Og þá var nú fjörugt á Siglufirði, helvítis fyllirí á sumum skipum. Stundum fengu drengirnir ekkert nema rúgbrauð og snarl, vegna þess að kokkarnir voru á fylliríi. Það var minnst fyllirí hjá mér. Ég smakka vín ekki mikið. Ég hafði alltaf kaffi og pönnukökur handa drengjunum klukkan þrjú á daginn, hélt sama sið og í gamla daga. Allir sjómenn sem ég hef verið samtíða hafa verið mér góðir og aldrei kvartað undan mat hjá mér.
Lási? Hann Lási klárar þetta, sögðu þeir. Sjómenn vilja hafa gott að éta. Þeir þurfa þess með og því skyldu þeir ekki fá það? Þeir borga matinn sjálfir.
Áður fékk fólkið ekki ofan í sig að éta. Þeir tímar vilja gleymast þegar betur blæs og meira er fyrir framan hendur.
Já, ég kunni vel við mig á sjónum. Eftir að ég kom í land hafði ég kvef í marga mánuði. Á sjónum fékk ég aldrei kvef.
...
Jamngott = Jafn gott. Dæmi: “Það var jamn gott að Sigga var ekki með.”
Skjaldan = Sjaldan.
Einlægt = Alltaf.
Gamalt úr Arnarfirði:
Dívangormur=langur, slánalegur maður. Notað í neikvæðri merkingu. Dæmi: Hann er helvískur bölvaður dívangormur.
Manngripur= neikvæð lýsing á manni.
Mannaskuld= eitthvað er þessum og þessum að kenna.
Reyndar voru þær fjórar!
...
Það var á þeim árum þegar séra Kári Valsson var þjónandi prestur á Hrafnseyri. Síðla hausts boðaði hann til messu á staðnum, en þá var nýafstaðin hundahreinsun í hreppnum. Þá var hundahreinsunarmaður í Auðkúluhreppi Gunnlaugur Sigurjónsson bóndi á Tjaldanesi, en hundahúsið var þar í svokölluðu Grjótnesi og var það auðvitað þýðingarmikið að allir kæmu með hunda sína til hreinsunar.
Eftir embætti var öllum boðið í messukaffi, eins og lengi hefur tíðkast til sveita. Sátu þeir skammt hvor frá öðrum, Gunnlaugur og Hákon J. Sturluson bóndi á Borg í Arnarfirði, sem þá var með skegg niður á bringu. Teygði Gunnlaugur sig í áttina að Hákoni og ávarpaði hann á þessa leið:
...
Nú er komið að verklokum við nýju brúna á Kirkjubólsá í Dýrafirði. Við fórum og heimsóttum hina vösku brúarsmiði seinni partinn í dag. Að vísu var dottið á myrkur. Það er svo fljótt að detta á þessa dagana. En kom ekki að sök.
Brúarsmíðin hefur bara gengið vel að sögn brúarsmiða. Og það þrátt fyrir að veður hafi verið alls konar. Brúin er úr steinsteypu með stálbitum og timburgólfi.
...
Guðbjartur Jónsson á Flateyri stofnaði og rak lengi hið ágæta öldurhús Vagninn á Flateyri. Guðbjartur, öðru nafni Vagnstjórinn, er hinn mesti dugnaðarforkur. Hann er frægur fyrir mismæli og ambögur sem velta út úr honum.
Eitt sinn var Vagnstjóranum mikið niðri fyrir þegar hann var að ræða við félaga sína um spillingu á Íslandi. Einkum varð honum tíðrætt um Hannes Hólmstein Gissurarson og sagði þann fýr aldrei hafa þurft að standa við eigin kenningar. Um einhvern orðróm sem var í gangi um Hannes sagði Guðbjartur:
...
