Næstkomandi
sunnudag, 25. nóvember 2012, verður haldinn stofnfundur kjördæmisfélags Dögunar
í Norð-vestur kjördæmi.

Fundurinn
fer fram miðsvæðis í kjördæminu, í Bjarkalundi í Reykhólahreppi, sunnudaginn 25.
nóvember næstkomandi kl. 14 til 18. Félagsmenn eru hvattir til að kynna sér
hvað Bjarkarlundur hefur upp á að bjóða, en nefna má að kvöldið
fyrir fundinn fer fram villibráðarveisla á staðnum með tilheyrandi
skemmtidagskrá og dansleik; ef fólk vill mæta á laugardeginum,hafa það gott og
gista.
 Fólk
sem ráðgerir að sækja stofnfundinn er beðið að hafa samband við einhvern úr
undirbúningshópnum:

...
Meira

Íbúar í Dýrafirði hafa sent bæjarstjórn Ísafjarðarbæjar bréf þar sem hátt í þrjátíu íbúar rita nöfn sín undir beiðni um lengri opnunartíma sundaugarinnar á Þingeyri. Ósk íbúanna er að laugin verði einnig opin í tvo tíma á föstudagsmorgnum en í bréfinu segir að hátt í 15 manns, flestir lífeyrisþegar, sæki laugina og íþróttasalinn að staðaldri sér til heilsubótar. 

„Á meðan bæjarfélagið hefur efni á að byggja íþróttamannvirki fyrir spark-iðkendur fyrir milljónir ætti þetta ekki að vera mikil auðabyrði. Má ætla að sund og íþróttaiðkun aldraðra spari ísafjarðarbæ mörg pláss á elliheimilunum sem örugglega eru dýrari í rekstri en fáeinar klukkustundir í lauginni, “ segir m.a. í bréfi íbúanna.

Í dag er 25 ára afmælis dagur leikskólans. Honum var fagnað með opnu húsi, tertuveislu og ávaxta og grænmetishlaðborði með ostaívafi. Kvenfélagið Von gaf okkur ýmiskonar dót bæði til að nota úti og inni ss. púsl, rassaþotur, playmo o.þ.h. Við viljum að sjálfsögðu færa þeim kærar þakkir fyrir. Sviðsstjóri skóla- og tómstundasviðs Margrét Halldórsd. og Helga Björk leikskólastjóri á Sólborg komu frá Ísafirði. Þökkum þeim sem komu og nutu dagsins með okkur, takk fyrir að gera góðan dag betri.

Með afmæliskveðju, Elsa María.

 

Dýrfirðingurinn Karen Lind Richardsdóttir bar sigur úr býtum í módelfitness á Bikarmóti IFBB sem fór fram um helgina. Karen Lind sigraði í flokki kvenna undir 171 cm á hæð og varð jafnframt í þriðja sæti í heildarkeppni allra flokka. Alls tóku 126 keppendur þátt í mótinu, þar af 65 í módelfitness. Karen Lind er nýbyrjuð í sportinu en hún tók þátt í sínu fyrsta móti fyrr á árinu með mjög góðum árangri. Myndir og nánari úrslit má finna á fitness.is.

Á Bókamessunni í Ráðhúsinun í Reykjavík í dag, sunnudaginn 18. nóvember kl. 13:00, undir dagskrárliðnum Fólkið að vestan, sem verður í matsal Ráðhússins, munu höfundar lesa úr og kynna nokkrar bækur sem Vestfirska forlagið gefur út nú í ár:
 

Finnbogi Hermannsson:

Vestfirskar konur í blíðu og stríðu
Guðrún Ása Grímsdóttir:

Vatnsfjörður í Ísafirði

Reynir Ingibjartsson og Ólafur Engilbertsson:

Æviminningar Kristínar Dahlstedt veitingakonu

Lýður Björnsson:

Þar minnast fjöll og firðir. Ýmislegt um Gufudalshrepp hinn forna

Lárus Jóhannsson:

Andvaka. Lífshlaup og ljóð Tómasar Guðmundssonar Geirdælings hins víðförla

 

Þá verður Vestfirska forlagið með kynningar- og sölubás í Tjarnarsalnum í Ráðhúsinu en gríðarlegur fjöldi fólks kom þar við í gær.

 

Allir hjartanlega velkomnir meðan Ráðhúsrými leyfir. 

 

Fjölmenni var á samkomu Vestfirska forlagsins í kaffihúsinu á Bókamessunni í Ráðhúsi Reykjavíkur í dag, laugardaginn 17. nóv. undir liðnum -Mishlýjar sögur að vestan.-

 

Þar las Hlynur Þór Magnússon úr bók sinni Mishlýjar örsögur að vestan, en það eru gamansögur af Vestfirðingum lífs og liðnum, sem sumir kalla sannar lygasögur. Einnig sagði Finnbogi Hermannsson gamansögur af Vestfirðingum.

Jóhannes Kristjánsson frá Brekku á Ingjaldssandi var heiðurs- og leynigestur Vestfirska forlagsins á staðnum og kom hann fram fyrir hönd nokkurra Vestfirðinga og gerði það með glæsibrag að venju.

 

Guðmundur Haglín Guðmundsson frá Hrauni á Ingjaldssoandi lék nokkur lög á harmonikku. 

 

Hallgrímur Sveinsson á Brekku í Dýrafirði, forlagsstjóri hjá Vestfirska forlaginu, stjórnaði samkomunni.

 

Fjölmenni var á samkomunni og skemmtu gestir sér hið besta.

 

Meðfylgjandi myndir voru teknar á samkomunni í dag þar sem gestir voru baðaðir vetrarsól höfuðborgarinnar eins og sjá má en sólin kveður brátt Vestfirðainga á heimaslóð í tvo mánuði.

Á Bókamessunni í Ráðhúsi Reykjavíkur á morgun 17. nóvember 2012 kl. 14:00, undir liðnum Mishlýjar sögur að vestan, mun Hlynur Þór Magnússon lesa úr bók sinni Mishlýjar örsögur að vestan, en það eru gamansögur af Vestfirðingum lífs og liðnum, sem sumir kalla sannar lygasögur.

Þar munu ýmsir aðrir merkismenn mæta. Jóhannes Kristjánsson frá Brekku á Ingjaldssandi verður heiðurs- og leynigestur Vestfirska forlagsins á staðnum og mun koma fram fyrir hönd nokkurra Vestfirðinga.

Svo verður dragspilið þanið í kaffistofu Ráðhússins. Allir hjartanlega velkomnir.

Fastur þáttur í
Sunnlenska fréttablaðinu á Selfossi í viku hverri er Sunnlendingur vikunnar.

Í síðustu viku
var það Dýrfirðingurinn Þór Líni Sævarsson, sjómaður og afreksmaður í akstri.

Svör Þórs Lína við
venjubundnum spurningum blaðsins fara hér á eftir:

...
Meira