3. bók. Finnbogi Hermannsson tók saman.

Vestfirskar kjarnakonur á ýmsum tímum. Ævikjör þeirra voru misjöfn en þær áttu

það sameiginlegt, að hvika hvergi í lífsbaráttunni hvernig sem örlögin sneru við þeim.

Eftirtaldar konur eru söguhetjur hjá Finnboga:

 

       Jóhann Sigrún Ingvarsdóttir frá Lyngholti á Snæfjallaströnd

       Ragnheiður Hákonardóttir frá Reykjarfirði

       Vilborg Arnarsdóttir í Súðavík

       Guðrún Þorbjörg Kristjánsdóttir frá Svínanesseli

       Hulda Valdimarsdóttir Ritchie frá Hnífsdal

       Margrét Ryggstein frá Færeyjum.

Vestfirska forlagið á Þingeyri gefur út.  

Umhverfisstofnun hefur sent bæjarráði Ísafjarðarbæjar erindi þess efnis að Dýrfiskur ehf., hafi sótt um starfsleyfi til sjóeldis í Dýrafirði.
Umhverfisstofnun hefur unnið að tillögu að starfsleyfi þar sem lagt er til að rekstraraðila verði heimilt að framleiða allt að 2000 tonn af regnbogasilungi og laxi á ári. Vinna við starfsleyfið nær aftur til ársins 2009 þegar
Skipulagsstofnun gaf út úrskurð þess efnis að sjóeldiskví fyrir allt að 2000 tonn af regnbogasilungi og/eða laxi í Dýrafirði, væri ekki líkleg til að hafa í för með sér umtalsverð umhverfisáhrif og þyrfti því ekki að fara í umhverfismat. ...
Meira

„Þetta er eitthvað sem mig langar til að gera. Ætli það sé ekki hægt að segja að
þetta sé ævintýraþrá,“ segir Guðni Páll Viktorsson, 25 ára Þingeyringur, sem mun
leggja í hringferð umhverfis landið á kajak næsta sumar. Guðni Páll segir að
ákvörðunin hafi verið tekin í sumar og undirbúningurinn sé hafinn. „Um er að
ræða bæði andlegan og líkamlegan undirbúning og síðan þarf ég að safna styrkjum
því þetta er mjög dýr framkvæmd,“ segir Guðni Páll. Hann segist vera kominn með
þrjá stóra styrktaraðila og sé að leita að fleirum.
Hægt verður að heita á hann
og munu ákveðin samtök eða félag njóta góðs af áheitunum. Ákvörðun þess efnis
verður tekin síðar.

...
Meira

Eftir Hafliða Jónsson garðyrkjustjóra. Endurútgáfa - Vestfirska forlagið gefur út

Kristín fæddist í Dýrafirði árið 1876
og ung hélt hún til Danmerkur frá Þingeyri með kútternum Daníu. Þá átti hún að
baki ástarævintýri með skáldinu frá Þröm – Magnúsi Hj. Hjaltasyni, sem Halldór
Laxness gerði ódauðlegan sem Ólaf Kárason Ljósvíking í skáldsögunni Heimsljósi.
Hún sleit sambandinu þegar Magnús treysti sér ekki til að leggja út fyrir
trúlofunarhringunum.

Í Danmörku lærði Kristín margt um hótel- og
veitingarekstur. Reynslunni ríkari kom
hún aftur til Íslands árið 1905 og réðst strax til starfa á nýreistu
glæsihóteli við Austurstræti – Hótel Reykjavík. Það hótel brann í brunanum
mikla árið 1915. 

...
Meira

Hjónaballið 2012, sem frestað var vegna veðurs þann 3. nóvember síðastliðinn, verður haldið þann 17. nóvember og hefst með borðhaldi kl. 20:00. Jóhannes Oddur sér um veitingarnar og Hjónaballið mun spila fyrir dansi að loknu borðhaldi. Löng hefð er fyrir Hjónaballinu en það er nú haldið í 78. sinn.
Hægt er að skrá sig fyrir miðum hjá Gunnhildi í síma 8931078 eða 4568278.

Nýtt námskeið í sundleikfimi hefst næstkomandi miðvikudag 7. nóvember 2012. Tímarnir verða eins og áður á mánudögum kl. 18.00 og miðvikudögum kl. 20.00. Alls 10 skipti og námskeiðsgjald er 6000.- kr. Allir áhugasamir velkomnir!! Aldrei of seint að byrja !!
Skráning í síma 450-8470 eða í afgreiðslu sundlaugar.
Kveðja, Signý

Áhugaverðir tónleikar verða haldnir í Hveragerðiskirkju á morgun,  miðvikudaginn 7. nóvember kl. 20:00. Á tónleikunum koma fram Fjallabræður, Magnús Þór Sigmundsson, Raggi Bjarna og barnakór Grunnskóla Hveragerðis.
 

Halldór Gunnar kórstjóri er að safna röddum um land allt í lag sitt Ísland og bætir nú inn röddum tónleikagesta í safnið. Lionsklúbbur Hveragerðis stendur fyrir tónleikunum og allir sem að verkefninu koma gefa vinnu sína. Tónleikarnir eru til styrktar kaupa á hjartalínurita fyrir heilsugæsluna í Hveragerði.
 

Verð aðgöngumiða er kr. 2.500- Forsala aðgöngumiða fer fram í Tíunni Hveragerði, einnig er hægt að panta miða á netfanginu: roggipe@gmail.com 

Lionsklúbbur Hveragerðis hvetur alla til að mæta á einstaka skemmtun og styðja um leið mjög gott málefni.

„Hér er allt í góðum gír, þó erfitt sé að reka bóka útgáfu á hjara veraldar, en þetta er bara svo gaman,“ sagði Hallgrímur Sveinsson stofnandi Vestfirska forlagsins í Dýrafirði þegar blaðamaður spurði hann hvernig bókaútgáfan gengi. Hallgrímur hefur rekið bókaútgáfuna frá stofnun árið 1994 og á þeim tíma hefur útgáfan gefið út 300 bækur um Vestfirði og Vestfirðinga.

Að sögn Hallgríms hefur lesendahópurinn farið ört vaxandi síðustu ár og útgáfa bóka á ensku fer fjölgandi. Glæpasögurnar um Basil fursta eru áberandi hjá forlaginu og Hallgrímur mælir eindregið með því að fólk kynni sér þau hefti. Hann segir að sögupersónan Basil sé að mörgu leyti sérstök persóna sem gaman er að lesa um. 

Engin regla er á hvað útgáfan gefur út margar bækur yfir árið en í ár áætlar Hallgrímur að 22 bækur komi út eru þær seldar um allt land. Venjulega hefur sala fyrir jólin verið svipuð og hún er yfir allt árið og gerir Hallgrímur ráð fyrir að staðan verði eins þessi jólin.