Á vefsíðu The Wall Street Journal má finna grein eftir Pulitzer verðlaunahafinn Charles Forelle sem ber yfirskriftina As Banking 'Fairy Tale' Ends, Iceland Looks Back to the Sea. Í greininni ræðir hann við dýrfirsku feðgana Davíð Kristjánsson og Kristján Davíðsson um yfirtöku ríkisins á þremur stærstu bönkum landsins og þörf íslensku þjóðarinnar til að snúa sér að náttúruauðlindunum. Kristján Davíðsson hóf störf hjá Glitni árið 2001, eftir 20 ár í sjávarútvegi. Eftir yfirtöku ríkisins á Glitni í síðustu viku var hann boðaður á neyðarfund ásamt öðru starfsfólki og var í grundvallaratriðum sagt að leita sér að annarri vinnu. Nú segir hann að allt útlit sé fyrir að hann snúi sér að sjávarútvegi aftur. Sú staðreynd gæti átt við þjóðina alla.

 

Forelle, höfundur greinarinnar, segir að frá því að einkavæðing bankanna hófst hafi Íslendingar lifað í góðæri. Þeim til óvæntrar ánægju hafi þeir orðið einhverjir af auðugustu einstaklingum heims. Margir urðu miljónamæringar, sumir miljarðamæringar. En á fáum árum hafa þrír stærstu bankar landsins orðið mjög skuldsettir. Nú verði Íslendingar hins vegar að leita til sjávar og sveita, þar sé auðurinn.

 

Greinina má lesa í heild sinni hér