Kómedíuleikhúsið hefur farið sigurför um landið með alls konar sýningar. Þetta er atvinnuleikhús Vestfjarða.
Þau (aðstandendur Kómedíuleikhússins) hafa ferðast um landið með margskonar sýningar. Sérstaklega hafa þeir sýnt Vestfirðingum mikla ræktarsemi með þeim fjölmörgu sýningum sem þau hafa flutt þeim um allar holtagrundir í samkomuhúsum, skólum, kirkjum og fl.

Og nú sýna þau í Reykjavík. Alltaf nær fullt hús og undirtektir mjög góðar í flestum tilfellum. Ég naut hverrar mínútu á sýningunni. Ég skal viðurkenna að ég var frekar taugatrekkt fyrir sýninguna, mér er ekki sama hvernig Gísli á Uppsölum er hanteraður og settist með smáskjálfta og þvala í lófum.

...
Meira

Hrognkelsi verða í sviðsljósinu í Vísindaporti vikunnar hjá Háskólasetri Vestfjarða en þar mun James Kennedy, fiskiíffræðingur við Hafrannsóknastofnunina, flytja fyrirlestur um hrognkelsaveiðar við Ísland. James kennir um þessar mundir áfanga í meistaranáminu í haf- og strandsvæðastjórnun við Háskólasetur Vestfjarða.

Um aldir hafa hrognkelsi verið veidd við strendur Íslands og verið mikilvægur liður í fæðuöflun landsmanna eftir harða vetur. Veiðarnar hafa tekið breytingum í gegnum aldirnar og nú er svo komið að nær einvörðungu er sóst eftir kvenfiskinum, grásleppunni, vegna hrognanna. Þau eru söltuð, lituð og seld sem grásleppukavíar. 

...
Meira

Ragnhildur Steinunn Jónsdóttir og Edda Hermannsdóttir, Gunnarssonar úr Dýrafirði gefa út bókina Forystuþjóð á morgun. Eftir langa og stranga vinnutörn munu þær nú loksins ná að fagna útgáfu bókarinnar með því að skála í freyðivíni með viðmælendum bókarinnar og góðum vinum.
„Við munum fagna útgáfu bókarinnar á Oddsson á morgun, 16. febrúar, og skála í freyðivíni með góðu fólki. Edda ætlar að standa í ströngu við kökubakstur ásamt móður sinni og Evu Laufeyju systur sinni á meðan ég, bindindismanneskjan, mun ferja áfengi frá Vífilfelli vestur í bæ,“ segir Ragnhildur Steinunn Jónsdóttir og hlær. Ragnhildur Steinunn og Edda gefa út bókina Forystuþjóð á morgun. Sú bók er viðtalsbók þar sem yfir þrjátíu Íslendingar deila skoðunum sínum og reynslu í jafnréttismálum.
„Við elskum báðar að halda veislur og getum því ekki beðið eftir því að skála með öllum viðmælendum bókarinnar og okkar góða fólki. Þetta stefnir í gott partí! ...
Meira

Sólarkaffi Ísfirðingafélagsins var haldið á Grand Hótel í Reykjavík föstudaginn 27. janúar. Ísfirðingar, jafnt sem aðrir Vestfirðingar fjölmenntu til skemmtunarinnar, sem tókst sérstaklega vel.
Guðmundur M. Kristjánsson, hafnarvörður og hljómlistamaður flutti hátíðaræðuna við góðar undirtektir. Ræðan hófst og henni lauk með tónlistarflutningi þar sem kunnir vestfirskir tónlistramenn lögðu Mugga lið.
Ljósmyndari blaðsins Vestfirðir kom við á sólarkaffinu og tók þessar myndir af samkomugestum....
Meira

Sannleikurinn er sá að  það vantar mikið þegar húmorinn vantar. Þetta segja flestir sem mark er á takandi. Sjáiði til dæmis gömlu vestfirsku stjórnmálajaxlana. Þeir geisluðu einfaldlega af gamansemi þegar  það átti við. Sögðu gamansögur, oftast græskulausar. Að ekki sé nú talað um sögurnar sem um þá sjálfa spunnust: Matthías Bjarnason, Sighvatur Björgvinsson, Sverrir Hermannsson, Össur Skarphéðinsson, Jón Baldvin, Guðmundur G. Hagalín. Svo nokkrir séu nefndir af handahófi. Meira að segja Jón Sigurðsson, alvörumaðurinn,  var hrókur alls fagnaðar ef svo bar undir og fór stundum með græskulaust gaman. Hann og frú hans höfðu boð heima hjá sér einu sinni í viku. Það var nokkurs konar Akademía Íslendinga í Kaupmannahöfn þeirra tíma. Það voru þeirra bestu og skemmtilegustu stundir sögðu margir sem þar mættu.  

   En hvernig ætli það sé með nútíma vestfirska stjórnmálamenn. Hafa þeir einhvern húmor til að bera? Þeirri spurningu verður ekki svarað hér.  Aftur á móti kemur hér einn léttur af Matthíasi Bjarnasyni og Sigurði á Laugabóli í Djúpi.

Snillingurinn Siggi á Laugabóli

...
Meira

Kæru þið öll.
Þar sem ég hef ekki yfir að ráða öllum síðum skólans okkar hér á facebook bjó ég til tilkynningu um þorrablót út frá árgangssíðunni sem ég ásamt fleirum stjórna , sem er árgangur 70-74 og deildi síðan inn á allar aðrar síður skólans, ég vona að þið skiljið þetta rétt þessi póstur á við okkur öll sem tengjumst skólanum. ( Þorrablótið er fyrir alla árganga fyrr og síðar.)
Þorrablót fyrrum nemenda, skólastjóra, kennara og starfsfólks Núpsskóla verður haldið á Restaurant Reykjavík laugardaginn 18. febrúar 2017 kl.19:00 borðhald hefst milli kl. 20:00 - 20:30. Það verður einnig annar matur á boðstólnum fyrir þá sem ekki borða þorramat. Við þurfum að staðfesta fjöldann í síðasta lagi 15. febrúar næstkomandi. Mætum öll með góðaskapið og skemmtum okkur stórkostlega eins og venjulega....
Meira

Torfi Halldórsson sem oft er nefndur faðir Flateyrar fæddist í Arnarnesi við Dýrafjörð þann 14. febrúar 1823 og ólst þar upp. Foreldrar hans voru Halldór Torfason, bóndi í Arnarnesi, og k.h., Svanfríður Jónsdóttir húsfreyja. Torfi, afi Torfa var sonur Mála-Snæbjarnar.

Eiginkona Torfa var María Júlíana Össurardóttir úr Súgandafirði. Meðal barna þeirra voru Guðrún, húsfreyja í Hólmum, móðir Maríu Jóhannsdóttur, móður Einars Odds Kristjánssonar alþingismanns. Sonur Torfa og Maríu var Ásgeir, faðir Haraldar sem var forstjóri Rannsóknarstofnunar byggingariðnaðarins, Ragnars læknis og Önundar, fyrrv. forstjóra OLÍS, föður Ragnars, viðskiptafræðings og fyrrv. bankastjóra.

...
Meira

Guðbjartur Jónsson frá Flateyri  - Maður orðsins- er 62 ára í dag 14.  febrúar 2017.
Margir þekkja hans frábæru orðatiltæki í gegnum tíðina sem sumhver hafa birtst í skemmtisögum sem Vestfirska forlagið á Þingeyri hefur gefið út á liðnum þeim tæplega aldarfjórðungi sem forlagið hefur starfað.

Um uppruna sinn sagði Guðbjartur Jónsson:
„Ég er upphaflega fæddur í Hafnarfirði, síðan inná Hesti og eftir það á Flateyri.“

Guðbjartur Jónsson býr nú í Hveragerði.

Afmæliskveðjur frá Vestfirska forlaginu að Brekku á Þingeyri.

...
Meira