Guðmundur Thoroddsen, prófessor og yfirlæknir, fæddist á Ísafirði 1. febrúar 1887. 
Hann var sonur Skúla Thoroddsen, sýslumanns á Ísafirði og ritstjóra og alþingismanns á Bessastöðum og í Reykjavík, og k.h. Theodóru Friðriku Thoroddsen skáldkonu.

Foreldrar Skúla voru Jón Thoroddsen, sýslumaður og skáld, og Kristín Ólína Þorvaldsdóttir, f. Sívertsen, húsfreyja, en foreldrar Theodóru voru Guðmundur Einarsson, prófastur og alþingismaður á Breiðabólstað, og Katrín Ólafsdóttir Sívertsen.
Bræður Skúla voru þjóðþekktir, Sigurður verkfræðingur, faðir Gunnars forsætisráðherra, Þórður, læknir og alþingismaður, faðir Emils tónskálds, og Þorvaldur náttúrufræðingur. Meðal þjóðþekktra systkina Guðmundar má nefna Kristínu Ólínu yfirhjúkrunarkonu; Katrínu, yfirlækni og alþingismann; Bolla borgarverkfræðing; Sigurð verkfræðing og Unni húsmóður á Flateyri, móðir Skúla Halldórssonar, tónskálds.
Guðmundur var tvíkvæntur. Fyrri kona hans var Regína M. Benediktsdóttir sem lést 1929 og eignuðust þau sjö börn, en seinni kona hans var Sigurlín Guðmundsdóttir og er sonur þeirra Þrándur Thoroddsen kvikmyndagerðarmaður, og Ásta Björt, kjördóttir og dótturdóttir.

...
Meira

Dagur kvenfélagskonunnar er í dag 1.febrúar, en þann dag árið 1930 var Kvenfélagasamband Íslands stofnað og var ætlun þess að vera samstarfsvettvangur kvenfélaganna í landinu en þau voru þá þegar orðin fjölmörg. 
Fyrsta kvenfélagið, Kvenfélag Rípurhrepps, var stofnað árið 1869. Með störfum sínum innan kvenfélaganna má segja að konur hafi tekið völdin í sínar hendur talsvert áður en þær fengu aðgengi að stjórnkerfinu með kjörgengi og kosningarétti. Frá því er Kvenfélag Rípurhrepps var stofnað hafa konur alls staðar á landinu stofnað hundruð kvenfélaga með það að markmiði að bæta samfélagið. Sér í lagi hafa kvenfélagskonur í gegnum tíðina verið öflugir bakhjarlar samfélaga sinna og þá sér lagi í málefnum barna og kvenna....
Meira

Viðskiptaráð áréttar að skráður eigandi Hrafnseyrarkirkju sé samkvæmt fasteignaskrá Þjóðskrár Ríkissjóður Íslands. Hrafnseyrarnefnd er skráð sem umráðandi kirkjunnar en þinglýstur eigandi hennar er íslenska ríkið.
Tilefni tilkynningar Viðskiptaráðs er yfirlýsing fyrrverandi og núverandi formanns sóknarnefndar Hrafneyrarkirkju um tillögu Viðskiptaráð um að ríkið selji tuttugu kirkjur, þar á meðal Hrafnseyrarkirkju. „Þetta verður að kalla brandara dagsins, því ríkissjóðurinn okkar á ekkert í Hrafnseyrarkirkju og hefur aldrei átt. Hvorki spýtu né nagla,“ segir í bréfi formannanna.

Á vef Viðskiptaráðs segir:

...
Meira

Þórður Viggó Guðnason fæddist 24. maí 1917 á Þingeyri. Hann lést 18. janúar 2017 á hjúkrunarheimilinu Skógarbæ í Reykjavík.

Foreldrar hans voru Guðni Vilhjálmur Bjarnason, vélsmiður, f. 13. ágúst 1891, d. 22. nóvember 1918, og Mikkalína Sturludóttir, húsfreyja, f. 21. september 1894, d. 20. júlí 1982. Stjúpfaðir Þórðar var Óskar Jónsson, sjómaður og útgerðarmaður frá Fjallaskaga í Dýrafirði, f. 16. nóvember 1897, d. 6. maí 1971. Alsystir Þórðar var Ólafía Verónika, f. 15. apríl 1914, d. 23. desember 1989, og hálfsystur Anna Jens´s, f. 17. ágúst 1921, d. 2. mars 2016, og Margrét Jensína, f. 21. júlí 1931, Óskarsdætur. Þann 30. desember 1950 kvæntist Þórður Ragnheiði Tryggvadóttur, deildarstjóra, f. 26. mars 1929. Foreldrar hennar voru Tryggvi Jónsson frá Fjallaskaga í Dýrafirði, f. 18. maí 1895, d. 10. nóvember 1971, og Margrét Eggertsdóttir frá Kleifum í Seyðisfirði, f. 28. desember 1897, d. 17. október 1991. Börn Þórðar og Ragnheiðar eru:

...
Meira

Dagurinn í dag, mánuudagurinn 1. febrúar, er Dagur kvenfélagskonunnar. 
1. febrúar 1930 var stofndagur Kvenfélagasambands Íslands og var formlega gerður að degi kvenfélagskonunnar árið 2010. Var það gert til að vekja athygli á miklu og óeigingjörnu starfi kvenfélagskvenna um árabil, enda löngu tímabært að kvenfélagskonur fengju sinn eigin dag á dagatalinu.
Fyrsta kvenfélag á Vestfjörðum var stofnað í Haukadal í Dýrafirði árið 1906.
Fyrsta kenfélagið á Íslandi, sem var í Rípurhreppi, var stofnað 1869....
Meira

Kirkjan á Núpi í Dýrafirði fauk út á sjó í ofsaveðri þann 31 janúar 1881. 
Þetta var ný og vönduð timburkirkja. 
„Fundust klukkurnar úr henni á miðri leið til sjávar en messuklæðin í fjörunni,“ sagði í blaðinu Mána....
Meira

Nú þurfa þeir sem eru alltaf að þenja sig á morgnana fyrir allar aldir að fara að hugsa sinn gang. Það er nefnilega komið í ljós að þeir sem kjósa að lúra svolítið lengur eru miklu gáfaðri en hinir. Svo segja sumir. Maður hélt nú að þeir sem hafa vit  á að rífa sig nógu snemma á fætur væru gáfaðasta fólkið! Morgunstund gefur gull í mund. En nú teljast sem sagt þeir sem fara ekki á stjá fyrr en seint og um síðir gáfuðustu mennirnir!  Eða svo skyldi maður ætla.

   Kenning þessi kom fram í umræðum í akademíunni á Þingeyri um daginn.

...
Meira

Afhending samfélagsstyrkja Orkubús Vestfjarða fór fram 25. janúar s.l. á þremur stöðum samtímis; á Ísafirði, Patreksfirði og á Hólmavík. 
Orkubúinu bárust alls 82 styrkumsóknir og að þessu sinni voru veittir 42 styrkir að fjárhæð 3.425.000 kr. Styrkupphæðirnar eru frá 50 þúsund kr. og upp í 150 þúsund kr. Orkubúið vill með styrkjunum sýna stuðning í verki við þá aðila og félög sem sinna ýmsum samfélagsmálum á Vestfjörðum. Og eins og sjá má á listanum hér fyrir neðan, getur verið um að ræða ýmiskonar starfsemi eða félagasamtök, svo sem björgunarsveitir, íþrótta- og æskulýðsstarf, menningarstarfsemi og listir, eða einhver önnur áhugaverð verkefni sem skipta máli fyrir vestfirskt samfélag.

Eftirtalin félagasamtök fengu styrk að þessu sinni:

...
Meira