Rúm hálf millj­ón króna safnaðist á fjór­um dög­um í söfn­un sem Björg­un­ar­sveit­in Sæ­björg á Flat­eyri efndi til meðal Flat­eyr­inga vegna ham­far­anna á Græn­landi. Söfn­un­ar­féð var af­hent á Flat­eyri í gær. 
Björg­un­ar­sveit­in Sæ­björg efndi til söfn­un­ar í þágu íbúa Nu­uga­atsiaq síðastliðinn miðviku­dag en með henni vildu Flat­eyr­ing­ar end­ur­gjalda þann stuðning sem Græn­lend­ing­ar sýndu þeim í kjöl­far snjóflóðsins árið 1995.
„Græn­lend­ing­ar studdu dyggi­lega við bakið á okk­ur og okk­ar sam­fé­lagi í kjöl­far snjóflóðsins árið 1995 og var sá stuðning­ur ómet­an­leg­ur,“ sagði í til­kynn­ingu frá björg­un­ar­sveit­inni í síðustu viku.
...
Meira

Þingeyrarakademían samþykkti 3. júlí 2017 eftirfarandi ályktun:

Afturvirkar launahækkanir í eingreiðslum til æðstu embættismanna um milljónir króna koma eins og skrattinn úr sauðarleggnum öðru hvoru. Þær eru eins og blaut tuska framan í launamenn, einkum þá sem lægstu hafa launin. Aldrei hafa menn heyrt talað um afturvirkar launahækkanir neðanfrá. Það er ekki hægt annað en leggja til að lög um kjararáð, sem stendur fyrir þessum ósköpum, verði afnumin við fyrsta tækifæri. Núverandi kerfi er öllum til skammar.  

   Þingeyrarakademían leyfir sér að benda á að semja ætti um laun allra ríkisstarfsmanna á einu bretti framvegis. Happa- og glappaaðferðir ganga ekki í launamálum

...
Meira

Í hlíðinni fyrir ofan Sólheima á Brekkudal í Dýrafirði gat að líta nývirki nokkurt í gær. 
Eins og myndin sýnir, er búið að rífa upp mosann á stóru svæði á þessum slóðum. Hver meiningin er með því er svo ekki gott að segja. En það er líklega mávurinn sem þarna á hlut að máli. Stundum kemur hann í stórum hópum í hlíðarnar hér vestra og dvelur þar um stund. Sumir segja að það bendi til vestanáttar og vætu. 
En hvað þetta mosarifrildi á að merkja hjá honum vitum vér ekki svo gjörla. Þetta hefur verið mikil vinna, því þarna er að jafnaði iðjagræn hlíð að sjá á sumrum....
Meira

Hlut­fall Vest­fjarða af íbúa­fjölda lands­ins hef­ur lækkað úr 7,8% árið 1950 í 2% á þessu ári. Þá hef­ur hlut­fall Norður­lands vestra af íbúa­fjöld­an­um lækkað úr 7,2% 1950 í 2,1% árið 2017.

Með sama áfram­haldi verður hlut­deild beggja lands­hluta kom­in und­ir 2% á næstu árum. Þetta má lesa úr töl­um Hag­stof­unn­ar, sem tekn­ar voru sam­an að beiðni Morg­un­blaðsins.

...
Meira

Þegar byrjað var að sprengja Vestfjarðagöngin undir Breiðadals- og Botnsheiðar var fyrst sprengt með viðhöfn þar sem gangamunninn er í Tungudal. Mættu þar nokkur útvalin stórmenni, þar á meðal þáverandi samgönguráðherra, Halldór Blöndal, sem átti að snúa sprengihandfanginu.
Einnig voru þar menn frá Vegagerðinni, meðal annarra þeir Björn Harðarson staðarverkfræðingur og Björgvin Guðjónsson jarðfræðingur....
Meira

Reykvíkingar ættu að fækka bílum um helming. Þetta er niðurstaða 72 ára gamals kúabónda sem býr austur á Héraði en hann kom í fyrsta skipti til höfuðborgarinnar á þriðjudag, sá nánast ekkert fólk heldur eintóma bíla.

Á þriðjudaginn var gerðist merkisviðburður í lífi Guðmundar Ármannssonar, kúabónda á Vaði í Skriðdal. Eftir morgunmjaltir stökk hann upp í flugvél á Egilsstöðum og fór til Reykjavíkur og heim aftur um kvöldið. Guðmundur er 72 ára síðan október í fyrra og hafði aldrei komið nær höfuðborginni en á Skálafellsjökul en það var á snjósleða fyrir um 20 árum.

Beljuhalinn örlagavaldur

...
Meira

Hafliði Þórður Magnússon, rithöfundur frá Bíldudal, fæddist 16. júlí 1935 í Hergilsey á Breiðafirði. Hann lést 25. júní 2011 á heimili sínu á Selfossi.

Foreldrar hans voru Bentína Kristín Jónsdóttir og Magnús Einarsson. 
Eftirlifandi sambýliskona Hafliða er Eva Þórarinsdóttir frá Suðureyri, foreldrar hennar voru Þórarinn Brynjólfsson og Guðrún Markúsdóttir. 
Systkini Hafliða: sammæðra Elísabet Matthildur Árnadóttir, f. 1924. Alsystkini: Sigríður, f. 1927, Óskar, f. 1933, d. 2010, tvíburasystir Hafliða, Guðlaug Ásta, f. 1935, d. 2007, Ásdís Guðrún, f. 1940, d. 1996.

Hafliði eignaðist tvær dætur, Björk og Sóldögg. Eiginmaður Bjarkar er Magnús B. Óskarsson, börn þeirra eru Soffía Karen og Óskar. Eiginmaður Sóldaggar er Jonatan Hertel, þeirra börn eru Dagur Nikolaj, Apríl Sól og Nína Björk. Eva á tvær dætur, Jónu Vigdísi, eiginmaður hennar er Sigþór Þórarinsson, þau eiga sex syni, og Unu Rós, fyrrverandi eiginmaður hennar er Pétur Einarsson, þau eiga fjögur börn.

...
Meira

Jóhannes Ólafsson fæddist í Haukadal við Dýrafjörð 2. júlí 1859. Foreldrar hans voru Ólafur Jónsson, f. 11.6. 1819, d. 31.12. 1899, bóndi þar, og k.h. Ingibjörg Jónsdóttir, f. 16.5. 1823, d. 24.6. 1911 húsfreyja, dóttir Jóns Bjarnasonar í Stapadal. Jóhannes átti átta systkini og var nafnkunnast þeirra Matthías Ólafsson alþingismaður.

Eiginkona Jóhannesar var Helga Samsonardóttir, f. 18.11. 1856, d. 13.5. 1949, húsfreyja. Foreldrar hennar voru Samson Samsonarson, trésmiður og hreppstjóri á Brekku í Dýrafirði, og k.h. Ósk Gunnarsdóttir. Börn Jóhannesar og Helgu: Sigurður, Gunnar Andrew, Fríða, Leifur, Óskar og Ingibjörg Ólöf, sem lést ung. Gunnar var kennari á Ísafirði en hin systkinin bjuggu á Þingeyri.

Jóhannes nam trésmíði 1880-1882, var trésmiður á Ísafirði 1882-1883, í Haukadal í Dýrafirði 1883-1887 og á Þingeyri frá 1887 til æviloka. Hann var einnig póstafgreiðslumaður á Þingeyri frá 1898 til æviloka og gjaldkeri sparisjóðsins á Þingeyri frá stofnun hans 1896 til æviloka.

...
Meira