Opnað hefur verið fyrir umsóknir fyrir Eyrarrósina 2017 en allt frá árinu 2005 hafa Byggðastofnun, Flugfélag Íslands og Listahátíð í Reykjavík staðið saman að viðurkenningunni sem stendur fyrir framúrskarandi menningarverkefni á landsbyggðinni. Markmið viðurkenningarinnar er að beina sjónum að og hvetja til menningarlegrar fjölbreytni, nýsköpunar og uppbyggingar á sviði menningar og lista.

Af umsækjendum verða sex verkefni valin á Eyrarrósarlistann og af þeim hljóta þrjú verkefni tilnefningu til sjálfrar Eyrarrósarinnar. Eitt þeirra hlýtur Eyrarrósina 2017, en henni fylgja 2.000.000 kr. peningaverðlaun. Öðrum tilnefningum fylgja einnig peningaverðlaun. Umsóknarfrestur er til miðnættis 15. janúar 2017.

...
Meira

Skúli Magnússon landfógeti fæddist að Keldunesi í Kelduhverfi, N-Þing., 12. desember 1711. Foreldrar hans voru Magnús Einarsson, prestur á Húsavík, og k.h., Oddný Jónsdóttir húsfreyja.

Kona Skúla var Steinunn Björnsdóttir en meðal barna þeirra voru Jón aðstoðarlandfógeti og Rannveig, kona Bjarna Pálssonar landlæknis.

Skúli hóf skólanám hjá Þorleifi Skaftasyni, prófasti í Múla í Aðaldal, 1727. Faðir Skúla drukknaði 1728 en móðir hans giftist þá Þorleifi sem útskrifaði Skúla með stúdentspróf. Hann stundaði nám við Hafnarháskóla í tvö ár án þess að ljúka prófi, sneri aftur til Íslands 1734, varð sýslumaður í Austur-Skaftafellssýslu og landskrifari fyrir Odd Magnússon, var skipaður sýslumaður í Skagafjarðarsýslu 1737 og bjó þá lengst af á Stóru-Ökrum. Skúli hafði forsjá Hólastóls 1739-46, lenti þá í útstöðum við Bjarna Halldórsson, sýslumann á Þingeyrum, sem samdi úttekt staðarins og kærði Skúla fyrir vanskil. Á endanum var Skúli þó hreinsaður af sök.

...
Meira

Í dag, sunnudaginn 11. desember 2016 kl. 11 var útvarpað beint á Rás 1 í Ríkisútvarpinu frá messu í Fríkirkjunni í Hafnarfirði. Kirkjan á langa sögu í beinum útvarpssendingum frá guðsþjónustum því það var gert í fyrsta sinni á Íslandi frá Fríkirkjunni í Hafnarfirði árið 1926 nokkrum árum áður en Ríkisútvarpið tók til starfa árið 1930. Þetta var gert fyrir sjómenn á Íslandsmiðum undan Suður- og Vesturlandi.

Prestur í morgun var Vestur-Ísfirðingurinn séra Sigríður Kristín Helgadóttir en hún er annar af prestunum við Fríkirkjuna í Hafnarfirði. Hún er dóttir hjónanna Ingibjargar E. Jóhannesdóttur (1939 - 2000) frá Flateyri og Helga Sigurðssonar (1937 - 2015) frá Þingeyri. Þau bjuggu fyrst á Flateyri og síðan í áratugi í Hafnarfirði. 

Organisti var Skarphéðinn Hjartarson.

Kríla- og barnakórar Fríkirkjunnar söng og það gerði einnig Fríkirkjukórinn undir stjórn  Arnar Arnarsonar.

 

 

 

...
Meira

...
Meira

Sóley Eiríksdóttir kynnir og les upp úr bók sinni -Nóttin sem öllu breytti- í dag, laugardaginn 10. desember 2016, í Safnahúsinu á Ísafirði.  
Í bókinni segir Sóley, ein eftirlifenda, sögu sína og fólksins sem upplifði snjóflóðið á Flateyri þann 26. október 1995. Jafnframt er þetta saga byggðarinnar á Flateyri fyrir og eftir flóð, átakanleg en um leið lærdómsrík. Sóley skrifar bókina í samstarfi við Helgu Guðrúnu Johnson.

Dagskráin hefst kl. 14:00.

Allir velkomnir! 

...
Meira

Jón Guðmundsson fæddist í Melshúsum í Reykjavík 10. desember 1807, sonur Guðmundar Bernharðssonar og Ingunnar Guðmundsdóttur.

Eiginkona Jóns var Hólmfríður, systir Þuríðar, langömmu Vigdísar Finnbogadóttur, og Önnu, móður Matthíasar Johannessen skálds.

Jón lærði fyrst hjá séra Þorvaldi Böðvarssyni, prófasti og skáldi í Holti í Önundarfirði og Holti undir Eyjafjöllum er síðar varð tengdafaðir hans. Hann fór í Bessastaðaskóla 1824 en missti tvö ár úr skóla vegna veikinda og var haltur síðan. Hann lauk stúdentsprófi 1832.

...
Meira

Á þessu ári eru liðin 60 ár frá Kúlubardaganum mikla sem háður var á þingstaðnum Auðkúlu í Arnarfirði 1956. Þá stóð þar undir Auðkúlubökkum skóla-og þinghús Auðkúluhrepps, sem var rúmir 20 fermetrar að stærð. Í húsi þessu voru meðal annars haldin fræg sveitaböll eins og þau gerðust best í gamla daga. Ein slík samkoma geymist einkum í minni manna, sem í sögunni hefur gengið undir nafninu Kúlubardaginn mikli. Er talið að bardagi þessi sé með síðustu meiri háttar almenningsslagsmálum í Íslandssögunni og hlutu þar margir menn sár og urðu ákaflega móðir, að sögn viðstaddra, en vígaferli urðu þó engin. Lítið hefur verið um Kúlubardagann mikla skrifað fram að þessu og er nú sannarlega kominn tími til að bæta þar úr að nokkru, enda margir sem lyftast bara upp þegar bardagi þessi berst í tal manna á milli....
Meira

Maðurinn einn er ei nema hálfur.

Með öðrum er hann meiri en hann sjálfur.                

     (Einar Benediktsson)

Einar Ben og Hemmi Gunn lifa báðir í íslenskri þjóðarsál, hvor á sinn hátt. En eitt áttu þeir sameiginlegt: Með öðrum voru þeir meiri en þeir sjálfir. Þeir höfðu mikil áhrif á fólk. Þjóðskáldið með stórkostlegri andagift sinni og mannlegum sjarma. Hann höfðu þeir báðir í ríkum mæli. Fjölmiðlamaðurinn hlustaði og lét aðra njóta sín. Honum þótti vænt um fólk og gaf samborgurum sínum mikið með nærveru sinni og lífsgleði einni saman. Þar var ekki hrokanum fyrir að fara. Allir jafnir.

...
Meira