Forsíða
Hafa samband
English
A A A
  • 1950 - Árni Ásbjörn Jónsson
  • 1962 - Siggeir Stefánsson
03.10.2016 - 08:10 | bb.is,Vestfirska forlagið

Forsetahjónin til Vesturbyggðar í dag

Forsetahjónin, Guðni Th. Jóhannesson og Eliza Reid.
Forsetahjónin, Guðni Th. Jóhannesson og Eliza Reid.
Forsetahjónin, Guðni Th. Jóhannesson og Eliza Reid, halda í opinbera heimsókn til Vesturbyggðar í dag en heimsóknin varir í tvo daga. Þetta segir í tilkynningu frá skrifstofu forseta. Þau hefja leika í fundarsal bæjarskrifstofu Vesturbyggðar á Patreksfirði og leggja svo leið sína í fyrirtæki og stofnanir á svæðinu. Að kvöldi mánudagsins verður svo haldin fjölskylduhátíð í Félagsheimilinu á Patreksfirði en þangað eru allir velkomnir. 

Guðni og Eliza halda svo á morgun meðal annars í hið nýja Surtarbrandssafn á Brjánslæk þar sem Hákon Ásgeirsson landvörður tekur á móti þeim. Því næst kynna Jóhann Pétur Ágústsson bóndi og Halldóra Ragnarsdóttir á Brjánslæk forsetahjónum búskap sinn á Brjánslæk en opinberri heimsókn þeirra lýkur á Vaðli á Barðaströnd þar sem tekið verður hús á þeim Hákoni Jónssyni og Þórunni Eggertsdóttur. 

Til baka
« Desember »
S M Þ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Eldri spurningar & svör