Undirbúningur jarðgangagerðar milli Arnarfjarðar og Dýrafjarðar miðast við það að hægt verði að bjóða verkið út árið 2010. „Í samgönguáætlun er gert ráð fyrir að göng verði gerð á milli Arnarfjarðar og Dýrafjarðar á árunum 2011-2014. Ríkisstjórn Íslands lýsti því yfir árið 2007, er hún kynnti svonefndar mótvægisaðgerðir vegna minni þorskkvóta, að flýta ætti jarðgangagerðinni þannig að hægt væri að taka göngin í notkun árið 2012. Þessar yfirlýsingar kunna að vera úreltar vegna efnahagsástands, en ákveðið hefur verið að halda áfram með hönnun og undirbúning", segir í frummatsskýrslu um göngin sem Vegagerðin hefur sent Skipulagsstofnun til athugunar. „Tilgangur framkvæmdarinnar er að tryggja góðar og öruggar samgöngur á Vestfjarðavegi nr. 60 á milli Arnarfjarðar og Dýrafjarðar. Það er skilyrði þess að aðalmarkmiðið náist, sem er heilsárs vegarsamband á milli Barðastrandarsýslna og Ísafjarðarsýslna", segir í skýrslunni....
Meira

Út er komin hjá Máli og menningu skáldsagan Auður eftir Þingeyringinn Vilborgu Davíðsdóttur. Auður sú er um ræðir er landnámskonan Auður djúpúðga Ketilsdóttir,ættmóðir Laxdæla, sem nam land í Dölum og bjó í Hvammi. Í káputexta bókarinnar segir: „AUÐUR, dóttir víkingahöfðingjans Ketils flatnefs, vex upp á Suðureyjum, ættstór og skapheit. Allt hennar fólk er heiðið en þegar hún kynnist Gilla munki laðast hún bæði að honum og boðskap hans um Hvítakrist. Fullveðja er Auður gefin Ólafi hvíta, konungi yfir Dyflinni á Írlandi. Samband þeirra er heitt en stormasamt og vináttan við Gilla verður henni dýrkeypt.“

Vilborg hefur áður sent frá sér sex sögulegar skáldsögur og var síðasta skáldsaga hennar, Hrafninn, tilnefnd til íslensku bókmenntaverðlaunanna árið 2006.

fridrika@bb.is

75. Hjónaballið verður haldið í félagsheimilinu á Þingeyri
Laugardaginn 7. Nóvember

Húsið opnar 19:30
Borðhald hefst 20:00

Jóhannes Oddur mun sjá um að fylla hlaðborðið af kræsingum.
Veislustjóri verður Sigþór Gunnarsson.
Að loknu borðhaldi munu hinir stórskemmtilegu
Bjarni og Stebbi
frá Hólmavík leika fyrir dansi fram á nótt

Miðaverð verður 6500,- kr. fyrir borðhald og ball
Miðaverð fyrir borðhald 4500,- kr.
Miðaverð fyrir ball 2500,- kr.
Forsala aðgöngumiða verður í Félagsheimilinu laugardaginn 7. Nóv.
Milli klukkan 14:00 og 16:00

Aldurstakmark 18 ár

Gengið verður í hús og þátttaka skráð 29.-30. okt. Áhugasamir utan Dýrafjarðar geta
hringt í Guðrúnu Hreinsdóttur í 866 1408 til að skrá sig.

Mætum öll og skemmtum okkur saman!
Nefndin

Mánudaginn 26. október n.k. kl. 20-22 verður Foreldrafjör í félagsmiðstöðinni á Þingeyri. Þá er foreldrum - eða eldri systkinum - boðið að mæta með unglingum úr 7.-10. bekk í félagsmiðstöðina og taka þátt í því sem þar fer fram. Þetta kvöld verður skorað á foreldrana í Singstar, Pictionary og billiard. Við hvetjum sem flesta til að mæta!...
Meira

Undanfarnar vikur hefur Orkubú Vestfjarða verið með menn á sínum snærum við vinnu hér á þingeyri, bæði verktaka og menn frá eigin fyrirtæki við lagningu nýs háspennustrengs. Ástæða þessa er að strengurinn sem fyrir er er um það bil 50 ára gamall og því mikil hætta á bilunum, sem hefur reyndar gerst....
Meira

Á milli 9 og 10 í fyrramálið ætla félagar í Óbyggðaferðum að taka á móti Dýrfirðingum fyrir utan gistiheimilið Við fjörðinn. Félagarnir lögðu af stað frá Reykjavík í dag og ætlunin er að ferðast um Vestfirði næstu þrjá daga á fjórhjólum. Hópurinn ætlar að gista á Þingeyri í nótt og vilja bjóða áhugamönnum um ferðalög og fjórhjól að hitta sig og skoða hjólin fyrir utan gistiheimilið áður en lengra er haldið. Hægt er að skoða myndir og fleira á heimasíðu Óbyggðaferða

Ætlunin er að mæður í Dýrafirði hittist einu sinni í viku, á miðvikudagsmorgnum kl. 10:30 á Tjörn með börnin sín (þar sem félagsstarf aldraðra er með aðstöðu). Þær mæður sem eiga börn fædd árið 2009 hafa hist einu sinni áður í heimahúsi og tókst það vel til að ákveðið var að gera þetta að reglulegum viðburði. Í hópnum eru 8 börn - þar af eitt ófætt. Það skal tekið fram að allar mömmur eru velkomnar - sem og pabbarnir.

Veðurfarslegar aðstæður valda því að ekki er hægt að nýta Þingeyrarflugvöll oftar þegar ófært er á Ísafjörð. „Það er reynt að fljúga á Þingeyri þegar hægt er, en oft er það ekki hægt vegna veðurs", segir Hermann Halldórsson, starfsmaður Flugstoða á Ísafjarðarflugvelli. Áætlunarflug til Þingeyrar lagðist af árið 1996, og hefur völlurinn verið notaður sem varaflugvöllur fyrir Ísafjarðarflugvöll. Þingeyrarflugvöllur þykir henta vel í suðaustanátt þegar ófært er á Ísafjörð og eins í norðaustlægum áttum. Að sögn Hermanns er þó á mörkunum að hægt sé að fljúga á Þingeyri í austanáttum. Í suðvestan- og vestanáttum er hann talinn óhentugur. „Oft er staðbundið hvernig vindáttirnar breytast. Eins er það umsvifamikið batterí að færa flug milli valla og oft getur veður breyst á þeim tíma sem það tekur", segir Hermann....
Meira