Umsóknir um dvöl í íbúð fræðimanns í Kaupmannahöfn 2017

Íbúð fræðimanns í Kaupmannahöfn, samkvæmt reglum um hús Jóns Sigurðssonar, er laus til afnota tímabilið 4. janúar til 19. desember 2017. Umsóknir um íbúðina skulu hafa borist skrifstofu Alþingis eigi síðar mánudaginn 31. október næstkomandi. 
Allar nánari upplýsingar og sérstök eyðublöð er að finna á heimasíðu Jónshúss.

Fræðimenn, sem hyggjast stunda rannsóknir eða vinna að verkefnum í Kaupmannahöfn, geta sótt um afnot af íbúðinni, sem er á 4. hæð Jónshúss.

...
Meira

• Íslenskur karlakór söng í síðustu viku í stúdíóinu Abbey Road í Lundúnum 
• Stemning á óviðjafnanlegum stað 
• Alls 11 lög verða á þriðju plötu sveitarinnar, sem er væntanleg 26. nóvember
„Hugur sumra fór á flug í upptökunum og stemningin í söngnum var flæðandi og yndisleg. Minjagripir frá Bítlunum, myndir og áritanir frægra listamanna gáfu líka sterka tilfinningu um að Abbey Road væri magnaður staður,“ segir Páll Halldór Halldórsson, einn liðsmanna Fjallabræðra. Kórfélagarnir komu aðfaranótt mánudags úr einnar viku úthaldi í London, þar sem tekin voru upp ellefu lög með söng þeirra, sem gefin verða út á hljómplötu í haust.

...
Meira

Þrír Vestfirðingar/Dýrfirðingar fórust en sýslumaður Ísfirðinga, Hannes Hafstein, og tveir aðrir björguðust þegar bátur þeirra lagðist á hliðina fram af Haukadal í Dýrafirði.

Þeir voru að reyna að komast um borð í enskan togara sem var að ólöglegum veiðum á Dýrafirði. ...
Meira

Skip, ástir, öl og sjónvarp
Það var stór dagur á Flateyri Þegar tekið var á móti nýju skipi þann 27. maí 1966. Fólk mætti með gleði í hjarta og sól í sinni til að taka á móti einu glæsilegasta skipi síldveiðiflotans.
Bryggjan á Flateyri var þéttskipuð þegar Sóley ÍS 225 lagði að eftir heimferð frá Risör í Noregi hvar skipið var smíðað fyrir Kaupfélag Önfirðinga....
Meira

Einhamar Seafood í Grindavík framleiðir fersk þorsk- og ýsuflök sem eru flutt út með flugi samdægurs. Vinnslan fer fram á miklum hraða með um 400 vörunúmer á dag fyrir viðskiptavini um allan heim. Þegar hráefnið kemur inn í vinnslusalinn líða aldrei meira en fimm tímar frá körun þar til vinnslu, pökkun og útflutningi er lokið.

Nákvæmt, áreiðanlegt og auðvelt í notkun

„Áreiðanlegur og vandaður hugbúnaður sem veitir yfirsýn og stjórn á öllu ferlinu og veitir okkur ítarlega innsýn í framleiðsluna er nauðsynlegur í hröðu umhverfi sem þessu,“ segir Alda Gylfadóttir, framkvæmdastjóri Einhamar Seafood í samtali á heimasíðu Marel. „Þetta er helsta ástæða þess að við fengum Innova framleiðsluhugbúnaðinn frá Marel. Að sama skapi skiptir rekjanleikinn sem hugbúnaðurinn veitir okkur miklu máli.“

...
Meira

Uppbygging á ríflega eitt hundrað og þrjátíu ferðamannastöðum eru í forgangi strax á næsta ári í áætlun sem Sigrún Magnúsdóttir, umhverfis- og auðlindaráðherra, kynnti í gær. Alls fara á þriðja milljarð króna í verkefnið. Tólfhundruð verkefni er lúta að uppbyggingu ferðamannastaða eru á nýjum lista umhverfisráðuneytisins til verndar náttúru og menningarminjum. 
Í vor samþykkti Alþingi landsáætlun um uppbyggingu innviða til verndar náttúru og menningarsögulegum minjum. Þeim svipar til samgönguáætlunar í vegagerð það er að gerð er langtímaáætlun til tólf ára og verkefnaáætlun til þriggja ára. Lögin eru sett til að sporna við álagi af völdum ferðamennsku og útivistar. Í bráðabirgðaákvæði með lögunum er kveðið á um að leggja skuli fram áætlun fyrir næsta ár fyrir miðjan október. Búið er að kortleggja verkefnin og eru þau samtals 1200, búið er að forgangsraða þeim og ríflega 130 staðir eru í forgangi. 
Á Vestfjörðum eru þrettán staðir í forgangi. Þeir eru:...
Meira

Í Vísindaporti Háskólaseturs Vestfjarða í dag, föstudaginn 7. október 2016, mun Gísli Eiríksson, verkfræðingur og forstöðumaður jarðgangagerðar Vegagerðarinnar, fjalla um Dýrafjarðargöng og framkvæmd þeirra. Farið verður yfir rannsóknarsögu ganganna, val á staðsetningu og ferli framkvæmdanna. Áætlað er að framkvæmdir við göngin, sem tengja Dýrafjörð og Arnarfjörð, hefjist á næsta ári en útboðsferli þeirra er þegar hafið. 
Gísli mun í erindi sínu einnig fjalla um ýmsar tæknilegar útfærslur ganganna en þversnið þeirra er hið sama og Óshlíðarganganna þótt innra útlit verði eitthvað frábrugðið. Í göngunum er m.a. gert ráð fyrir háspennustrengjum Landsnets. Gísli mun einnig fara yfir öryggismál í göngunum og búnað þar að lútandi auk þess sem hann mun fjalla um gangagerð á Íslandi almennt....
Meira

Þær eru margskonar lýsingarnar sem fólk hefur látið falla um Bókakaffið á Selfossi, en það reka þau og eiga heiðurshjónin Elín Gunnlaugsdóttir tónskáld og Bjarni Harðarson, bóksali og rithöfundur. Sumir segja það besta bókakaffi í heimi, aðrir segja það vera andlega orkustöð á flatlendinu.

Bókakaffið lætur ekki mikið yfir sér en þar er afar mikla andlega næringu að finna sem og vöfflur, kökur og kaffi fyrir kroppinn. Þar er boðið upp á hina ýmsu menningarviðburði, sem eðli málsins samkvæmt eru oft tengdir bókaútgáfu, enda er bókaútgáfan Sæmundur til húsa á sama stað. Bókakaffið byrjaði fornbókasölu 2009 og nú eru um 24 þúsund titlar gamalla bóka á skrá í netbókabúð.

Bókakaffið fagnar tíu ára afmæli í dag, föstudag, og eru gestir velkomnir af því tilefni.

...
Meira