Þormóður Logi Björnsson hefur verið ráðinn skólastjóri Grunnskólans á Suðureyri og Erna Höskuldsdóttir ráðin skólastjóri Grunnskólans á Þingeyri.
Minnisblað bæjarstjóra og mannauðsstjóra Ísafjarðarbæjar um umsækjendur og tillögu að ráðningum var tekið fyrir á fundi fræðslunefndar í vikunni. 
Þrír sóttu um stöðuna á Þingeyri en einn dró umsókn sína til baka. Umsækjendur á Suðureyri voru einnig þrír....
Meira

Tónlistarmaðurinn ungi, Davíð Sighvatsson frá Höfða í Dýrafirði, hélt tónleika í Hömrum á Ísafirði í fyrrakvöld. 

Dagskráin var fjölbreytt, klassík í bland við vinsæla popptónlist og lög eftir Davíð sjálfan. 

Davíð söng í mörgum laganna, lék á píanó, gítar og ukulele auk þess sem hann kynnti alla dagskrán á afar lifandi og persónulegan hátt....
Meira

Fiskvinnsla Íslensks sjávarfangs á Þingeyri hefur farið vel af stað að sögn Rúnars Björgvinssonar framkvæmdastjóra fyrirtækisins.
„Við byrjuðum 24. apríl. Vinna hefur reyndar fallið niður nokkra daga vegna verkfalls,“ segir hann. Fyrirtækið er fyrst og fremst að frysta fisk á Þingeyri. Hráefnið kemur af bátum á Þingeyri og annars staðar frá, auk þess sem fiskur er keyptur á mörkuðum....
Meira

Frystitogarinn Hrafn GK 111, sem undanfarna mánuði hefur legið við bryggjuí Grindavík og beðið örlaga sinna hefur fengið nýja eigendur og nýtt nafn í Rússlandi.
Togarinn lauk störfum sínum fyrir Þorbjörn eftir að togarinn Hrafn Sveinbjarnarson kom úr stækkun frá Póllandi og í kjölfarið voru gerðar umtalsverðar breytingar á togaraútgerð Þorbjarnar....
Meira

Atvinnu- og menningarmálanefnd Ísafjarðarbæjar óskar eftir tilnefningum til bæjarlistamanns Ísafjarðarbæjar 2015. Listamenn sem búið hafa í Ísafjarðarbæ um tveggja ára skeið hið minnsta koma til greina. Þegar tilnefningar eru metnar skal tekið mið af þeim viðurkenningum sem listamanninum hefur hlotnast og útbreiðslu verka hans. Einnig skal litið til þess hverjir teljast efnilegir á sínu sviði og er þá nafnbótin jafnframt hvatning til viðkomandi, að halda áfram störfum sínum á sviði listarinnar.

...
Meira

"Þú verður bara að gera allt úr engu, sagði hann þegar ég var sextán ára og síðan þá hef ég haft það að leiðarljósi í öllu," segir Sigurbjörg Eyjólfsdóttir, listakona í Selvogi, og á þar við fyrrverandi vinnuveitanda sinn í Rósinni. Þessi orð hafa fylgt henni allar götur síðan og endurspeglast í verkum hennar.

 Sigurbjörg stendur nú fyrir sýningu á verkum sínum í Galleríi undir stiganum á bókasafni Þorlákshafnar, en hún sker sig að mörgu leyti frá öðrum myndlistarmönnum. Hún málar nefnilega á skóflur.

...
Meira

Hvers vegna ætli sé ekki löngu búið að setja á stofn heilsustofnun í Reykjanesi í Djúpi? Þar er öll aðstaða sem hrópar á mann: Nóg heitt vatn, nóg af þessum fínu byggingum og pottþéttar samgöngur allan ársins hring.

    Séra Baldur vakti á þessu athygli fyrir áratugum og fleiri góðir menn. Þetta vita allir menn sagði klerkur þegar hann var að lýsa hinni fínu aðstöðu í Reykjanesi fyrir heilsustofnun. En það hefur ekki dugað til. Sundlaug, enginn vandi að útbúa leirböð, íþróttasalur og allt hvað heiti hefur. Hvað vilja menn meira? 

...
Meira

...
Meira