leikrit Gísli á Uppsölum heldur áfram og áfram og já bara alveg út árið. Gísli hefur verður sýndur fyrir norðan á Akureyri, Blönduósi og Hvammstanga. Tvær sýningar voru á Akureyri 14. og 15. nóvember önnur þeirra var uppseld og hin svo gott sem líka því þá er ekkert annað í stöðunni en að koma bara aftur.

Hin norðlenska leikferð komandi viku hefst á Siglufirði. Sýnt verður fimmtudaginn 24. nóvember í Alþýðuhúsinu. Daginn eftir verður aukasýning á Akureyri eins og síðar verður sýnt í hinni einstöku Hlöðu Litla-Garði. Leikferðinni lýkur síðan á Sauðárkrók á sunnudag þar sem sýnt verður í Mælifelli.

...
Meira

Flateyringar hafa kallað eftir skýringum á skyndilegri ákvörðum bæjarstjórnar Ísafjarðarbæjar að sameina undir einu þaki leikskólann og grunnskólann á Flateyri í því skyni að „styrkja“ skólastarfið í þorpinu. Frá bæjarstjóra barst fyrir nokkrum dögum minnisblað eða samantekt á kostum aðgerðarinnar og göllum undirrituð af Margréti Halldórsdóttur, sviðsstjóra Skóla- og tómstundasviðs og Gísla H. Halldórssyni, bæjarstjóra. Litið er svo á að hér sé um að ræða „rökstuðninginn“ sem bæjarstjórn Ísafjarðarbæjar studdist við þegar atkvæði um tillöguna voru greidd. Sérstök ástæða er því til að skoða vel það sem fram kemur í samantekt sviðs- og bæjarstjóra....
Meira

Fjölmennur íbúafundur var haldinn í Samkomuhúsi Flateyrar mánudagskvöldið 21. nóvember 2016. Tilefni fundarins var ákvörðun Ísafjarðarbæjar að sameina leik- og grunnskólann á Flateyri undir eitt þak í húsnæði Grunnskóla Önundarfjarðar. Foreldrum leik- og grunnskólabarna barst í síðustu viku bréf frá bæjaryfirvöldum þar sem þeim var tilkynnt um breytingarnar. 
„Fundurinn gagnrýnir harðlega þá ákvörðun Ísafjarðarbæjar að sameina grunn- og leikskóla Flateyrar undir einu þaki í húsnæði Grunnskóla Önundarfjarðar. 
Ennfremur mótmæla íbúar þeim ásetningi að selja Grænagarð, gjöf Færeyinga til Flateyrar eftir snjóflóðið 1995,“ segir í ályktun frá fundi gærkvöldsins....
Meira

Þann 14. nóvember 2016 var skrifað undir endurnýjaðan kjarasaming sjómanna og var verkfalli frestað frá kl.20:00 þann 15. nóvember. Rafræn atkvæðagreiðsla um endurnýjaðan kjarasamninga sjómanna í Verkalýðsfélagi Vestfirðinga er hafin. Kjarasamingur Verk Vest fyrir sjómenn er sjálfstæður samningur því er talið sér hjá okkar félagi. Verði kjarasamningur Verk Vest felldur hefst verkfall að nýju þann 14. desember kl.20:00. 

Kosning um kjarasamninginn stendur til kl.12:00 miðvikudaginn 14. desember 2016. 

...
Meira

Okkur sumum spekingunum hérna fyrir vestan finnst að Gísli Marteinn megi hugsa betur sinn gang á föstudagskvöldum. Þetta eru mest leikarar, prímadonnur og einverjir stjórnmálakappar. Þekktar persónur sem alltaf eru í sviðsljósinu. 40 – 50 manns sem láta ljós sitt skína hvar sem í þær næst. Sama tuggan upp aftur og aftur. Hið vænsta fólk en það vantar eitthvað. Eiginlega hálfgert snobb. Húmorinn oft ekki upp á marga fiska. Við náttúrlega undanskiljum ýmsar stjörnur eins og Ragnheiði Gröndal og slíkar. Maður bara slekkur á þessu eins og fleiru. Það vantar fólkið af götunni. Hinn venjulega Íslending sem ekki er alltaf á leikhússfjölum. Hér má fara í skóla hjá Svavari Gests, Hemma Gunn, Jónasi Jónassyni, Jóni Múla og þeim stórkostlegu mönnum öllum....
Meira