Bækurnar að vestan eru hvorki stórkostlegar, æðislegar, einstakar, meistarverk, ógleymanlegar né töfrandi. En við teljum af vestfirskri hógværð að þær leyni á sér!

   Við höfum nú gefið út á fjórða hundrað bækur um Vestfirði og Vestfirðinga. Sumir fræðimenn telja að þetta sé einhver umsvifamesta bókaútgáfa hjá einu forlagi utan höfuðborgarsvæðisins frá upphafi byggðar í landinu! Hvað heldur þú?

Vestfjarðabækurnar fást í bókaverslunum um land allt!

...
Meira

Þótt fjárlagafrumvarp næsta árs sé frumvarp starfsstjórnar þá verði að sjálfsögðu hlustað á gagnrýni og ábendingar sem frumvarpið snerti. Þetta segir Bjarni Benediktsson fjármálaráðherra. Hann segir að frumvarpið muni ekki taka grundvallarbreytingum í fjárlaganefnd.

„En breytingar sem munu taka tillit til ábendinga varðandi Dýrafjarðargöng, að sjálfsögðu verður hlustað eftir því sem Landspítalinn er að segja,“ segir Bjarni. Þá segir hann að skoða verði málefni Vestmannaeyjaferju og hvernig samtöl við bjóðendur í Vestmannaeyjaferju gangi. „Þarf meira fjármagn til að ljúka því?,“ þetta séu allt bara tilfærslur í tíma. „Svo eigum við að gleðjast yfir því að við séum nú að vinna áætlanir sem að tryggja að við getum keypt tvær nýjar þyrlur fyrir Landhelgisgæsluna fullfjármagna Landspítalann og svo framvegis, þetta verðum við allt að hafa með þegar menn vilja ræða stöðu ríkisfjármálanna í stóra samhenginu,“ segir Bjarni Benediktsson, fjármálaráðherra.

...
Meira

Föstudaginn 9. desember 2016 verður lesið úr splúnkunýjum bókum á Bryggjukaffi á Flateyri. 

Heimamenn sjá um upplesturinn og búast má við fjörlegum umræðum.

...
Meira

Einleikurinn Gísli á Uppsölum verður sýndur á lofti Gamla-bankans á Selfossi á morgun, föstudaginn 9. desember 2016 kl. 20:00. Sýningin er samin af þeim Elfari Loga Hannessyni og Þresti Leó Gunnarssyni. Elfar hefur samið og leikið í fjölda leikverka má þar nefna verðlaunaleikinn Gísla Súrsson og Gretti. Boðið verður uppá umræður að sýningu lokinni um sýninguna og efni hennar.

Miðaverð er 3.500 kr. og geta þeir sem vilja tryggt sér miða með því að hringja í síma 894 1275 milli 18 og 20 á kvöldin eða senda tölvupóst á netfangið komedia@komedia.is

...
Meira

Minnisvarði um Jón Sigurðsson var afhjúpaður á gröf hans í Hólavallagarði í Reykjavík þann 7. desember 1881, tveimur árum eftir að hann lést. 

Varðinn var reistur fyrir samskotafé og var afhjúpaður „í viðurvist mesta fjölmennis af öllum stéttum,“ eins og sagði í Árbókum Reykjavíkur.

Morgunblaðið 7. desember 2016 - Dagar Íslands - Jónas Ragnarsson....
Meira

Jón Sigurðsson forseti lést í Kaupmannahöfn, 68 ára. 
Hann var jarðsettur í Reykjavík 4. maí 1880 ásamt Ingibjörgu Einarsdóttur konu sinni, sem lést 16. desember 1879.

Foreldrar hans voru Sigurður Jónsson fæddur 2. janúar 1777, látinn 31. október 1855, sóknarprestur á Hrafnseyri og kona hans Þórdís Jónsdóttir prestdóttir frá Holti í Önundarfirði fædd 1772, látin 28. ágúst 1862, húsmóðir.

Kona Jóns var Ingibjörg Einarsdóttir fædd 9. október 1804, látin 16. desember 1879 í Kaupmannahöfn, húsmóðir. Þau voru gefin saman 4. september 1845. Foreldrar Imbu eru Einar Jónsson, föðurbróðir Jóns, og kona hans Ingveldur Jafetsdóttir.

...
Meira

...
Meira

Þess er minnst í dag að 100 ár eru liðin frá fæðingu Kristjáns Eldjárns, þriðja forseta Íslands og þjóðminjavarðar. Kristjáns er jafnan getið sem farsæls þjóðhöfðingja sem sameinaði þjóð sína með virðulegri hófsemi sinni, frábærum tökum á íslenskri tungu og einstæðri þekkingu á íslenskri þjóðmenningu.

Kynslóð kennir sig við árið 1968 þegar Kristján var kjörinn forseti. Þetta var þegar stúdentar í París héldu út á götur stórborgarinnar og kröfðust umbóta, fyrst innan háskólans og síðan á þjóðfélaginu öllu. Charles de Gaulle Frakklandsforseti og stofnandi fimmta franska lýðveldisins var nálægt því að missa völdin í maí 1968 og sagði af sér árið 1969 þegar sjónarmið hans urðu undir í þjóðaratkvæðagreiðslu. Lyndon B. Johnson, arftaki Johns F. Kennedys á forsetastóli Bandaríkjanna, bauð sig ekki fram til endurkjörs haustið 1968 vegna öflugrar og vaxandi andstöðu við aðild Bandaríkjamanna að stríðinu í Víetnam.

...
Meira