Líkt og komið hefur fram er mögulegt að Sóley ÍS 225 eignist á ný heimahöfn á Flateyri. Forsvarsmenn Dögunar á Sauðárkróki hafa lýst miklum höfðingsskap og sagt okkur mega eiga skipið.

Vinna er nú í fullum gangi að ná saman hópi manna til að veita þessari mögnuðu gjöf viðtöku. Hugmyndin er að fara með skipið aftur til upprunans og leggja því á Flateyri þar sem það gæti orðið segull fyrir ferðamenn og aukið straum þeirra í þorpið. Þá væri skipið enn á ný farið að skaffa.

...
Meira

Kvikmyndin 79 af stöðinni var frumsýnd í Háskólabíói og Austurbæjarbíói í Reykjavík þann 12. október 1962. 
Hún var gerð eftir skáldsögu Indriða G. Þorsteinssonar. Kvikmyndahandritið skrifaði Guðlaugur Rósinkrans, þjóðleikhússtjóri, frá Tröð í Önundarfirði.

Titillag kvikmyndarinnar var "Vegir liggja til allra átta" eftir Sigfús Halldórsson við texta Indriða G. Þorsteinssonar. Hin glæsilega útsetning lagsins er verk Dýrfirðingsins Jóns Sigurðssonar -bassa- fæddur að Söndum í Dýrafirði 14. mars 1932 og dáinn þann 30 apríl 2007.

...
Meira

Eftirfarandi fyrirspurn verður vonandi lögð fyrir frambjóðendur:

„Endurbygging Þingeyrarflugvallar 2006, sem er varaflugvöllur Ísfirðinga, kostaði stórfé. 
Okkur undirrituðum finnst það ein af furðum Vestfjarða að völlurinn, trúlega flottasti flugvöllur í fjórðungnum, skuli hafa verið lokaður að mestu leyti undanfarin ár. Mönnum urðu að vísu á alvarleg mistök við byggingu flugbrautarinnar. En handvammir eru bara til að leiðrétta. Hvað segja frambjóðendur um það?“

...
Meira

Pressan ehf., félag sem er í meiri­hluta­eigu Björns Inga Hrafns­sonar frá Flateyri og við­skipta­fé­laga hans, hefur til­kynnt Fjöl­miðla­nefnd um yfir­töku á sjón­varps­stöð­inni ÍNN. Þetta kemur fram í erindi sem Ingvi Hrafn Jóns­son, sjón­varps­stjóri og stofn­andi ÍNN, hefur sent nefnd­inni og Vísir greinir frá. 

Í erind­inu segir Ingvi Hrafn: „„Ástæðan er fyrst og fremst sú að und­ir­rit­aður er kom­inn á þann aldur að starfs­þrek mitt er ekki jafn mikið og áður var og auk­in­heldur hefur rekst­ur­inn verið þungur und­an­far­ið,“ og greinir í kjöl­farið frá því að hann hafi átt í við­ræðum við fyr­ir­svars­menn Pressunnar um yfir­töku félags­ins á rekstri ÍNN. „Eftir að félagið hafði verið í sölu­með­ferð varð úr að ég er nú að ganga til samn­inga við Björn Inga Hrafns­son, fjöl­miðla­mann og félag hans Press­una ehf. um að yfir­taka rekstur ÍNN. Frum­kvæðið að þeim við­ræðum er frá mér komið og ég er mjög sáttur við vænt­an­lega aðkomu hans til yfir­töku félags­ins og tel það í góðum höndum hjá hon­um.“

...
Meira

Páll Ísólfsson (12. október 1893 – 23. nóvember 1974) var íslenskt tónskáld, orgelleikari, píanóleikari, hljómsveitarstjóri og söngstjóri. Páll gegndi fjölda starfa og var einn helsti forystumaðurinn í íslenskum tónlistarmálum á 20. öld.

Páll fæddist í Símonarhúsi á Stokkseyri.

Til Reykjavíkur kom hann árið 1908 og lærði tónlist hjá Sigfúsi Einarssyni frá Eyrarbakka.

Hann lærði á orgel hjá Karl Straube í Leipzig (1913-18). Páll fór síðan til Parísar til frekara náms árið 1925 og nam þar hjá Joseph Bonnet.

Að því loknu hóf Páll störf við tónlist á Íslandi. Hann varð forystumaður í íslensku tónlistarlífi um áratugi og orgelsnillingur.

...
Meira

Á framhaldsþingi 33. þings Alþýðusambands Vestfjarða ( ASV ) þann 19. september 2016 var samþykkt tillaga að ASV yrði lagt niður og Verkalýðsfélag Vestfirðinga tæki með formlegum hætti yfir öll réttindi og allar skuldbindingar ASV. Verkalýðsfélag Vestfirðinga hefur því með formlegum hætti tekið við keflinu sem regnhlíf allra stéttarfélaga sem áður voru innan ASV. Þannig lýkur tæplega 90 ára sögu Alþýðusambands Vestfjarða, en sambandið var stofnað 20. mars 1927....
Meira

Leikferð Kómedíuleikhússins um landið með hið áhrifamikla leikrit Gísli á Uppsölum heldur áfram. Næst liggur leiðin í höfuðstað landsbyggðarinnar. Já, á Akureyri. Sýnt verður í hinni dásmlegu Hlöðu, Litla - Garði á Akureyri dagana 14. og 15. október 2016. Miðaverð er það sama góða 3.500.- kr en veittur er afsláttur fyrir hópa. Miðasala á báðar sýningarnar er þegar komin í blússandi gang. Miðasölusíminn er 891 7025. Einnig er hægt að panta með því að senda tölvupóst á komedia@komedia.is

Leikritið um Gísla á Uppsölum hefur fengið afar góð viðbrögð áhorfenda enda er hér á ferð saga sem snertir okkur öll. 

...
Meira

Í haust urðu miklar breytingar hjá Kómedíuleikhúsinu. Eftir að hafa verið búsett í listabænum Ísafirði síðan á aldamótum var flutt yfir fjörðu og fjöll og sest að í hinum sögufræga Dýrafirði. Nánar tiltekið í leiklistarþorpinu Þingeyri. Nýasta leikverk okkar Gísli á Uppsölum hefur einmitt verið sýnt tvívegis í leikhúsinu á Þingeyri. Aukasýning er komin á og verður laugardaginn 22. október kl.15. Miðasala gengur vel og stendur nú yfir í síma 891 7025. 

Margt spennandi er nú í leiklistarpípunum á Þingeyri sem er of snemmt að segja frá en Kómedíuleikhúsið hlakkar mikið til samstarfsins við heimamenn. Næsta víst að leiklistarþorpið mun bara stækka næstu misserin, tækifærin eru núna. 

...
Meira