Árshátíð Dýrfirðingafélagsins 10. október á Broadway (Ásbyrgi), Ármúla 9

Húsið opnar kl. 19:00
Borðhald hefst stundvíslega kl. 20:00

Í ár verður matseðillinn á þessa leið:
Forréttur: Rjómalöguð súpa og brauð
Aðalréttur: Lambalæri með kryddjurta- og lambagljáa, kjúklingabitar og léttreykt svínakjöt, bakaðar kartöflur, kartöflubátar,ferskt salat, rauðkál, blandað grænmeti, rauðvíns- og rjómasósa
Eftirréttur: Kaffi og konfekt...
Meira

Sjö umsóknir bárust um stöðu skólastjóra Grunnskólans á Þingeyri að sögn Kristínar Óskar Jónasdóttur, grunnskólafulltrúa Ísafjarðarbæjar. Þrjár umsóknir bárust áður en fyrri umsóknarfresturinn rann út en síðan bættust fjórar við þegar umsóknarfresturinn var framlengdur. „Umsækjendur verða teknir í viðtal næstu daga og ákvörðun um ráðningu ætti að liggja fyrir í næstu viku," segir Kristín Ósk

Hjónaballið verður haldið í 75. sinn þann 7. nóvember næstkomandi í Félagsheimilinu á Þingeyri. Jóhannes Oddur mun sjá um kræsingarnar.

Gengið verður að venju í hús og skráningar teknar niður.

Nánari dagskrá verður auglýst síðar.
Með kveðju,
Nefndin

Fræðslunefnd Ísafjarðarbæjar hefur lagt til að stefnt skuli að sameiningu leik- og grunnskóla á Þingeyri með vorinu og að undirbúningur að því verki hefjist hið fyrsta. Á fundi fræðslunefndar á dögunum var lagt fram minnisblað leik- og grunnskólafulltrúa sveitarfélagsins um samrekstur leik- og grunnskóla á Þingeyri en í nýjum lögum er nú heimild til að samreka þessi tvö skólastig. Fræðslunefnd Ísafjarðarbæjar telur ekki tímabært að hrinda af stað sem stendur sameiningarferli um rekstur, þar sem ekki liggja fyrir neinar starfslýsingar, undirbúningur starfsfólks er enginn og aðdragandi að sameiningu of skammur.

„Horfurnar fyrir veturinn eru alveg óbreyttar frá því sem þær hafa verið undanfarin ár. Það hefur alltaf verið fremur erfitt á haustin. Þetta fer bara eftir því hvernig okkur gengur að fá fisk fyrir haustið. Þetta hefur að vísu farið heldur stopulla af stað en efni stóðu til eftir sumarfrí", segir Pétur H. Pálsson, framkvæmdastjóri Vísis hf. í Grindavík, sem rekur fiskvinnslu á Þingeyri. „Að öðru leyti hefur ekkert breyst frá því að við hófum vinnslu á Þingeyri fyrir áratug og þar verður unnið með hefðbundnum hætti í allan vetur", segir Pétur. Starfsmenn vinnslunnar á Þingeyri eru núna um 25 en hafa yfirleitt verið á bilinu 25-35 eftir því hvað hefur verið að gera....
Meira

Nú eru að hefjast innanhús æfingar í krakkablaki og knattspyrnu.

Æfingar verða sem hér segir:

Knattspyrna
Mánudaga og miðvikudaga frá 16:10 - 18:40
3-6 bekkur frá 16:10 - 17:25
7-10 bekkur frá 17:25 - 18:40

Krakkablak
Þriðjudaga og fimmtudaga frá 16:10 - 17:45
5-10 bekkur frá 16:10 - 17:00
1-4 bekkur frá 17:00 - 17:45...
Meira

Möguleikhúsið verður á ferð um vestfirði dagana 14. - 17 september með
barnaleikritið Alli Nalli og tunglið.

Boðið verður upp á almennar sýningar í Kaffi Galdri, Hólmavík mánudaginn 14. september kl. 17:30, Hömrum, Ísafirði þriðjudaginn 15. september kl. 17:30 og í félagsheimili Þingeyrar miðvikudaginn 16. september kl. 17:30. Miðaverð er kr. 1.500...
Meira

Kennsla hefst innan tíðar í útibúi Tónlistarskóla Ísafjarðar á Þingeyri en nokkur óvissa hefur ríkt um tónlistarkennsluna eftir að ljóst varð að hjónin Krista og Raivo Sildoja yrðu í leyfi erlendis til áramóta. Nú hefur hinn fjölhæfi tónlistarkennari Lech Szyszko verið ráðinn til að fara vikulega á miðvikudögum til Þingeyrar og kenna þeim sem áhuga hafa fram að jólum. Boðið er upp á kennslu á gítar, píanó, blokkflautu, þverflautu og jafnvel fleiri blásturshljóðfæri. Einnig geta nemendur sótt kennslu á til Ísafjarðar ef þeir óska þess....
Meira