Tæplega 72 þúsund erlendir ferðamenn fóru frá landinu í apríl síðastliðnum samkvæmt talningum Ferðamálastofu í Flugstöð Leifs Eiríkssonar eða 12.400 fleiri en í apríl á síðasta ári.
Aukningin nemur 20,9% milli ára.
Aukning hefur verið milli ára alla mánuði frá áramótum eða 34,5% í janúar, 34,4% í febrúar og 26,8% í mars.
...
„Alþingismenn, hver um sig, gætu kosið leynilegri kosningu þá menn utan þings sem þeir treysta best. Þeirra eina hlutverk væri að sætta þá deiluaðila sem nú berast á banaspjót.“
Þannig hljóðar tillaga okkar hér fyrir vestan sem við settum fram um daginn.
Ríkisstjórnin gæti að sjálfsögðu einnig staðið svona að málum ef hún þekkti sinn vitjunartíma. En það hlustar náttúrlega enginn maður á svona vitlausar tillögur. Samt höldum við að það væri tilbreyting fyrir Alþingi að standa einu sinni á þennan hátt að tilnefningu manna til þjóðþrifaverka. Nokkra hina bestu menn úr öllum landsfjórðungum. Þessir umræddu góðu menn eru úti á stéttunum.
...
Við skólaslit að Núpi í Dýrafirði s.l. þriðjudag (18. maí 1965) bauð Arngrímur Jónsson sérstaklega velkomna gesti, sem komnir voru til þess að afhenda skólanum að gjöf brjóstmynd af Birni Guðmundssyni fyrrverandi skólastjóra að Núpi.
Brjóstmynd þessi er gjöf frá , gömlum nemendum Björns, Héraðssambandi Vestur-Ísfirðinga og nokkrum velunnurum Björns heitins.
Jón Bjarnason forstjóri frá Rvk., hafði orð fyrir gefendum.
Hóðferðamiðstöð Vestfjarða, sem þau hjónin Friðfinnur Sigurðsson og Sigríður Helgadóttir á Þingeyri reka, býður upp á þrjár rútuferðir í viku á leiðinni Ísafjörður-Hólmavík-Ísafjörður frá 6. júní n. k. Er þessi akstur á vegum Fjórðungssambands Vestfirðinga.
Nú er boðið upp á tvær ferðir í viku, en með sumaráætlun mun þeim fjölga í þrjár sem áður segir. Að sögn Friðfinns Sigurðssonar, bílstjóra, hefur vetraraksturinn verið frekar dapur hvað fjölda farþega snertir. Friðfinnur er bjartsýnn og vonast hann til að með hækkandi sól muni þetta breytast eins og annað. Ýmsir aðilar geta náttúrlega nýtt sér þessar ferðir.
...
