Mánuðurinn góa hefst nú sunnudag frá 18. til 24. febrúar, en 8. til 14. febrúar í gamla stíl fyrir 1700.

Nafnið, góa eða gói, er þekkt úr elstu heimildum og afbrigði þess í öðrum norrænum tungum. Gói er persónugerð sem vetrarvættur í gömlum sögnum, dóttir Þorra.

Orðið góiblót bendir til mannfagnaðar seint að vetri að fornu en um hann er ekkert vitað með vissu. Ljóst er hinsvegar af heimildum frá öndverðri 18. öld að fagna átti góu á svipaðan hátt og þorra. Skyldi það fremur vera húsbóndinn en húsfreyjan, en víst er að dagurinn var eignaður húsfreyjunni. Heimildir geta um tilhald í mat á síðari öldum en hvergi á við þorrakomu. Kann þar að ráða nokkru að góukoma lendir oftast á langaföstu.

...
Meira

Björn Ingi Bjarnason frá Flateyri, sonur Önundarfjarðar, nú búsettur á Eyrarbakka í Flóa,  hefur verið skipaður Menningarfulltrúi Vestfirska forlagsins í Evrópu og  Bandaríkjum Norður-Ameríku.
Fylgja embættinu öll réttindi og hlunnindi sem þar til heyra.

   Gjört undir vorri hendi og innsigli 18. febrúar 2017, daginn fyrir konudaginn.

     Hallgrímur Sveinsson

léttadrengur og forstjóri Vestfirska forlagsins    

...
Meira

Reynir Bergsveinsson, minkaveiðimaðurinn landskunni frá Gufudal, sá sem kann tófumál, hefur verið á yfirreið hér um slóðir undanfarna daga. Er hann að vitja um veiðitæki sín, svokallaðar minkasíur sem hann smíðar sjálfur eftir eigin patenti. Eru þær listilega smíðaðar og geta tekið allt upp í 5-6 minka eftir stærð og jafnvel fleiri.

Er skemmst frá að segja að Reynir fékk 14 minka utan Þingeyrar og 2 í Hjarðardal í Mýrahreppi  í síur sínar sem hann setti allar upp í haust. Var það fyrir hvatningu bænda og búaliðs. Einkum var það Grímur á Eyrinni sem blés í þá lúðra, þótt sá náungi sé ekki kenndur við dýraveiðar yfirleitt en liggur þess meira í bókum!

   Minkarnir, veiddust sem hér segir:

...
Meira

Mánuðurinn þorri hófst föstudaginn 20. janúar s.l. og er sá dagur kallaður “bóndadagur” og þá var miður vetur.
Í Orkneyingasögu og Flateyjarbók segir af Fornjóti konungi í Finnlandi og Kvenlandi. Fornjótur átti þrjá syni, Ægi, Loga og Kára. Kári var faðir Frosta (Jökull) er var faðir Snæs hins gamla. Hans sonur hét “Þorri” og dæturnar Fönn, Drífa og Mjöll. Þorri átti tvo syni og hét annar Nór en hinn Gór og dóttir hans hét “Góa.”
Þorri var blótmaður mikill og hafði blót á miðjum vetri er kölluð voru “Þorrablót.” Síðasti dagur þorra er kallaður “þorraþræll” og er á sumun stöðum tileinkaður piparsveinum, mönnum í óvígðri sambúð, fráskildum mönnum, ellegar þeim sem átt höfðu barn í lausaleik eða tekið framhjá konu sinni....
Meira

Hátíðarstund þessi var að Ránargrund á Eyrarbakka fimmtudaginn 16. febrúar 2017 kl. 18 – 21 á heimili Menningarfulltrúa ÆFINGAR hver er Björn Ingi Bjarnason og færði til myndar það sem gerðist.

Hátíðin hófst með þjóðlegri sviðaveislu þar sem þátttakendur voru Siggi Björns laga- og textahöfundur ÆFINGAR, Guðmundur Ingi Einarsson, varðstjóri á LItla-Hrauni og Björn Ingi Bjarnason. Síðan var haldið áfram í Menningarsellunni að Ránargrund og þá bættist í hópinn Johnny King, tónlistarmaður.

Sagðar voru sögur og veittar viðurkenningar eins og myndirnar sýna berlega; mynddiskur með Sigga Björns og nýjustu bækurnar frá Vestfirska forlaginu að Brekku á Þingeyri.

...
Meira

Þungarokkshátíðin Eistnaflug handhafi Eyrarrósarinnar. 
Alþýðuhúsið og Vesturfarasetrið hlutu líka verðlaun.
Þungarokkshátíðin Eistnaflug í Neskaupstað hlaut í gær Eyrarrósina 2017, verðlaunin sem veitt eru árlega fyrir framúrskarandi menningarverkefni á landsbyggðinni.
Forsetafrúin Eliza Reid, sem er verndari Eyrarrósarinnar, afhenti verðlaunin við athöfn í Verksmiðjunni á Hjalteyri, en starfsemin þar hlaut verðlaunin í fyrra og hefur myndast sú hefð að afhenda verð- launin hverju sinni í höfuðstöðvum verðlaunahafa síðasta árs.
Verðlaunin sem Eistnaflug hlýtur er fjárstyrkur; tvær milljónir króna, auk nýs verðlaunagrips sem hannaður er af Friðriki Steini Friðrikssyni vöruhönnuði....
Meira

Í dag, fimmtudaginn 16. febrúar 2017, koma út 7 ný frímerki í fjórum útgáfuröðum. 
Frímerkin eru tileinkuð fyrstu ríkisstjórn Íslands, 150 ára afmæli Iðnaðarmannafélags Reykjavíkur og fyrsta íslenska arkitektinum. 
Þá koma fjögur frímerki út í röðinni íslensk samtímahönnun VIII sem að þessu sinni er tileinkuð textílhönnun....
Meira

Heimildamyndin Svarta gengið eftir Kára G. Schram var frumsýnd í Bíó Paradís fyrir skemmstu verður sýnd í Ísafjarðarbíói á morgun, föstudaginn 17. febrúar 2017 kl. 19. 
Myndin gerir hrífandi sögu Þorbjörns Péturssonar, fjárbónda og einsetumanns á Ósi í Arnarfirði, góð skil. Þegar heilsu hans tók að hraka mjög árið 2010 varð hann sárneyddur að bregða búi og fella allt sitt fé. Meðal fjárins var séralinn, kollóttur og fagur hópur sem Þorbjörn kallaði Svarta gengið. Hver skepna var gædd sínum persónuleika og bar fullt traust til eiganda síns sem á móti var sérlega elskur að bústofni sínum. Þegar til kastanna kom var þorri fjárins á Ósi fluttur í sláturhús en Þorbjörn afréð að jarðsetja mállausu ástvini sína í Svarta genginu heima við ósinn og reisa þeim einstakan minnisvarða. Jafnframt sótti hann um leyfi yfirvalda til að fá að hvíla við hlið þeirra eftir sinn dag....
Meira