A A A
  • 1935 - Soffía Einarsdóttir
30.11.2012 - 10:42 | bb.is

Vill aðra útfærslu Dýrafjarðarganga

Jón Þórðarson, ferðamálafrömuður á Bíldudal fremur gjörning í fjöruborðinu. Mynd af bb.is
Jón Þórðarson, ferðamálafrömuður á Bíldudal fremur gjörning í fjöruborðinu. Mynd af bb.is
Eftirfarandi frétt birtist á bb.is:
Jón Þórðarson, ferðamálafrömuður á Bíldudal, hefur lengi velt fyrir sér samgöngumálum í fjórðungnum og hvernig best megi tengja saman suður- og norðursvæði Vestfjarða. Hefur hann m.a. komið fram með aðrar hugmyndir en þær sem unnið er eftir í núgildandi samgönguáætlun. „Undanfarin ár og áratugi hefur samfélag mennta- og vísinda verið í uppbyggingu á Ísafjarðarsvæðinu og ef suðursvæðið á að lifa af er grundvallaratriði að við náum að tengja okkur samfélagi mennta- og vísinda. Það eru uppi raddir um að við á suðursvæðinu eigum frekar að beina sjónum okkar suðurávið, en ef leitað er í þá átt, þarf að fara alla leið á höfuðborgarsvæðið," segir Jón....
Meira
30.11.2012 - 10:36 | bb.is

„Vestfirðina upp!“

Þingeyri. Ljósmynd: Mats
Þingeyri. Ljósmynd: Mats
Eftirfarandi frétt birtist á bb.is:
Sigmundur F. Þórðarson íbúi á Þingeyri hafði samband við blaðið og vildi leggja sitt á vogarskálarnar í umræðunni um jarðgöng á Vestfjörðum. Hann er ekki sáttur við að verið sé að „hræra í" hugmyndum og gildandi áætlunum um jarðgangagerð og vegabætur milli suður- og norðursvæðisins. „Ef við ætlum að byggja þennan kjálka saman, þá verðum við líka að vinna þetta saman," segir Sigmundur og er mikið niðri fyrir. „Við Vestfirðingar erum engir þurfalingar á íslensku samfélagi, það koma bara örfá prósent til baka af því sem við leggjum til þjóðarbúsins. Það hafa margir sýnt fram á þetta með tölum, en því miður fáir sem hlusta," heldur Sigmundur áfram....
Meira
29.11.2012 - 10:02 | Tilkynning

Tillaga að starfsleyfi fyrir Dýrfisk

Eldiskví Dýrfisks í Dýrafirði. Mynd: JÓH
Eldiskví Dýrfisks í Dýrafirði. Mynd: JÓH
Athygli Dýrfirðinga og annarra skal vakin á tillögu að starfsleyfi fyrir Dýrfisk ehf. fyrir fiskeldi í Dýrafirði. Tillagan liggur frammi í söluskála N1 á Þingeyri, útibúi Landsbankans og í Þingeyrarlaug. Einnig liggur hún frammi á skrifstofu Ísafjarðarbæjar í Stjórnsýsluhúsinu á Ísafirði. Tillöguna og fylgiskjöl hennar má nálgast á heimasíðu Umhverfisstofnunar, nánar til tekið hér. Skilafrestur athugasemda er til 3. janúar 2013.
« 1 af 2 »

Vestfirska forlagið að Brekku á Þingeyri og Sunnlenska fréttablaðið bjóða til verðlaunakrossgátu í minningu Hafliða Magnússonar. Krossgátan er eftir Hafliða sem samdi krossgátur fyrir Sunnlenska fréttablaðið í áratug. Verðlaunakrossgátan er í Sunnlenska fréttablaðinu sem dreift verður á öll heimili og fyrirtæki á Suðurlandi á morgun, fimmtudaginn 29. nóv.

Verðlaunin eru allar bækur Vestfirska forlagsins árið 2012 og að auki hefti 1. – 6. af Basil fursta. Alls eru þetta 17 verðlaun og skal skila leystum krossgátum til Sunnlenska fréttablaðsins að Austurvegi 22 á Selfossi fyrir 6. desember nk.

Hafliði Magnússon lést 25. júní 2011 en hann var alla tíð einn traustasti garpurinn í áhöfn Vestfirska forlagsins. 

28.11.2012 - 16:43 | BIB

Sannar lygasögur: - Bölvað í bæn

Séra Baldur Vilhelmsson
Séra Baldur Vilhelmsson
« 1 af 3 »

Það kom fyrir að séra Baldur messaði í borðsalnum í Reykjanesi í Djúpi og fór með gott fyrir nemendur og aðra kennara skólastaðarins.
Eitt sinn í norðaustan roki og snjóhraglanda boðaði prestur til messu í fyrrnefndu mötuneyti. Við nokkrir strákar tókum okkur sæti við einn gluggann. Þegar séra Baldur var staddur í miðju Faðirvorinu, opnuðum við gluggann upp á gátt, en það var stór hverfigluggi sem kallaðir eru. Í því brast á ein stórhviðan svo allir hrukku við. Séra Baldur stöðvaðist og leit til okkar. Svo mælti hann stundarhátt svo allir heyrðu sem í salnum voru:  “Lokiði helvítis glugganum, strákar!”

Það gerðum við auðvitað og prestur lauk sinni bæn.

 

Sögn Einars Jónssonar frá Álfadal í Mannlífi og sögu 19. hefti
________________________________________________________
 

Álftfirðingurinn og Dýrfirðingurinn í Trönuspjall á Stokkseyri 25. nóv. 2012 - Málverkið er frá Gerðhömrum í Dýrafirði.
Álftfirðingurinn og Dýrfirðingurinn í Trönuspjall á Stokkseyri 25. nóv. 2012 - Málverkið er frá Gerðhömrum í Dýrafirði.
« 1 af 4 »

Fjölmenni var hjá listmálaranum Elfari Guðna Þórðarsonar á lokadegi sýningarinnar  Frá Djúpi til Dýrafjarðar í Gallerí Svartakletti á Stokkseyri sunnudaginn 25. nóv.
 

Þar fór einnig fram trönuspjall þar sem spjallað var um sýninguna og málraraferil Elfrars Guðna í víðu samhengi. Trönuspjallið leiddu; Flateyringarnir Björn Ingi Bjarnason og Björn K. Hafberg og Stokkseyringarnir Elfar Guðni Þórðarson og  Guðbrandur Stígur Ágústsson. 

Eiginkona Elfars Gðna, Helga Jónasdóttir og dæturnar Valgerður Þóra og Elfa Sandra buðu sýningargestum til veislu á eftir

Fyrir 10 árum gaf Vestfirska forlagið út póstkortaseríu með myndum úr mannlífinu í Vestfirsku Ölpunum, en það kalla menn gjarnan skagann milli Arnarfjarðar og Dýrafjarðar.
 

   Forlagið endurtekur leikinn og gefur nú út 12 jólapóstkort upp á gamla móðinn. Eru þau af mannlífi og dýralífi víða á Vestfjörðum og eru í tveimur stærðum. Æðarfuglinn og  æðarræktin á Vestfjörðum skipa þar stóran sess, en lítið hefur verið gefið út af póstkortum frá þeirri hlið, þar sem hin merkilega útflutningsafurð, æðardúnninn, kemur við sögu. Einnig er krían svífandi yfir, en hún er veitir æðarbóndanum ómetanlega aðstoð við að verja æðarvörpin. Jón Sigurðsson kemur við sögu á tveimur póstkortanna, Hemmi Gunn lætur ljós sitt skína í fjárhúsunum á Brekku í Dýrafirði og fjórar yngismeyjar, dætur Önundarfjarðar, tilla sér á tá ofan staðarins. Ísafjörður, höfuðstaður Vestfjarða, birtist á undurfallegri mynd og Sankti Kláus gamli kennir ungri smámey í Dýrafirði að lesa bækurnar að vestan. 

Elfar Guðni við nokkrar af Vestfjarðamyndunum.
Elfar Guðni við nokkrar af Vestfjarðamyndunum.
« 1 af 3 »

Síðasti dagur listmálarans Elfar Guðna Þórðarsonar á
sýningunni Frá Djúpi til Dýrafjarðar verður sunnudaginn 25.
nóvember n.k.
Þar hefur hann sýnt glæsilegar Vestfjarðamyndir sem hann málaði í
haust þegar hann og eiginkonan Helga Jónasdóttir dvöldu í þrjár vikur í
Mannlífs- og menningarsetri Önfirðingafélagsins að Sólbakka á Flateyri 


 

...
Meira
Eldri færslur
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31