A A A
  • 1935 - Soffía Einarsdóttir
Frá vorkaffi Dýrfirðingafélagsins 2007
Frá vorkaffi Dýrfirðingafélagsins 2007
Því miður hafa undirtektir vegna fyrirhugaðrar árshátíðar Dýrfirðingafélagsins 18. október n.k. verið mjög dræmar. Þeir sem ætla sér að mæta á árshátíðina en hafa ekki enn pantað miða eru beðnir að hafa samband við Hönnu Jónu Ástvaldsdóttur í síma 567-6323, netfang hja@visir.is eða Bergþóru Valsdóttur í síma 824-1958, bergtora.vals@gmail.com í síðasta lagi miðvikudaginn 15. október. Nánari upplýsingar um árshátíðina má sjá hér.
Þingeyrin fagra. Myndina tók Davíð Davíðsson
Þingeyrin fagra. Myndina tók Davíð Davíðsson
Á vefsíðu The Wall Street Journal má finna grein eftir Pulitzer verðlaunahafinn Charles Forelle sem ber yfirskriftina As Banking 'Fairy Tale' Ends, Iceland Looks Back to the Sea. Í greininni ræðir hann við dýrfirsku feðgana Davíð Kristjánsson og Kristján Davíðsson um yfirtöku ríkisins á þremur stærstu bönkum landsins og þörf íslensku þjóðarinnar til að snúa sér að náttúruauðlindunum. Kristján Davíðsson hóf störf hjá Glitni árið 2001, eftir 20 ár í sjávarútvegi. Eftir yfirtöku ríkisins á Glitni í síðustu viku var hann boðaður á neyðarfund ásamt öðru starfsfólki og var í grundvallaratriðum sagt að leita sér að annarri vinnu. Nú segir hann að allt útlit sé fyrir að hann snúi sér að sjávarútvegi aftur. Sú staðreynd gæti átt við þjóðina alla....
Meira
12.10.2008 - 23:35 | JÓH

Sigmundarbúð að koma í ljós

Október 2008.
Október 2008.
« 1 af 4 »
Endurbætur á Sigmundarbúð hafa staðið yfir á þriðja ár en húsið er nú óðara að taka á sig fegurri mynd. Eigandi hússins, Wouter Van Hoeymissen, hefur sjálfur unnið að endurbótunum og á hrós skilið fyrir frábært framtak. Sigmundur Þórðarson tók myndir þann 8. október eftir að stillansarnir, eða vinnupallarnir, voru teknir utan af húsinu.
08.10.2008 - 23:42 | Tilkynning

Árshátíð Dýrfirðingafélagsins 18. október

Vetrarstarf Dýrfirðingafélagsins hefst formlega með árshátíðinni okkar þann 18. október nk. Árshátíðin hefur verið einn af föstum dagskrárliðum félagsins í gegnum árin. Í fyrra svöruðu félagsmenn, vinir og vandamenn, kallinu, fjölmenntu á árshátiðina og gáfu skýr skilaboð um áhuga sinn. Skemmtinefnd félagsins hefur verið að störfum og hefur mikla trú á að Dýrfirðingar hristi af sér efnahagsáhyggjudrungann og skundi í Fóstbræðraheimilið til að eiga þar glaða stund með vinum og ættingjum. Ekki veitir okkur af samveru með góðu og glaðværu fólk á erfiðum tímum. Þar eru auðvitað engir betri en Dýrfirðingar!...
Meira
07.10.2008 - 23:45 | Tilkynning

Hjónaball 2008

Félagsheimilið á Þingeyri
Félagsheimilið á Þingeyri
Hjónaballið verður haldið í 74. sinn þann 8. nóvember næstkomandi í Félagsheimilinu á Þingeyri. Jóhannes Oddur mun sjá um kræsingarnar og hinn síkáti Benedikt Sigurðsson, sundþjálfari frá Bolungarvík, mun sjá um veislustjórn. Eftir borðhald mun hljómsveitin Safngripirnir spila fyrir dansi. Gengið verður að venju í hús og skráningar teknar niður. Einnig er hægt að skrá sig hjá Elsu Maríu elsamaria@snerpa.is og Ernu erh9@hi.is. Nánari dagskrá verður auglýst síðar.

 

29.09.2008 - 23:52 | visir.is

Úrskurðurinn sagður áfall

Horft ofan í Þorskafjörð. Mynd: visir.is
Horft ofan í Þorskafjörð. Mynd: visir.is
Dómsúrskurður sem kveðinn var upp á föstudag, þar sem nýrri veglínu Vestfjarðavegar um þrjá firði var hafnað, er feiknarlegt áfall, að mati forseta bæjarstjórnar Vesturbyggðar, sem hvetur til áfrýjunar. Talsmaður landeigenda mælist hins vegar til þess að hætt verði við vegagerðina. Vegagerðin hugðist bjóða verkið út um næstu áramót en þetta er lengsti og erfiðasti kaflinn á leiðinni milli Patreksfjarðar og Reykjavíkur sem eftir er að byggja upp og malbika. Eigendur eyðijarða við utanverðan Þorskafjörð með stuðningi náttúruverndarsamtaka hafa barist hart gegn nýrri veglínu, einkum með þeim rökum að verja þurfi Teigsskóg, mesta skóglendi Vestfjarða....
Meira
29.09.2008 - 23:50 | bb.is

Laufás vottaður sem heilsuleikskóli

Leikskólinn Laufás hefur verið formlega vottaður sem Heilsuleikskóli. Mynd: leikskolinn.is/laufas.
Leikskólinn Laufás hefur verið formlega vottaður sem Heilsuleikskóli. Mynd: leikskolinn.is/laufas.
Leikskólinn Laufás var formlega vottaður sem heilsuleikskóli í morgun. Markmið heilsuleikskóla er að stuðla að heilsueflingu leikskólasamfélagsins með áherslu á næringu, hreyfingu og listsköpun í leik. Efnt var til blöðruhlaups, sem er skólahlaup, og var elstu nemendum í leikskólum sveitarfélagsins og nágrenni, boðið að koma og taka þátt. Heilsuefling í skólum byrjaði 1994 sem samstarfsverkefni heilbrigðisráðuneytisins og Landlæknisembættisins við skóla á öllum skólastigum. Evrópuverkefni heilsuskóla hófst 1999 og lauk 2002 og voru 4 skólar og heilsugæslan í Kópavogi þátttakendur. Afrakstur Evrópuverkefnisins var viðmið fyrir leik-, grunn- og framhaldsskóla þar sem fram koma markmið heilsueflingar í skólum og þau grundvallarviðmið sem heilsuskólar eiga að starfa út frá....
Meira
Útibú Sparisjóðs Keflavíkur á Ísafirði, þar var einum starfsmanni sagt upp. Mynd: bb.is
Útibú Sparisjóðs Keflavíkur á Ísafirði, þar var einum starfsmanni sagt upp. Mynd: bb.is
Jón Bjarnason þingmaður Norðvesturkjördæmis segir það vera eftir bókinni að þegar stjórnun og ábyrgð færist úr héraði til manna sem búa í fjarlægum landshlutum er fyrst gengið á þá sem fjærst búa. Þetta segir hann á bloggsíðu sinni í kjölfar uppsagna Sparisjóðs Keflavíkur á Vestfjörðum. „Ekki veit ég hvað það starfsfólk hefur í laun sem hér er verið að segja upp, en varla hefur það sett sparisjóðinn á slig. Hinsvegar munar um hvert starf á Vestfjörðum og þjónustustigið skiptir miklu máli. [...] Komið hefur fram í fréttum að tap sparisjóðsins hafi verið 10,6 milljarða króna á fyrstu 6 mánuðum ársins sem er geigvænlegt og hlýtur að krefjast nánari skýringa. Athygli vekur að með skýringum við árshluta uppgjör kemur einnig fram að lán Sparisjóðs Keflavíkur til stjórnarmanna og fyrirtækja þeim tengdum hefur farið úr 194 milljónum króna um síðustu árámót í 1,6 milljarða króna sex mánuðum síðar", segir á bloggsíðu Jóns....
Meira
Eldri færslur
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31