Um 175 þúsund erlendir ferðamenn fóru frá landinu í september síðastliðnum samkvæmt talningum Ferðamálastofu í Flugstöð Leifs Eiríkssonar eða 52 þúsund fleiri en í september á síðasta ári. Aukningin nemur 42,5% milli ára.

Ferðamönnum heldur því áfram að fjölga en mikil aukning hefur mælst alla mánuði ársins milli ára eða 23,6% í janúar, 42,9% í febrúar, 38,1% í mars, 32,5% í apríl, 36,5% í maí, 35,8% í júní, 30,6% í júlí og 27,5% í ágúst. Heildarfjöldi ferðamanna frá áramótun er um 1,3 milljón eða 33,9% fleiri miðað við fjölda ferðamanna á tímabilinu janúar til september árið 2015.

...
Meira

Á lofti Halldórsfjóss á Hvanneyri er Bókaloftið rekið en það er góðgerðamarkaður með notaðar bækur.
Frumkvöðullinn að verkefninu og umsjónamaður þess er Ásdís B. Geirdal, tengdadóttir Dýrafjarðar, einnig þekkt sem Dísa í Lækjartúni.
Þann 17. september síðastliðinn átti Bókaloftið eins árs afmæli og af því tilefni gaf Dísa allan ágóða síðasta árs, 120.000 krónur, til Ungmennafélagsins Íslendings. Þar mun upphæðin koma í góðar þarfir og nýtast vel til uppbyggingar í frjálsum íþróttum og boltagreinum barna. „Stjórn Ungmennafélagsins vill nýta tækifærið og færa henni innilegustu þakkir fyrir þessa höfðinglegu gjöf,“ segir í tilkynningu frá Umf. Íslendingi....
Meira

Á nýlokinni helgi var leikritið Gísli á Uppsölum sýnt í Félagsheimilinu á Þingeyri og var vel setið. Því hefur verið skellt á aukasýningu á Þingeyri. Sýnt verður fimmtudaginn 6. október 2016 kl.20. Miðasala er þegar hafin og fer fram á netinu. Það er auðvelt að tryggja sér miða bara vippa sér inná heimabankann og ganga frá greiðslunni.
Reikningur: 0156 26 64
Kennitala: 640401 2650

Miðaverð: 3.500.- kr

Einnig er hægt að panta miða í síma: 891 7025 en elskurnar takið eftir við erum EKKI MEÐ POSA. 

Leikritið um Gísla á Uppsölum hefur fengið góða dóma hjá áhorfendum einsog lesa má hér:

...
Meira

Davíð Þ. Scheving Thorsteinsson læknir fæddist á Þingeyri við Dýrafjörð 5.október 1855. 
Foreldrar hans voru Þorsteinn Þorsteinsson Thorsteinsson eldri, verslunarstjóri í Ólafsvík og á Þingeyri, kaupmaður á Patreksfirði og loks bóndi í Æðey við Ísafjarðardjúp, og Hildur Guðmundsdóttir Thorsteinsson, f. Scheving, húsfreyja.

Þorsteinn var sonur Þorsteins Þórðarsonar, prests á Stað í Grunnavík, en Hildur var dóttir Guðmundar Scheving, sýslumanns á Haga á Barðaströnd.

Hálfbróðir Davíðs, samfeðra, var Jens Pétur Thorsteinsson, útgerðarmaður á Bíldudal og athafnamaður í Reykjavík og í Kaupmannahöfn, faðir Muggs.

...
Meira

Kristjana Vagnsdóttir á Þingeyri rifjað nýlega upp vísu eftir Elís Kjaran Friðfinnsson á Kjaransstöðum, sem hann orti þegar Kristjana varð tvítug.
Segja má að vísan sé nokkurs konar heilræðavísa:

Nú hefur þú séð þinni bernsku á bak

og brosað við fangbrögðum lífsins.

En það er nú vina mín tvítugra tak

að tefla í refskákum lífsins.

...
Meira

Starfsáætlun Grunnskólans á Þingeyri hefur verið uppfærð. 
Áætlunin er birt á heimasíðu skólans undir skóli (og hér meðst í fréttinni). Fræðslunefnd og skólaráð fara yfir starfsáætlun. Í starfsáætlun eru birtar stefnur og markmið skólans samkvæmt aðalnámskrá. Í starfsáætlun má einnig finna allt um skólahaldið eins og áætlanir og skólareglur. Við hvetjum foreldra og eldri nemendur til að renna yfir þetta til að vera með allt á hreinu og koma með athugasemdir ef einhverjar eru. Stefna skólans er einnig unnin útfrá skólastefnu bæjarfélagsins....
Meira

Nýlega var formlega opnaður Örnefnavefur Fronminjafélags Súgandafjarðar. 
Birkir Friðbertsson í Birkihlíð í Súgandafirði sem hefur leitt verkefnið frá upphafi hleypti kynningunni úr hlaði og flutti afar fróðlegan fyrirlestur um aðdraganda verksins og framvindu þess. Sagði hann m.a. frá því hvernig hann hefur farið í gegnum allar örnefnaskrár, kort og heimildir og rætt við staðkunnuga til að afla sem bestra upplýsinga. 
Með þessu verki er búið að koma á einn stað öllum þekktum örnefnum fjarðarins á svæðinu frá Sauðanesi til Öskubaks og frá fyrstu tíð til dagsins í dag. 
Hægt er að að fletta í opnum ljósmyndavef Ljósmyndahópur Fornminjafélagsins Á Örnefnavefnum má sjá á ljósmyndum nákvæma staðsetningu allra eða langflestra örnefna fjarðarins....
Meira

Forsetahjónin, Guðni Th. Jóhannesson og Eliza Reid, halda í opinbera heimsókn til Vesturbyggðar í dag en heimsóknin varir í tvo daga. Þetta segir í tilkynningu frá skrifstofu forseta. Þau hefja leika í fundarsal bæjarskrifstofu Vesturbyggðar á Patreksfirði og leggja svo leið sína í fyrirtæki og stofnanir á svæðinu. Að kvöldi mánudagsins verður svo haldin fjölskylduhátíð í Félagsheimilinu á Patreksfirði en þangað eru allir velkomnir. ...
Meira