Hrós vikunnar fær Ólafur Steinþórsson, smiður frá Lambadal. Maður hélt nú satt að segja að hann hefði drepið sig á múrverkinu í gamla daga. En það var nú sem betur fer ekki. Hann hefur verið lykilmaður í hinu mikla hugsjónastarfi Eiríks Eiríkssonar Hálandahöfðingja á Felli við endurnýjun gamalla mannvirkja á Þingeyri. Verkin sýna þar merkin. Ólafur er ótrúlega lagtækur og liðlegur smiður og nefndu það bara. Honum fellur aldrei verk úr hendi frekar en mörgum öðrum í hans ættgarði. Svo er nú skapferlið þannig að hann kemur öllum í gott skap bara með því að láta sjá sig og er það ekki öllum gefið.  

...
Meira

Margir hafa gaman af að glíma við gátur, að ekki sé talað um ef þær standa í hljóðstöfum. Elís Kjaran, bóndi og ýtustjóri, frá Kjaransstöðum í Dýrafirði, var einn af þessum náttúrulegu hagyrðingum sem eru ómetanlegir í sinni sveit. Hér birtum við þrjár vísnagátur eftir kallinn, sem þið verðið auðvitað fljót að ráða, eða hvað?Þær eru úr bókinni Svalvogavegur sem Vestfirska forlagið gaf út 2007. Lausnir verða birtar síðar....
Meira

Jólamarkaður Koltru heldur áfram í dag í gamla Salthúsinu á Þingeyri frá kl. 13 – 17.

Vonumst til að sjá sem flesta.

Jólakveðjur.

Koltra.

...
Meira

Andrés Guðmundsson, bóndi á Brekku í Dýrafirði, var eftirminnilegur persónuleiki, sem kallaði ekki allt ömmu sína. Andrés var mjög liðtækur við dýralækningar í sinni sveit og hjálpaði mörgum. Hafði hann lært þau fræði á námskeiði í Reykjavík hjá Ásgeiri dýralækni á sínum tíma og hafði alltaf mikið samband við hann og fékk hjá honum lyf.

   Eitt sinn bar svo við að gildur bóndi í sveitinni fékk eitthvað í belginn. Fór hann til Andrésar og spurði hann ráða. Sá gamli var fjótur að sjá þetta út, veifaði handleggjunum og sagði:

...
Meira

...
Meira

   Það er ekki nokkur maður að tala um að þessi blessaði banki eigi að beygja sig í duftið fyrir einhverja Móhikana, gamalmenni og útlendinga í fiskvinnslu vestur á fjörðum og gefa þeim peninga. En hann á að sýna þessum eigendum sínum og viðskiptavinum virðingu og koma fram við þá á mannlegan hátt. Til dæmis að láta eina manneskju þjóna viðskiptavinum sínum fyrir vestan, sem eru upp á náð og miskunn komnir, tvisvar-þrisvar í viku. Við erum að tala um góða viðskiptavini sem sumir eiga milljónir inni í bankanum sínum. Það hljóta m. a. að vera slíkir hlutir sem menn eiga við með orðinu samfélagsbanki. En ef meiningin er að allir flytji til Reykjavíkur þá þurfum við náttúrlega engan slíkan samfélagsbanka. Enginn banki, engin byggð. Kannski það sé handan við hornið?...
Meira

Hin útlæga og vinsæla sýning Fjalla-Eyvindur verður tekin úr útlegð á föstudag, 4.desember 2015. Þá verður þessi óvænt vinsæli leikur sýndur að nýju í Gamla bankanum á Selfossi. Á undan sýningunni mun Guðmundur G. Þórarinsson segja frá sinni sýn á lífshlaupi Fjalla-Eyvindar. 
Miðaverð er aðeins 2.800.- kr og er miðasala þegar hafin í síma 894 1275. Fjalla-Eyvindar stundin á föstudag hefst kl.20....
Meira

   Við könnumst við orðið hagræðing. Mikil hagræðing hefur til dæmis orðið innan bankakerfisins með svonefndum Heimabanka. Það vita allir. En þeim sem ekki hafa slíkt apparat í höndum er bara hagrætt út af borðinu. Til dæmis 1/3 íbúanna í Dýrafirði, sem margir eiga háar upphæðir í bankanum sínum.

   Fróðir menn segja að vaxtamunur á Íslandi í dag sé 5% til 6%. Jæja. Setjum sem svo að Dýrfirðingar eigi 500 milljónir króna sem Landsbankinn er að sveitast í að ávaxta fyrir þá. Ef við miðum við 5% vaxtamun þá er bankinn að hala inn á Dýrfirðingum 25 milljónir. Ef við miðum við 1000 milljónir, sem er nú satt að segja líklegri tala, er hann að fá 50 milljónir fyrir snúð sinn, miðað við sömu forsendur. Svo segist bankinn tapa á Dýrfirðingum. Gaman væri að sjá það tap sundurliðað. En trúlega fellur það undir svokallaða bankaleynd! Svo er auðvitað mikil þjóðhagsleg hagræðing fólgin í því að aka 100 km leið ef menn vantar skotsilfur. Kannski í snarvitlausu veðri og ófærð.Við sveitamenn höfum ekki gáfur til að skilja slíka ofurhagræðingu. Lái okkur hver sem vill.

...
Meira