Gísli á Uppsölum er einstakt leikverk um einstakan mann. Einn stærsti viðburður íslenskrar sjónvarpssögu er Stiklu þáttur Ómars Ragnarssonar um einbúann Gísla Oktavíus Gíslason. Enn er Gísli landanum kær og hugleikinn. Hér er á ferðinni áhrifamikil sýning sem hefur hrifið áhorfendur líkt og saga söguhetjunnar.
Næstu sýningar:
Miðasala í blússandi gangi á sýningar um land allt. Hópar eru sérlega velkomnir, þannig fæst besta verðið.

Miðasölusími: 891 7025  - Miðaverð: 3.500.- 

1.   desember kl.20.00. Ísafjörður. Líkkistusmiðja Kristins Hæstakaupstað
9. desember kl.20.00 .  Selfoss, Fischersetur
Sýningar í Þjóðleikhúsinu í janúar:
Miðasala á www.tix.is
13. janúar kl.19.30
15. janúar kl.14.00

...
Meira

Tilgangurinn með setningu reglugerðarinnar er að skýra nánar ákvæði laga um þjóðfánann sem sett voru 1944 en þeim var breytt á Alþingi með lögum nr. 28/2016 síðastliðið vor og heimila lögin nú notkun fánans við markaðssetningu á vöru og þjónustu. Þannig er nú heimilt að nota fánann í merki eða á söluvarning og umbúðir sé vara eða starfsemi íslensk og fánanum ekki gerð óvirðing. Reglugerðin hefur að geyma nánari útlistun á því hvað telst íslensk vara eða starfsemi.

Lagabreytingin síðastliðið vor gerir síðan ráð fyrir að Neytendastofa fari með eftirlit með notkun almenna þjóðfánans. Við málsmeðferð hennar er varðar úrræði og viðurlög vegna brota skal fara eftir ákvæðum laga um eftirlit með viðskiptaháttum og markaðssetningu.

...
Meira

Gamlar glefsur og nýjar

Vegprestar vísa veginn

Eftir Gunnar B. Eydal

Gunnar B. Eydal er Akureyringur, alinn upp undir fána KEA og SÍS. En ekki staðnæmdist hann undir þeim merkjum. Í árafjöld starfaði Gunnar sem skrifstofustjóri borgarstjórnar í Reykjavík. Skipti þá ekki máli hverjir sátu þar við stjórnvölinn. Er það nokkur mannlýsing. Þessi bók er ekki ævisaga heldur glefsur úr lífi mínu segir höfundur. Framsetningin er svolítið sundurlaus og hlaupið úr einu í annað segir hann. Það kemur þó ekki í veg fyrir að glefsur þessar eru bæði vel skrifaðar, gagnorðar og lifandi. Húmorinn skín svo alls staðar í gegn! Margir karakterar koma við sögu, háir sem lágir, landskunnir sem óþekktir. Frásagnir Gunnars og þættir munu vekja áhuga margra.

...
Meira

Merkilegt hvað blaðrið virðist hafa mikið að segja í stjórnarmyndunarviðræðunum. Það er allt galopið. Endalausar útleggingar eru í fjölmiðlum um hvað er að gerast. Margir spekingar láta þar mikið til sín taka. Það virðist enginn friður vera til að mynda starfhæfa ríkisstjórn. Formenn og spámenn þeirra segja frá hverju smáskrefi. Það er ruglað fram og til baka um einhver stórmál. Skattahækkanir eða ekki skattahækkanir. Þeir sem vilja gera allt fyrir alla vilja að sjálfsögðu ekki hækka skattana. Hvar á að taka peningana kemur sjaldnast fram fremur en áður. Óttar Proppé, sá geðugi maður, er í öllum fjölmiðlum í gula gallanum sínum. Það var um kvöld eitt að Kötu ég mætti syngja svo sumir. Meira að segja Framsókn! Facebook og Twitter hafa meiri og minni tök á þessu öllu. Stóra spurningin er svo bara þessi: Hvað er unnið með því að blaðra um hvert einasta mál opinberlega fram og til baka þegar menn eru að reyna að ná saman?
Er ekki búið að röfla nóg?...
Meira

• Vilhjálmur Einarsson komst fyrstur Íslendinga á verðlaunapall á Ólympíuleikum 27. nóvember 1956 • Íslandsmetið í þrístökki frá 1960 stendur enn • Hefði dugað til áttunda sætis í Ríó í sumar

Vilhjálmur Einarsson vann fyrstur Íslendinga til verðlauna á Ólympíuleikum árið 1956 þegar leikarnir voru haldnir í Melbourne í Ástralíu. Í dag, , sunnudaginn 27. nóvember 2016, eru nákvæmlega sextíu ár liðin frá þessu sögulega afreki Vilhjálms sem þá fékk silfurverðlaunin í þrístökki á leikunum.

Vilhjálmur, sem þá var 22 ára gamall, setti ólympíumet í öðru stökki sínu þegar hann sveif 16,26 metra. Þar með náði hann forystunni í stökkkeppninni og hélt henni í tvo klukkutíma, eða þar til Adhemar Da Silva, 29 ára gamall Brasilíumaður og heimsmethafi í greininni, sem átti ólympíutitil að verja frá leikunum í Helsinki fjórum árum áður, stökk 16,35 metra í sinni fjórðu tilraun og náði gullverðlaununum og ólympíumetinu af Vilhjálmi.

...
Meira

Í dag, laugardaginn 26. nóvember 2016, mætir til leiks Reynir Traustason til að kynna og lesa upp úr bók sinni  Fólk á fjöllum. 
Sex manns sem eiga sameiginlegt að vera náttúrubörn og útivistarfólk segja sögu sína í bókinni. Þetta eru sögur af ævintýrum, svaðilförum og hetjudáðum þar sem ástin á óbyggðunum kemur ævinlega í gegn.

Söguhetjurnar eru:  
Tómas Guðbjartsson hjartaskurðlæknir,  Vilborg Arna Gissurardóttir afrekskona, Sigríður Lóa Jónsdóttir sálfræðingur, Kerstin Langenberger, ljósmyndari, Ólafur Örn Haraldsson, þjóðgarðsvörður og forseti Ferðafélags Íslands og Valtýr Sigurðsson, fyrrverandi ríkissaksóknari.

Reynir Traustason, blaðamaður og fyrrverandi ritstjóri, hefur undanfarin ár stundað fjallamennsku af krafti. Hann hefur samhliða blaðamennsku verið skálavörður og fararstjóri Ferðafélags Íslands.

Dagskráin fer fram í salnum og hefst kl 14:00.

...
Meira

Á sunnudag, 27. nóvember 2016, er fyrsti dagur aðventu og um helgina byrja upplýst jólatré að lýsa upp skammdegið víða. Á morgun, laugardag, klukkan 16 verða ljósin tendruð á Þingeyri. Sif Huld Albertsdóttir varabæjarfulltrúi flytur hugvekju og leikskólabörn af Laufási syngja jólalög. 
Á sunnudag klukkan 16 verða ljósin tendruð á Flateyri. Sigurður Hreinsson bæjarfulltrúi flytur hugvekju og barnakór syngur undir stjórn Dagnýjar Arnalds. 
Ljósin á jólatrénu við Félagsheimili Bolungarvíkur byrja einnig að lýsa á laugardag og koma bæjarbúar saman við félagsheimilið klukkan 14, þar sem stigið verður í dans í kringum jólatréð. ...
Meira

Hagyrðingakvöldið 17. nóvember 2016, var að þessu sinni í samstarfi við Barðstrendingafélagið og tókst mjög vel.
Ólína Kristín Jónsdóttir stjórnaði kvöldinu af miklum skörungsskap.

Hagyrðingar voru: 
Einar Óskarsson, Hjörtur Þórarinsson, Jóhannes Gíslason, Hlíf Kristjánsdóttir og Ragnheiður Þóra Ragnarsdóttir.
Einnig voru lesnar vísur frá Guðmundi Arnfinnssyni.

Margir botnar bárust við fyrriparta og var vandasamt hjá dómnefndinni að velja þá bestu. Í dómnefnd voru þær Aðalheiður Hallgrímsdóttir og Jónína Hafsteinsdóttir.
Að þeirra mati átti Pétur Ottesen besta botninn:

...
Meira