Sýningar á Gísla á Uppsölum í Þjóðleikhúsinu hafa gengið fyrir fullu húsi frá fyrstu sýningu. Þremur aukasýningum var bætt við og er að seljast upp á tvær þær síðustu núna á miðvikudag og fimmtudag.
Því hefur verið bætt við aukaaukasýningum á helginni. Sýnt verður laugardag (11. feb.) og sunnudag (12. feb.) kl.17.00 báða dagana. Miðasala er þegar komin á fullt og fer fram á netinu á afþreyingarsölusíðunni www.tix.is

Einnig er hægt að panta miða í miðasölusíma Þjóðleikhússins 551 1200.

Að þeim sýningum loknum hefur Gísli verið sýndur alls 12 sinnum í Þjóðleikhúsinu en upphaflega stóð aðeins til að sýningarnar yrðu 2. Svona er nú lífið kómískt.

 

...
Meira

  Í sundlauginni á Þingeyri hefur á liðnum árum ekki einungis verið hugsað um líkamlegu hliðina. Hin andlega hliðin kemur þar einnig við sögu. Í all mörg ár hefur nefnilega verið lesið þar innan stokks upp úr vestfirskum bókmenntum og jafnvel heimsbókmenntum.

Svo þarf auðvitað ekki að nefna spekingana, eða Akademíuna í heita pottinum og við kaffiborðið hjá henni Þorbjörgu Gunnarsdóttur, sem stjórnar öllu til sjós og lands í íþróttamiðstöðinni. Þar eru innanlandsmálin og  heimsmálin krufin til mergjar og stundum bara hreinlega leyst!

   Og svona til að monta okkur svolítið er hér upptalning á nokkrum verkum sem lesið hefur verið úr síðasta árið:

...
Meira

En nú kemur að þeim kafla í sögu vinar míns sem mér er sárt að minnast en segi þó sannleikanum samkvæmt. Þegar leið á sláttinn kom skólastjóri auga á það að Jón var ekki meðal allra fremstu sláttumanna. Það var eðlilegt því hann hafði alltaf á sjó verið. En nú fór það svo að skólastjóri fór fram á það að Jón lækkaði kaup sitt dálítið af þeim sökum. Jón neitaði því að sjálfsögðu og sagði upp vinnunni.“ 
Í síðasta blaði kynnti ég Jón Mósesson frá Arnarnesi til sögunnar þar sem fram kom hvernig hann hugðist koma ár sinni fyrir borð með því að sækja nám í Bændaskólann á Hvanneyri þaðan sem hann útskrifaðist árið 1912....
Meira

Hinn þekkti morgunklúbbur eða Akademía í sundlauginni á Þingeyri samþykkti í morgun eftirfarandi ályktun með eiginlega öllum greiddum atkvæðum:

„Akademían á sundlaugarbakkanum á Þingeyri fordæmir Brennivínsfrumvarpið sem nú liggur fyrir Alþingi. Þeir þingmenn sem að því standa, ættu að snúa sér að þarfari málum fyrir kjósendur sína. Það er grátlegt þegar dreifbýlisþingmenn telja þetta forgangsmál fyrir landsbyggðina.

Allir vita að það er auðveldara fyrir börn og unglinga að nálgast eiturlyf en að panta pizzu. Á það sama að gilda um áfengið?Akademían tekur undir með Birgi Jakobssyni landlækni, sem segir: 

   „Það er talað fyrir því að gera mjög áhættusama og kostnaðarsama tilraun með sölu á áfengi í matvöruverslunum. Þetta er stórhættulegt. Áhrif þessarar tilraunar verður ekki hægt að draga til baka.“

...
Meira

Á morgun. laugardag 11.febrúar 2017, verður stofnfundur félags um lýðháskóla á Flateyri haldinn í Félagsbæ. Tilgangur félagsins er að vinna að undirbúningi og stofnun lýðháskóla á Flateyri. Allir eru velkomnir á fundinn og teljast þeir til stofnfélaga sem skrá sig í stofnfélagaskrá sem verður á staðnum. Það er rík lýðháskólahefð á Norðurlöndunum, sérstaklega í Danmörku. Í skólunum er mikil áhersla á mannrækt og að nemendur geti sniðið sér nám til þess að efla sig og kynna sér ólíkar námsgreinar. Ekki er lögð áhersla á próf heldur þátttöku og að nemendur á öllum aldri geti komið og dvalið í eina eða tvær annir, kynnst nýjum stað og fólki, tekist á við ólík viðfangsefni og haft gagn og gaman af.  Á Íslandi er lýðháskóli starfræktur á Seyðisfirði og í undirbúningi er lýðháskóli á Laugarvatni sem mun leggja áherslu á íþróttir....
Meira

Árið 2016 er hlýj­asta árið frá upp­hafi mæl­inga í Stykk­is­hólmi en saga sam­felldra veður­at­hug­ana í Stykk­is­hólmi nær 171 ár aft­ur í tím­ann eða til hausts­ins 1845.
Á tíma­bili sam­felldra mæl­inga má draga sögu hitafars í Stykk­is­hólmi (og lík­lega land­inu öllu) sam­an á eft­ir­far­andi hátt: Veðurfar var kalt á síðari hluta 19. ald­ar og ekki tók að hlýna veru­lega fyrr en á 3. ára­tug 20. ald­ar. Hlý­indakafl­an­um lauk á 7. ára­tugn­um en þá tók við kulda­skeið fram und­ir lok ald­ar­inn­ar. Síðan þá hef­ur hlýnað og eru síðustu ár með þeim hlýj­ustu frá því mæl­ing­ar hóf­ust og síðasta ár það allra hlýj­asta. Útjafnaði fer­ill­inn sýn­ir að nú læt­ur nærri að meðal­hiti yfir u.þ.b. ára­tug sé um 2,5 °C hærri hér á landi en þegar kald­ast var á síðari helm­ingi 19. ald­ar. Þetta kem­ur fram í pistli sem Hall­dór Björns­son, hóp­stjóri lofts­lags­rann­sókna, og Trausti Jóns­son, sér­fræðing­ur í veðurfars­rann­sókn­um, hafa ritað á vef Veður­stofu Íslands.

...
Meira

Valdimar Örnólfsson fæddist á Suðureyri í Súgandafirði 9.2. 1932. Hann lauk stúdentsprófi frá MR 1953, íþróttakennaraprófi frá Íþróttakennaraskólanum á Laugarvatni 1954, íþróttafræðiprófi frá Íþróttaháskólanum í Köln 1956, prófi í frönsku og frönskum bókmenntum frá Háskólanum í Grenoble í Frakklandi 1957 að undanförnu frönskunámi við HÍ og háskólana í Köln og Grenoble.

Valdimar var íþróttakennari við MR 1957-67 og kenndi frönsku við sama skóla 1958-72. Hann stjórnaði og kenndi leikfimi í Ríkisútvarpinu á árunum 1957-82 og var íþróttastjóri Háskóla Íslands frá 1967 og þar til hann fór á eftirlaun.
Valdimar stofnaði Skíðaskólann í Kerlingarfjöllum 1961, ásamt Eiríki Haraldssyni, og stjórnaði honum meira og minna fram að aldamótum 2000, þegar loka varð skólanum vegna snjóleysis.

...
Meira

Alveg eru þau stór merkileg flutningsgjöldin á Íslandi.
Sjáiði til dæmis forlagið við ysta haf:

Það sendir með Íslandspósti 6 kg bókapakka Þingeyri – Ísafjörður – Reykjavík - Njarðvíkur. Slík sending kostaði fyrir áramót 1,324 kr. án vsk. með heimsendingu, þegar búið er að draga frá 15% afslátt. Búið á punktum.
Jæja. Svo skulum við segja að sama sending, 6 kg hafi farið með vöruflutningabíl sömu leið til baka Njarðvíkur – Reykjavík -  Ísafjörður – Þingeyri. Sem einu gildir. Og hvað haldið þið? Slík sending kostar 3,981 kr. án vsk þegar búið er að draga frá 15% afslátt. Hér koma við sögu gjöld eins og vörumeðhöndlun, olíugjald, afgreiðslugjald, stykkjavörugjald o. fl.

Sem sagt það munar 2,667 kr. á þessum blessuðu 6 bókakílóum eftir flutningsaðila. 

...
Meira