Kolbrún Sverrisdóttir verkakona og tveir af fyrrverandi formönnum Alþýðuflokksins, Jón Baldvin Hannibalsson og Sighvatur Björgvinsson munu ræða stöðu og framtíð jafnaðarmanna á hátíðarfundi í Edinborgarhúsinu á Ísafirði í dag, laugardaginn 24. september 2016, þegar minnst verður 100 ára afmælis jafnaðarstefnunnar á Íslandi. Þremenningarnir eru öll fædd og upp alin á Ísafirði og hafa barist fyrir stefnu jafnaðarmanna í sveitarstjórn og á vettvangi landsmálanna. ...
Meira

Fyrst trjáa á Íslandi til að ná þessari hæð var rússalerki í Hallormsstaðarskógi haustið 1996 en nú í haust mældist hæsta tré landsins vera sitkagrenitré á Kirkjubæjarklaustri 27,2 m. 

Kapphlaupið á Vestfjörðum er milli sitkagrenitrés í Barmahlíð í Reykhólasveit og alaskaspar í Haukadal í Dýrafirði, nú eru þau hnífjöfn !

Í fyrradag mældi hópur sérfræðinga tréð í Barmahlíð og það er að afloknu vaxtarsumrinu 2016 19,6 metrar. Mælingin var framkvæmd af 15 starfsmönnum Landshlutaverkefna í skógrækt sem voru samankomnir á Reykhólum á dögunum.

Nokkru áður höfðu starfsmenn Skjólskóga mælt öspina í Miðbæ og nú virðist hún hafa tekið fram úr greninu og var orðin 19,7 metrar en víst má telja þau jafnhá þar sem skekkjumörk eru einhver með hornamælingum eins og notaðar voru í báðum tilfellum.

...
Meira

Torfi Halldórsson sem oft er nefndur faðir Flateyrar fæddist í Arnarnesi við Dýrafjörð þann 14. febrúar 1823 og ólst þar upp. Foreldrar hans voru Halldór Torfason, bóndi í Arnarnesi, og k.h., Svanfríður Jónsdóttir húsfreyja. Torfi, afi Torfa var sonur Mála-Snæbjarnar.

Eiginkona Torfa var María Júlíana Össurardóttir úr Súgandafirði. Meðal barna þeirra voru Guðrún, húsfreyja í Hólmum, móðir Maríu Jóhannsdóttur, móður Einars Odds Kristjánssonar alþingismanns. Sonur Torfa og Maríu var Ásgeir, faðir Haraldar sem var forstjóri Rannsóknarstofnunar byggingariðnaðarins, Ragnars læknis og Önundar, fyrrv. forstjóra OLÍS, föður Ragnars, viðskiptafræðings og fyrrv. bankastjóra.

Torfi fór ungur til sjós og var orðinn skipstjóri á þilskipinu Boga og meðeigandi Magnúsar Einarssonar á Hvilft fyrir þrítugt. Hann sigldi til Danmerkur árið 1851 og nam skipstjórnarfræði í Flensborg. Vorið eftir sigldi hann heim á eigin skútu, Lovísu, og settist að á Ísafirði.

...
Meira

 

Árshátíð Dýrfirðingafélagsins verður haldin
laugardaginn 1. október 2016  

í Stangarhyl 4, 112 Reykjavík

Húsið opnar kl. 18:00 og borðhald hefst stundvíslega kl. 19:00

Forréttur

Forréttardiskur með graflaxrós, hvítlauksristuðum humar, teriyaki lax, paté og parmaskinku

Aðalréttur

Steikarhlaðborð með glóðarsteiktu lambalæri og hunangsgljáðum kalkún, madeirakremsósu, ristuðu fersku grænmeti með basil og fersku sumarsalati með mangóchilí dressingu

Kaffi og konfekt

Hljómsveitin Hafrót spilar undir borðhaldi og leikur fyrir dansi að málsverði loknum

 

Veislustjórar eru þær Gyða Hrönn Einarsdóttir og Þuríður Steinarsdóttir

Minni Dýrafjarðar flytur Rakel Ragnarsdóttir

Mikael Tamar flytur frumsamin lög við undirleik Bjarna Kristins

Eldhúskvartettinn 28, sem þeir Steinþór Vigfús Tómasson,

Jón Júlíus Tómasson, Grétar Ingi Símonarson og Ragnar Gunnarsson skipa, syngur nokkur lög við undirleik Tómasar Jónssonar

Skemmtiatriði, happdrætti, glens og gleði !

 

Miðaverð kr. 6.900,-

Sala aðgöngumiða verður í Stangarhyl 4, fimmtudaginn 29. september kl. 17:00 – 19:00. Hægt er að taka frá sæti og borð, fyrstur kemur fyrstur fær ! Posi á svæðinu. Einnig er hægt að panta miða hjá Bergþóru í síma 578 9520 og 824 1958 og á netfangi bergtora.vals@gmail.com

 

 

 

Guðmunda Kristjana Jónsdóttir fæddist á Saurum í Keldudal í Dýrafirði 29. október 1922. Hún lést 8. september 2016. Foreldrar hennar voru hjónin Halldóra Gestsdóttir, húsfreyja á Saurum, f. 19. mars 1884, d. 6. júlí 1972, og Magnús Jón Samúelsson bóndi þar, f. 13. september 1869, d. 26. júní 1931. Systkini Guðmundu voru: Ingibjörg Andrea Jónsdóttir, húsfreyja í Fremri-Breiðadal Ön., f. 23. janúar 1918, d. 24. júní 1993, og Gestur Jónsson, bóndi í Skaftholti Gnúp., f. 7. október 1924, d. 27. janúar 2015. Uppeldissystkini Guðmundu voru Guðmundur J. Kristjánsson meinatæknir, f. 11. júní 1911, d. 23. júlí 2000, og Svanhildur Á. Sigurjónsdóttir þjónn, f. 5. maí 1927.

Dóttir Guðmundu fyrir giftingu: 1) Svala Halldóra Steingrímsdóttir, fv. starfsmaður Selfossbæjar, f. 1942, fv. maki 1, Hjörtur Sæmundsson lögreglumaður, f. 1937, fv. maki 2, Skúli Hróbjartsson vélamaður, f. 1946. Svala á fjögur börn. Faðir hennar var Steingrímur Egill Þorkelsson sjómaður, f. 27. september 1911, d. 18. apríl 1980.

Hinn 25. október 1947 giftist Guðmunda Ívari Kr. Jasonarsyni bónda og hreppstjóra á Vorsabæjarhóli, f. 5. júlí 1910, d. 30. júlí 1963. Börn þeirra eru:

...
Meira

Jafndægur eru tvisvar á ári, um 20.-21. mars og 22.-23. september. 
Tímasetningin hnikast örlítið milli ára, eftir því hvernig stendur á hlaupári. Jafndægur miðast við að þá er sólin beint yfir miðbaug jarðar. Þessi atburður er á tilteknu augnabliki innan dagsins. Um haustjafndægur eru dagur og nótt álíka löng og styttist dagurinn um 6-7 mínútur á hverjum degi....
Meira

Hjá Fisk­vinnsl­unni Íslands­sögu hf. á Suður­eyri geng­ur rekst­ur­inn ekki bara út á að veiða og snyrta fisk. Ferðaþjón­usta verður æ stærri hluti af starf­sem­inni en í sum­ar heim­sóttu um 3.300 ferðamenn fisk­vinnsl­una.

Hef­ur SFS til­nefnt Íslands­sögu til verðlauna sem veitt verða á Sjáv­ar­út­vegs­sýn­ing­unni 2016 í næstu viku. Í um­sögn SFS seg­ir að Íslands­saga hafi stuðlað að vexti og viðgangi annarra fyr­ir­tækja í nærum­hverfi sínu, meðal ann­ars með öfl­ugu sam­starfi við ferðaþjón­ustu­fyr­ir­tækið Fis­herm­an.

...
Meira

Stuttmyndin Litla stund hjá Hansa eftir leikstjórann Eyþór Jóvinsson verður sýnd á kvikmyndahátíðinni RIFF þann 29. september 2016. 
Í myndinni leika Sveinn Ólafur Gunnarsson, Helgi Björnsson, Elísabet Thea Kristjánsdóttir og bankastjóri Seðlabanka Íslands, Már Guðmundsson.

Eyþór hóf nám við Kvikmyndaskóla Íslands eftir að frumraun hans, stuttmyndin Sker, var tilnefnd sem besta stuttmyndin á Tribeca-kvikmyndahátíðinni í New York árið 2014. Eyþór, sem útskrifaðist sem arkitekt árið 2010, viðurkennir að leið hans í kvikmyndanámið sé svolítið krókótt og segir tilviljun hafa ráðið því að hann leiddist inn á þessa braut.

...
Meira