Fimm kauptilboð hafa borist í fasteignina að Vallargötu 1 á Þingeyri. Tilboðin eru frá Hrafnhildi Skúladóttur upp á 420.000 krónur. Jóhönnu Gunnarsdóttur upp á 520.000 krónur. Sigurði G. Guðjónssyni f.h. óstofnaðs félags upp á 500.000 krónur, frá Sonju Elínu Thompson og Valdimar Elíassyni upp á 500.000 krónur og frá Þorvaldi Jóni Ottóssyni f.h. Rósa ehf. upp á 400.000 krónur. Á fundi bæjarráðs þann 6. júlí síðastliðinn barst tilboð í húsið sem aldre hafði verið formlega auglýst til sölu. Í kjölfar tilboðsins ákvað bæjarráð Ísafjarðarbæjar að auglýsa eignina og rann tilboðsfrestur út 15. júlí s.l....
Meira

Það flýgur nú fjöllunum hærra að unnið sé að stofnun Félags léttadrengja í Dýrafirði um þessar mundir. Er sagt að Hemmi Gunn, léttadrengur á Húsatúni í Haukadal, sé þar framarlega í flokki og verði jafnvel hugsanlegt formannsefni ef af verður, sem er þó allsendis óvíst. Vitað er að léttadrengir eru mörgum bæjum í Arnar-og Dýrafirði, eins og var í gamla daga og eru þeir á ýmsum aldri, jafnvel allt upp í sjötugt. Léttastúlkur eru einnig til þar um slóðir, ef út í það er farið, en það verður ekki gert að sinni. Svo skal ekki gleyma að nefna starfsmenn á plani til sögunnar, en það er næsti bær við. Hvort þeir fá svo inngöngu í Léttadrengjafélagið er ekki vitað. Þess skal getið að orðið léttadrengur táknar snúningastrák samkvæmt Orðabók menningarsjóðs, ef menn skyldu ekki klárir á hvað þetta starfsheiti felur í sér.

Gönguferðir um söguslóðir Gísla Súrssonar hafa verið vinsælar í gegnum árin en það er Dýrfirðingurinn Þórir Örn Guðmundsson sem hefur leitt áhugasama um söguslóðirnar. Þórir hefur farið í reglulegar ferðir um söguslóðir þessa merka manns á hverju sumri síðan árið 1994 og vinsældir ferðanna hefur reynst jafn og stöðugur í gegnum árin. „Það er alltaf eitthvað um að fólk vilji fara í þessa göngu. Þetta eru þó aðallega þeir sem hafa áhuga á sögunni og vilja því fræðast meira um sögusviðið", segir Þórir Örn. Einnig er mikið um að nemendur fari um slóðir Gísla en til dæmis hefur Þórir farið með alla nemendur 9. bekkjar sem lesið hafa söguna í gegnum árin. Um daginn fékk hann svo stóran hóp Kanadabúa frá íslenskudeild Manitoba-háskóla sem dvaldist á Vestfjörðum við að kynna sér íslenskar bókmenntir og menningu....
Meira

Syðridalsvöllur í Bolungarvík og Meðaldalsvöllur í Dýrafirði eru tveir af tíu uppáhaldsvöllum íslenska golfvallahönnuðarins Edwins Roald. Hann segir Syðridalsvöll vera þann golfvöll á Íslandi sem kemst næst því að vera ekta strandvöllur eða „links" eins og þeir eru nefndir upp á ensku. „Vissulega eigum við marga velli við sjávarsíðuna, en alla skortir þá a.m.k. eitt þýðingarmikið einkenni links-valla, þ.e. sendinn jarðveg og/eða ríkjandi vingul-grös í sverðinum. Aðrir íslenskir vellir sem komast nærri þessu að hluta til eru golfvöllurinn í Staðarsveit, sem gistiheimilið Langaholt rekur, og völlurinn í Þorlákshöfn," segir Edwin um Syðridalsvöll á mbl.is....
Meira

Íslenskir ferðamenn hafa fjölmennt að Núpi í Dýrafirði það sem af er sumri en fjöldi fólks hefur lagt leið sína á sumarhótelið þar. „Þetta hefur gengið rosalega vel, eins og í lygasögu", segir Sigurður Arnfjörð, hótelstjóri Hótel Núps. „Það hefur verið helmings aukning frá því í fyrra. Það er ótrúlegt út af fyrir sig en sumarið í fyrra fór fram úr öllu björtustu vonum." Sigurður segir það aðallega vera Íslendinga sem fjölmenna í Dýrafjörðinn sem útskýrir aukninguna en greinilegt er að innlend ferðamennska hefur aukist gríðarlega í sumar og þá sérstaklega til Vestfjarða....
Meira

Framkvæmdir við Salthúsið á Þingeyri hafa gengið vel í sumar. Búið er að reisa veggi og áætlað er að þakið verði sett á húsið í ágúst. Guðmundur Óli Kristinsson, annar eigandi G.Ó.K. húsasmíði ehf., hefur yfir umsjón með verkinu. Hann segir verkið ekki hafa gengið áfallalaust fyrir sig. Allar undirstöður hússins hafi verið vel bognar og eru engin horn rétt en hann segir þau öll samt sem áður vera passlega skökk. „Verkið hefur gengið hægar en ég bjóst við. Við náðum húsinu saman með því að toga þetta og teygja. Mér hafa oft fallist hendur og fætur en það má ekki gefast upp við svona framkvæmd," segir Guðmundur Óli....
Meira

Trúbadoradúettinn Mysterious Marta og Þjóðverjinn Ivar halda tónleikaferðalagi sínu um Vestfirði áfram í kvöld þegar þau spila í Simbahöllinni á Þingeyri. Tónleikaferðalagið nefnist Af hverju ekki? og er hluti af hringferð um landið þar sem þau tvö ætla að syngja og spila fyrir landsmenn, en ferðin er hluti af hinu svokallaða Alþjóðlega trúbadorasamsæri sem samanstendur af trúbadorum frá nokkrum löndum. Marta og Ivar, sem heitir réttu nafni Jóhannes, kynntust á Melodica Acoustic festival í Hamborg. Þau voru ekki búin að þekkjast lengi þegar þau voru búin að ákveða að túra saman um Ísland. Skipulagðir eru tónleikar í Reykjavík, Hveragerði, Egilstöðum, Neskaupstað, Akureyri, Grundarfirði, Hafnarfirði, Þingeyri, Ísafirði og á Tálknafirði.
...
Meira

Ísafjarðarbæ hefur borist kauptilboð í húseignina að Brekkugötu 13 á Þingeyri en væntanlegir kaupendur hafa hug á því að gera hana upp. Tilboðsfjárhæðin hljóðar upp á 3.000 krónur en samkvæmt tilboðinu hafa aðilarnir kynnt sér húsnæðið vel og vandlega. Það er fúið á nokkrum stöðum, grunnurinn siginn og þak lélegt. Ætlunin er að gera húsið upp sem mest í upprunalegri mynd. Segjast tilboðsgjafar, sem eru búsettir í Reykjavík, að þeim er kunnug saga hússins og mun fullt samráð vera haft við Húsafriðunarnefnd um hvernig að framkvæmdum verði staðið. Væntanlegir kaupendur eiga ættir sínar að rekja til Dýrafjarðar og hafa þeir hug á að rækta betur frændgarð sinn þar og dvelja á Þingeyri sem oftast. Ef af kaupunum verður skuldbinda aðilarnir sig til þess að vera búin að endurgera grunn, ytra yfirborð og þak fyrir 1. október 2010....
Meira