29.11.2016 - 07:39 | bb.is,Vestfirska forlagið
Fundað með íbúum á Flateyri í kvöld
Grænigarður á Flateyri. Ljósm.: BIB.
Foreldrum Flateyrar var tilkynnt bréfleiðis um ákvörðunina, og hefur það verklag verið gagnrýnt af foreldrum. Bæjaryfirvöld ætla að funda með Flateyringum svo finna megi lausn á málinu. „Við vonumst til að geta átt gagnlegt samtal um eflingu skólastarfs á Flateyri og hvaða leiðir er hægt að fara í þeim efnum,“ segir Arna Lára Jónsdóttir, formaður bæjarráðs.
„Við höfum að sjálfsögðu lesið þær greinar sem hafa birst á síðustu dögum og tökum þær til okkar. Eftir á að hyggja þá hefðum við þurft að halda fundinn fyrr, en foreldrar barna á Flateyri fengu jafnframt bréf í síðustu viku þar sem tilkynnt að halda ætti íbúafund,“ bætir Arna Lára við.
Aðspurð hvort ákvörðun um sameiningu standi enn segir Arna Lára svo vera: „Já, hún er enn hluti af fjárhagsáætlun þar sem við erum að gera ráð fyrir fjármagni í breytingu á Grunnskóla Önundarfjarðar.“
Víðsvegar um land er verið að breyta um fyrirkomulagi á leik- og grunnskólastarfi, með það í huga að bæta samstarf. Arna Lára tekur undir þetta: „Í dag væru skólar byggðir eins nálægt og kostur er, einmitt til að efla samstarfið. En við skiljum vel að Flateyringum þyki vænt um Grænagarð sem er frábært húsnæði.“
