Íþróttaskóli Höfrungs hefst á ný laugardaginn 20. febrúar kl 11, og verður næstu 8 laugardagsmorgna. Leiðbeinandi er Lára Dagbjört en farið verður í alls konar leiki, æfingar og þrautabrautir. Íþróttaskólinn er fyrir krakka á aldrinum 3-5 ára (fædd 2004-2007) og foreldrar eru að sjálfsögðu velkomnir með. Verð er 4000 kr.

Nánari upplýsingar gefur Lára Dagbjört í síma 8494353.

Nú er nýhafið 20 tíma námskeið á vegum Höfrungs í sund-eróbikki í Íþróttamiðstöðinni á Þingeyri. Kennt er tvisar í viku þ.e. á mánudögum og laugardögum. Það stendur því yfir fram í miðjan apríl. Þjálfarar eru þau Nadia Ashkenazy-Jones og Martin Ashkenazy-Jones sem sér um undirleik með trommum. Þátttaka er mjög góð og mikil ánægja meðal þátttakenda. Að sjálfsögðu eru fleiri velkomnir á námskeiðið og geta mætt í staka tíma eða námskeiðið á enda. Einnig er hafin kennsla í "kikkboxi" þar sem Martin kennir þá list. Hann er líka tilbúinn að taka að sér margvíslega aðra þjálfun, sé þess óskað......
Meira

10. bekkur Grunnskólans á Þingeyri verður með grímuball í Félagsheimilinu 27. febrúar. Ballið er haldið í fjáröflunarskyni fyrir vorferð til Danmerkur. Verður nánar auglýst síðar.

 

Takið daginn frá!

Óskað hefur verið eftir því að sumarlokun á leikskólunum Grænagarði á Flateyri og Laufási Þingeyri verði lengd úr fjórum vikum í fimm. Fræðslunefnd Ísafjarðarbæjar styður þá tillögu í ljósi framkominna upplýsinga og reynslu undanfarinna ára. Á síðasta fræðslunefndarfundi var lagður fram tölvupóstur frá foreldri þar sem spurt er hvort eigi að greiða fullt leikskólagjald fyrir þá mánuði sem starfsdagar eru settir. Fræðslunefnd staðfestir að ákvörðunin hefur ekki áhrif á gjaldskrá. Nefndin tók einnig fram að henni þykir leitt ef ákvörðunin er íþyngjandi fyrir foreldra en bendir á að mörg sveitarfélög hafa farið þessa leið til sparnaðar vegna ástandsins í efnahagsmálum.

Æfingar á nýju vestfirsku leikverki hefjast á Þingeyri í kvöld en það verður frumsýnt í mars. Er það verkið Eikin ættar minnar sem fjallar um Ólaf Jónsson á Söndum. Hann fæddist um 1560 að Stóra Laugardal í Tálknafirði, en varð prestur á Söndum í Dýrafirði 1596 og var þar til æviloka. Þótti hann mjög merkur maður en Ólafur er eitt af fyrstu tónskáldum Íslandssögunnar og var meðal vinsælustu og virtustu skálda þjóðarinnar á sínum tíma. Leikarar eru úr leikdeild Höfrungs á Þingeyri en leikstjóri er Elfar Logi Hannesson og tónlistarstjóri er Krista Sildoja.

Sunnudaginn 14. febrúar verður kaffihúsið opið kl. 14.00 - 18-00
Guðmundur Ingvarsson leikur dinnermúsík á harmoniku kl. 15.00 - 17.00 og Einar Birgirsson verður með málverkasýningu

 

Belgískar vöfflur, kökur, kaffi, heitt súkkuladi og fleira
(Athugið að ekki posi á staðnum)

Íbúum Önundarfjarðar hefur borist liðsauki frá nágrönnum í Dýrafirði í baráttunni fyrir því að aldraðir fái að eyða ævikvöldinu í sinni heimabyggð. Svo sem fram hefur komið fóru fulltrúar Önfirðinga á fund með heilbrigðisráðherra Álfheiði Ingadóttur 14. janúar til að koma á framfæri undirskriftum Önfirðinga til að mótmæla fyrirhugaðri lokun Sólborgar af hálfu Heilbrigðisstofnunar Vestfjarða. Að sögn formanns Íbúasamtaka Önundarfjarðar áttu fulltrúar Önfirðinga góðan fund með ráðherra og hennar starfsmönnum þar sem málefni og úrræði er varða möguleika eldriborgara til dvalar í sinni heimabyggð voru rædd. Önfirðingum hefur nú borist liðsauki frá yfir 90 íbúum á Þingeyri sem einnig hafa safnað undirskriftum vegna Sólborgar, undir svohljóðandi texta....
Meira

Góð þátttaka var í Jólagetraun Vestfirska forlagsins og hefur nú hreppstjóri Þingeyrarhrepps, Sigurður Þ. Gunnarsson (sá síðasti!) dregið úr réttum svörum í getrauninni. Eftirtaldir aðilar voru þeir heppnu sem dregnir voru út og fá þeir sendan glaðning heim, fimm þúsund krónur hver. Vestfirska forlagið þakkar öllum sem þátt tóku í getrauninni, en spurningarnar voru allar tengdar Bókunum að vestan.

Hrafnhildur S. Jónsdóttir Syðra-Langholti 845 Flúðir.
Inga Rún Björnsdóttir Ballumgade 6, 3 th DK-1753Kbh.V.
Egill Ingvi Ragnarsson Sólgarði Hjalteyri 601 Akureyri...

...
Meira