Um daginn var list á list ofan á Þingeyri. Það var bara allskonar. Frá Litháen og allt.  Segja má að á Þingeyri hafi þá verið alþjóðlegt listatorg í margar vikur. Þar létu listamenn af ýmsum þjóðernum ljós sitt skína. Einkum þó frá Litháen. En eins og margir vita eru Íslendingar virtir og dáðir í því landi. Þetta eru vinir okkar.

   Í strætisbílnum var flutt dramatísk veðurlýsing á íslensku. Var eiginlega dálítið dularfullt. En þetta var voðalega gaman eins og krakkarnir segja. Það sést greinilega á farþegunum. Fremst er bílstjórinn skulum við segja. Hún Björg Sveinbjörnsdóttir frá Suðureyri.

...
Meira

Ferðamálasamtök Vestfjarða hafa fengið styrk frá Ferðamálastofu og Uppbyggingarsjóði Vestfjarða til að vinna að stefnumótun fyrir vestfirska ferðaþjónustu 2016-2020. Mikilvægt er að sem flestir hagsmunaaðilar taki þátt í mótun stefnunnar, bæði ferðaþjónar, sveitarfélög og opinberar stofnanir.

Þetta kemur fram í tilkynningu frá verkefnisstjórn Ferðamálasamtaka Vestfjarða um stefnumótun 2016-2020. Þar segir ennfremur meðal annars:

Atvinnuþróunarfélag Vestfjarða (Atvest) mun halda utan um vinnu við mótun stefnunnar. Nú þegar hefur Atvest unnið stöðugreiningu fyrir ferðaþjónustu á Vestfjörðum, sem er aðgengileg hér á vef Ferðamálasamtaka Vestfjarða.

...
Meira

Fáir ef nokkrir hafa verið oftar nefndir til sögunnar hér á Þingeyrarvefnum í gegnum tíðina en Jón forseti. Höfum við birt um hann ótal greinar, tilvitnanir og frásagnir. Bara nefndu það. Og ekki að gleyma fæðingarstað hans, Hrafnseyri við Arnarfjörð.

   En við landar hans höfum verið ákaflega slappir að kynna hann á erlendum vettvangi og fyrir hvað hann stóð. Munum við fjalla nánar um það síðar. En nú er búið að tala í útlöndum.

   Daniel Hannan er einn af þingmönnum Breta á Evrópuþinginu. Hann er þekktur fyrir skörulegan málflutning. Daniel er einn helsti talsmaður útgöngu Breta úr Evrópusambandinu. Ummæli Jóns forseta um frelsið flugu aldeilis um netheima í morgun þegar Daniel vitnaði í hann á tístinu

...
Meira

1. Nú eru kallarnir farnir að útbúa sig á grásleppuna. Dúddi segir að ekkert offramboð sé á heimsmarkaðnum. Og hátt verð fyrir hveljuna í Kína.


2. Stór krani kom til Þingeyrar í morgun. Það er eitthvað verið að græja næturnar í fiskeldinu. Skyldi það vera þvottur?


3. Friðbert bóndi  í Hólum var kallaður inn í morgun. Nú skal fara í aðgerð á hægri mjöðminni á Landspítalanum um mánaðamót. Okkar maður Ríkharður framkvæmir. Gangi ykkur vel Berti minn!


4. Grímur á Eyri fékk sér nýtt úlpubyrði og Nokia stígvél á Ísafirði um daginn.


5. Í gærmorgun var lesið í sundlauginni viðtal úr Mannlífi og sögu við Böðvar Guðmundsson, nafnkunnan Dýrfirðing á sinni tíð. Tekið fyrir 20 árum. Einstaklega skemmtilegur og frásagnarglaður maður, Bövvi í Verslunarfélaginu. Framhald á næsta miðvikudag.

...
Meira

Jón Kr. Ólafsson, söngvari á Bíldudal, hélt síðastliðið sumar tónleika í sal FÍH og sagði þá vera kveðjutónleika sína, haldna í tilefni af 75 ára afmæli hans þann 22. ágúst 2015. Tónleikarnir voru kvikmyndaðir af Jens Þorsteinssyni og hefur Jón Kr. nú gefið þá út á mynddiski.

„Að þessum tónleikum komu margir góðir tónlistarmenn, hljóð færaleikarar, söngvarar, tæknimenn og allir sem gerðu sitt besta til að gera þetta að listviðburði og má ekki gleyma tónleikagestum sem voru dásamlegir og var húsfyllir, en sveitungi Jóns frá Bíldudal, Óli Þ. Guðbjartsson á Selfossi setti tónleikahátíðina,“ segir Jón Kr. í tilkynningu.

Hann bætir við að hafi lesendur áhuga á að eignast diskinn sé best að hafa samband við hann, í símum 456-2186 og 847-2542.

...
Meira

Verkfræðistofan Verkís hefur fyrir hönd Vegagerðarinnar óskað eftir heimild Ísafjarðarbæjar til að láta gera deiliskipulag við báða jarðgangamunna væntanlegra Dýrafjarðarganga. Í erindi sem tekið var fyrir á fundi skipulags- og mannvirkjanefndar bæjarins í morgun er sagt að ákveðið hafi verið að hefjast handa við gerð ganganna á næsta ári og vegna þess þurfi að koma upp aðstöðu beggja vegna ganga í Dýrafirði og Arnarfirði. Þó svo að þau mannvirki verði þar einungis tímabundið þurfi að vinna deiliskipulag sem taki mið af því að þar sé hægt að sækja um byggingarleyfi vegna aðstöðu þeirra er framkvæmdinni fylgja, svo sem fyrir verkstæði, geymslur, svefnskála, skrifstofuhúsnæði og malbikunarstöð....
Meira

Í byrjun febrúar fékk Grunnskólinn á Þingeyri frábæra og veglega gjöf frá Kvenfélaginu Von á Þingeyri. Þar sem allir nemendur eru búnir að vera duglegir að bæta sig í lestri og skólinn að skipuleggja hvert lestrarátkið eftir öðru kemur sér vel að bæta aðstöðu til lestursins og gáfu kvenfélagskonur staðarins skólanum 3 FatBoy sem eru grjónapúðar sem nýtast á marga vegu, hægt er að liggja á þeim og sitja á margan hátt allt eftir stærð einstaklinga....
Meira

Framkvæmdastjóri jarðbaðanna í Mývatnssveit, Gunnar Atli Fríðuson, skrifar grein í Moggann í dag um gjaldtöku ferðamanna. Hann segir meðal annars: „Mín tillaga er að setja upp einn háan staur með P-merki á bláum grunni við alla helstu staði eins og Gullfoss, Goðafoss, Dettifoss og fleiri. Þar væri að finna gjaldmæli sem hægt væri að borga í með korti eða aur (svo!) líkt og tíðkast í Reykjavík. Við þurfum ekki marga slíka staura um landið.“...
Meira