Hin vinsæla og áhrifamikla sýning Gísli á Uppsölum verður sýnd í Þjóðleikhúsinu í janúar 2017. Fyrsta sýning í Þjóðleikhúsinu verður föstudaginn 13. janúar og eru aðeins örfá sæti laus á þá sýningu. Önnur sýning verður sunnudaginn 15. janúar kl.14. Miðasala á báðar sýningarnar fer fram á www.tix.is 

Sýningin um Gísla á Uppsölum hefur fengið frábærar viðtökur og var nú síðast á uppseldri senu á Selfossi. Leikurinn hefur nú þegar verið sýndur um 20 sinnum hér og þar um landið. Frumsýnt var á söguslóðum í Selárdal í lok september. Eftir það hefur leikurinn m.a. verið sýndur á Þingeyri, Hvammstanga, Ísafirði, Patreksfirði, Akureyri og Bolungarvik. 

Áhorfendur hafa orðið og hafa þeir m.a. þetta hér að segja um leiksýninguna Gísli á Uppsölum:

...
Meira

Undanfarið hafa menn verið í eftirleitum í Vestfirsku Ölpunum líkt og Fjalla-Bensi á sinni tíð. Hefur gengið þar á ýmsu. Allt bendir þó til að ekki verði margar útigöngukindur á fjöllum á því svæði í vetur. Smalarnir  hafa staðið sig vel að vanda þó ekki séu allar ferðir til fjár. Og skal rifjað upp í því sambandi það sem Þórarinn Sighvatsson, bóndi og almannaspekingur á Höfða í Mýrahreppi sagði sem frægt var um einn háfjalla og heiðurssmala:
„Það er ekki nóg að geta hlaupið ef vitið vantar.“
Það var verið að fara yfir þetta svið sem önnur í spekingadeildinni í sundlauginni á Þingeyri fyrir skemmstu. Kom þar fram að menn hefðu smalað jafnvel hlíðar Kaldbaks, Veturlandafjall, Efri- og Neðri Skeggja, Lokinhamradal, Dalsdal  og Svalvogahlíð eins og hún leggur sig, hlíðar  Helgafells og Arnarnúps,  ásamt  meira og minna ýmsum  hlíðum og dölum. ...
Meira

Það er kominn vetur, jólin nálgast. Það er von á heimilisföðurnum úr kaupstaðnum. Það gengur á með kafaldsbyljum. Klettaslóðin er hál og glæfraleg, eitt ógætilegt spor gat orðið afdrifaríkt, göngumaðurinn finnur að það er æðri hönd sem leiðir hann og gefur honum kjark og áræði að halda ótrauður áfram ferð sinni. Já, jólin eru í nánd og allir á heimilinu bíða eftir að pabbi komi. Allt í einu heyrist rjálað við útihurðina, það er brugðist fljótt við og hún opnuð; hvílík gleði – pabbi er kominn – móðirinn þakkar Guði og börnin ljóma af gleði og tilhlökkun.“ Svo segir í frásögn sem Sveinn Mósesson ritaðu um æskuár sín eftir að hann var kominn á efri ár....
Meira

Karlakórinn Ernir hélt þrenna tónleika í upphafi aðventunnar. Þeir voru á Ísafrði, í Bolungavík og á þingeyri. 

Á þingeyri var fullt hús og tónleikarnir ákaflega vel heppnaðir. Var kórnum vel fagnað af áhorfendum. 

Myndirnar tók Davíð Davíðsson....
Meira

Fyrir all löngu hittum  við Kristján Ottósson frá Svalvogum, fyrrum forseta Lagnasambands Íslands og framkvæmdastjóra og báðum hann að segja okkur frá Kúlubardaganum mikla eins og hann minnist hans eftir allan þennan tíma.

   “Já, við vorum þarna hjónin, boðið í afmælið hjá Garðari Waage, sem þá var í fullu fjöri, eins og fleirum. Það stóð nú víst aldrei til að halda þetta ball og veit ég nú eiginlega ekki hvernig það orsakaðist. En hvað um það. Þarna safnaðist saman mikill mannfjöldi, meðal annars úr Mjólkárvirkjun. Harmonikuleikari var nábúi okkar úr Reykjavík, snaggaralegur strákur, en nafn hans man ég ekki lengur. Hann vann í virkjuninni. Er nú skemmst frá því að segja að á miðju balli hoppar Gunnlaugur á Tjaldanesi upp og lemur bylmingshögg í þilið að innanverðu í salnum, svo dundi í öllu húsinu. Garðar stóð þar hjá honum og hefur þetta sennilega átt að æsa afmælisbarnið eitthvað upp. Það brá öllum við þetta. Harmonikuleikarinn fór upp á stólinn sem hann sat á og spilaði þar standandi svo ballið hætti ekkert. Svo barst þetta út fyrir dyrnar og veit ég nú ekki hvað þar varð í upphafi, nema ég fór út ásamt konunni, sem var orðin óttaslegin og vildi ekki sleppa mér neitt. Þá var búið að rota Gunnar Sigurðsson meistara og sumir sögðu að augað á bróður hans, Jóni Sigurðssyni ref, væri komið út á kinn. Við heyrðum að Gunnlaugi bónda var hótað í gríð og erg og sleginn um hann hringur. Hann yrði drepinn, ef ekki núna, þá bara seinna.

   Jón refur kallaði og það oftar en einu sinni ef ég man rétt:

   “Við drepum hann þegar hann kemur á dýrfirska grund.”

...
Meira

Aðalfundur Stofnunar Rögnvaldar verður haldinn í kvöld, mánudaginn 12. desember 2016,  í Rögnvaldarsal á 2. hæð í Edinborgarhúsinu. 
Á dagskrá fundarins, sem hefst kl. 20, eru venjulega aðalfundarstörf.
Auk þess kynnt verður nýútkomin bók Björns G Björnssonar sem ber heitið -FYRSTI ARKITEKTINN- og fjallar um ævi og störf Dýrfirðingsins Rögnvaldar Á Ólafssonar. 
Einnig mun Jóna Símonía Bjarnadóttir sagnfræðingur segja frá bókinni -AF NORSKUM RÓTUM- sem út kom fyrir nokkrum árum og kynntur verður undirbúningur að sumarskóla í vistvænum arkitektúr sem stofnunin stendur fyrir. 
Boðið verður uppá kaffi og meðlæti sem hæfir aðventunni og jólaglögg fyrir þá sem það vilja. Allir eru velkomnir á meðan húsrúm leyfir!...
Meira

Bókin Átthagar – Ísfirðingar margra landa segja frá- eftir Herdísi M. Hubner, sem Vestfirska forlagið gefur út, er söluhæst í jólabókaflóðinu í Pennanum Eymundsson á Ísafirði. Steingrímur Rúnar Guðmundsson verslunarstjóri segir jólabókaflóðið hafa verið snemma á ferðinni í ár, bóksala hafa farið vel af stað og titlarnir margir: „Miðað við plássið sem við höfum, þá erum við svolítið að drukkna í titlum. Held samt að titlar séu svipað margir í ár. Bara dreifist öðruvísi. Til dæmis miklu fleiri skáldsögur og eilítið færri barnabækur. Svo er mikið af nýjum höfundum að gefa út og margir sem gefa út sjálfir. 
Ég upplifi meiri sölu núna en í fyrra. En kannski á þetta eftir að jafnast út. Fólk kannski fyrr á ferðinni að versla, enda erum við með mjög góð verð í gangi á bókum. Það eru endalaus tilboð í gangi.“ 
Steingrímur segir ekki endilega vera fylgni á milli þess hvaða titlar séu söluhæstir bæði í bókum og tónlist, á Ísafirði og í öðrum verslunum Pennans Eymundssonar: „Vestfirskir titlar í bókum og tónlist eru alltaf í efstu sætum hjá okkur hérna við Silfurtorgið.“ 
Í yfirstandandi jólabókaflóði má sjá tvo titla sem tengjast svæðinu beint í efstu þremur sætunum:...
Meira

Bækurnar að vestan eru hvorki stórkostlegar, æðislegar, einstakar, meistarverk, ógleymanlegar né töfrandi. En við teljum af vestfirskri hógværð að þær leyni á sér!

   Við höfum nú gefið út á fjórða hundrað bækur um Vestfirði og Vestfirðinga. Sumir fræðimenn telja að þetta sé einhver umsvifamesta bókaútgáfa hjá einu forlagi utan höfuðborgarsvæðisins frá upphafi byggðar í landinu!
Hvað heldur þú?

Vestfjarðabækurnar fást í bókaverslunum um land allt!

...
Meira