Fyrir nokkru talaði Þóra Arnórsdóttir í Kastljósi við erlendan sérfræðing í bankamálum, Rob Galasky, ungan mann sem bauð af sér góðan þokka. Þessi ágæti maður sagði m. a. eitthvað á þessa leið:

-Sigurvegararnir í bankmálum verða þeir sem vinna út frá viðskiptavininum.

-Sá tími getur verið skammt undan að gjaldkerinn í stúkunni í útibúinu fái hærri laun en þeir sem nú stimpla sig inn í bönkunum og hirða hæstu launin.

   Svo mörg voru þau orð og fleiri spakleg.

...
Meira

 Þann 26. júlí árið 1998 var hafist handa við að gróðursetja nokkrar beinvaxnar birkiplöntur á Álftamýri í Arnarfirði. Frúin á Hrafnseyri, Guðrún Steinþórsdóttir, systir Gunnars Álftamýrarbónda, fór með allmargar birkiplöntur úteftir og tók léttadrenginn á Eyri með sér. Elli Kjaran vinur þeirra sagði að vísu, að hann hefði aldrei farið úteftir með frú sinni hefði hann fattað hvað plönturnar voru margar! Þetta er auðvitað sjálfsagt að færa í letur. En árangurinn af þessu brölti er alveg lýgilegur....
Meira

Í fyrradag, laugardaginn 13. feb,  bauð Hálandahöfðinginn Eiríkur Eiríksson á Felli í Mýrahreppi í Dýrafirði til mikillar 75 ára afmælisveislu  á Þingeyri á hóteli sínu Sandafelli, sem áður hýsti Kaupfélag Dýrfirðinga, en faðir hans, Eiríkur Þorsteinsson, byggði það hús fyrir félagið af mikilli framsýni. 
Það var mikið fjölmenni hjá honum. Edda okkar og ýmislegt á dagskrá svo sem söngur og annað sem tilheyrir.  Kári listmálari bróðir hans á reyndar einnig afmæli sama daginn, en er nokkrum árum eldri. Við vorum með myndavélina með okkur....
Meira

Þriðja listsýningin í sýningaröðinni Questioning Arts var haldin í Simbahöllinni  á Þingeyri í fyrradag, laugardaginn 13. febrúar, undir heitinu: „Jafnvel þau orð sem sögð eru í trúnaði bergmála“. Kenndi þar ýmissa verka, meira að segja úr ritningunum og komu margir við sögu, einkum vinir okkar frá Litháen....
Meira

Nokkrir Vestfirðingar, sem búa á Suðurlandi, boða til sólarkaffis að hætti Vestfirðinga sunnudaginn 14. febrúar 2016 í Félagsheimilinu Stað á Eyrarbakka kl. 14:00 – 17:00 

Alsiða er í byggðum Vestfjarða að drekka sólarkaffi með pönnukökum þegar sólin sést aftur eftir skammdegið. Þessi siður hefur ekki verið á Suðurlandi enda sést sól þar alla daga ársins. Með þessu vilja aðfluttir  Vestfirðingar á Suðurlandi gefa sveitungum að vesta kost á að hittast í sólarkaffi og jafnframt kynna þennan góða sið fyrir Sunnlendingum og öðrum hér um slóðir.

...
Meira

Svavari Halldórssyni er margt til lista lagt. Hann er nú framkvæmdastjóri Landssambands sauðfjárbænda. Og nú er hann með vikulega þætti í sjónvarpinu um íslenska matinn til sjávar og sveita. Hann er auðvitað á heimsmælikvarða eins og okkur er tamt að nefna. Þessir þættir Svavars eru einkar skemmtilegir og fróðlegir fyrir bæði framleiðendur og neytendur.

   „Leitað er svara við ýmsum áleitnum spurningum,ferðast um landið og miðin og sýnt hvaðan maturinn okkar kemur og hvernig hann verður til. Bændur og búalið, sjómenn, kaupmenn og sérfræðingar hjálpa til við að útskýra það sem fyrir augu ber. Farið er í gróðurhús, réttir, heim á sveitabæi, í fiskvinnslur og út á sjó.“

...
Meira

Listin heldur áfram að glæða lífið bjartari ljóma á Þingeyri, en um komandi helgi verður þriðja sýningin af fjórum í sýningarröðinni Questioning Arts. Titill sýningarinnar að þessu sinni er „…Jafnvel þau orð sem sögð eru í trúnaði bergmála“ og voru verkin að mestu unnin á listavinnustofu í Litháen síðasta haust. Meginþema verkanna er fengið úr Tanak, ritningu gyðinga, sem er skammstöfun á hebreskum heitum lögmálsins (torah), ritanna og spámannanna. Listamennirnir lásu og tjáðu sýn sína á ritningunum og ljáðu þeim nýtt lífsform í verkum sínum. Aðferðir listamannanna eru fjölbreyttar og sjá má túlkun þeirra í tónverki, textaverki, video-verki, gjörningi og fatnaði. ...
Meira

Farið var á Álftamýri fyrir nokkrum dögum. 
Halldór björgunarsveitamaður Gíslason var ökumaður á sínum góða jeppa með þau Guðrúnu á Eyri og Þorbjörn bónda á Ósi innan borðs.  Þurftu þau að fara fjöruna frá Tjaldanesi út fyrir Hlaðsbót. Stórt snóflóð lokar veginum í svokölluðu Innra-Dragagili á innanverðum Baulhúsaskriðum. Auk þess er vegurinn lokaður við Dysjargil utan Auðkúlu. 
Allt var undir kontról á Álftamýri þar sem Gísli G. Ásgeirsson gerði garðinn frægan áður fyrr ásamt fleirum.  Þau hjón Bryndís Baldursdóttir, áður bankafulltrúi í Landsbankanum á Ísafirði og Gunnar Steinþórsson, rafvirkjameistari í Straumi þar í bæ, bróðir Guðrúnar, hafa endurbyggt staðarins hús, en það reisti Gísli 1905-1906. Er það nú sveitarprýði ekki síður en var á dögum Gísla. Gunnar og Bryndís búa nú í Mosfellssveit, en bjuggu áður í áratugi á Ísafirði....
Meira