Hjónin Nadia Ashkenazy og Martin Jones hafa hrint úr vör námskeiði í sunderóbikki á norðanverðum Vestfjörðum. Fyrsti tíminn fór fram á Þingeyri um síðustu helgi en ætlunin er að það verði haldið í Flateyrarlaug er hún verður opnuð á ný eftir viðgerð. „Við búumst við því að námskeiðið hefjist á Flateyri í febrúar en við höfum einnig áhuga á því að halda námskeið á Þingeyri ef næg þátttaka fæst," segir Nadia. Hún segir að um sé að ræða létta sundleikfimi. „Þar sem vatnið styður við mann er reynir það minna á liðina en það er samt áreynsla því þungi vatnsins veitir manni mótstöðu, þetta er því allt öðruvísi og venjulegt eróbikk."

Eigendur Hvamms í Dýrafirði hafa óskað eftir fundi með bæjaryfirvöldum í Ísafjarðarbæ varðandi nýtingu á vatni á landareigninni, sem er vatnsverndarsvæði Þingeyrar. Í desember var haldinn samráðsfundur með flestum eigendum jarðarinnar Hvamms þar sem farið var yfir samning um vatnsöflun og nýtingu sveitarfélagsins á vatni úr landi Hvamms en hann var undirritaður í ágúst 1972 og átti einungis að gilda í fimm ár. „Okkur er ekki kunnugt um að samningurinn hafi verið endurnýjaður, hafi hann verið endurnýjaður þætti okkur vænt um að fá upplýsingar þar um. Hafi hann hins vegar ekki verið endurnýjaður teljum við eðlilegt að svo verði gert við fyrsta hentugleika. Æskilegt væri að við þá endurskoðun verði höfð hliðsjón af almennum samningum sveitarfélaga um sama efni," segir í bréfi landeigenda til bæjaryfirvalda......
Meira

Samkvæmt tilkynningum frá Vegagerðinni er vegurinn um Hrafnseyrarheiði og Dynjandisheiði ófær og búinn að vera það frá því í byrjun desember. Fram kemur á vef Svæðisútvarps Vestfjarða að rætt hafi verið við fólk sem hafi farið þarna yfir á fjórhóladrifnum fólksbíl í vikunni og að leiðin hafi að mestu verið fær vel búnum jeppum og að undanförnu flestum bílum. Fólk hafi því farið lengri leiðina í þeirri trú að heiðarnar væru ófærar en komist að því að svo væri ekki. Samkvæmt upplýsingum frá vegaþjónustu Vegagerðarinnar eru fjallavegir tilgreindir ófærir þegar þar er engin vetraþjónusta og ekkert eftirlit með færð. Dynjandisheiði og Hrafnseyrarheiði og leiðin milli norðan og sunnanverðra Vestfjarða er því lokuð um leið og snjó tekur að festa á þessum fjallavegum. Það gæti því gerst að vegir væru færir þrátt fyrir að þeir væru sagði ófærir. Það skal hins vegar tekið fram að fólk er á eigin ábyrgð á þessum vegum. Frá þessu var sagt á ruv.is.

Íþróttamiðstöðin á Þingeyri verður opin á laugardögum milli kl. 11:00 og 14:00. á meðan Sundlaugin á Flateyri er lokuð vegna viðhalds.

 

Allir velkomnir!

Bæjarráði Vesturbyggðar hefur borist beiðni frá Orkustofnun um umsögn um umsókn Íslenska kalkþörungafélagsins ehf. um leitar- og rannsóknarleyfi á kalkþörungaseti í Dýrafirði, Tálknafirði og Patreksfirði. Bæjarráð styður umsókn Íslenska kalkþörungafélagsins ehf. um leit og rannsóknir á kalkþörungaseti í Patreksfirði og beinir þeim vinsamlegu tilmælum til Tálknafjarðarhrepps og Ísafjarðarbæjar að styðja beiðni um leitar-og rannsóknarheimildir félagsins í Tálknafirði og Dýrafirði.

Nú er komið að því að sameina íbúa Dýrafjarðar og halda skemmtilega spurningakeppni á Veitingahorninu næsta föstudag klukkan 21.30 (strax á eftir Útsvari á RUV). Fyrirkomulagið er mjög einfalt og verður spurningum varpað upp á skjávarpa og verða þær úr öllum áttum, allir spila með. Spurningarnar verða í léttari kantinum í því gleðin skiptir jú mestu máli (þó keppnisskapið megi alveg fljóta með).

Fyrirkomulag:

• Hvert lið er skipað tveimur einstaklingum sem velja sig sjálfir saman, ekki þarf að skrá lið heldur er nóg að mæta
• Allir sem mæta mega taka þátt
• Hvert lið fær blað og penna þegar og skrá svörin sjálfir á blað
• Spyrill spyr 30 spurningar fyrir hlé sem hvert lið svarar eftir bestu getu...

...
Meira

Bæjarráð Ísafjarðarbæjar hefur lagt til að landsspilda í Dýrafirði sem óskað hafði verið eftir til skógræktar verði hvorki seld né leigð að sinni. Á bæjarráðsfundi var farið yfir feril erindis frá konu í Dýrafirði sem óskaði eftir kaupum á landsspildu úr landi Sanda í Dýrafirði eða til leigu 99 ára ef kaupsamningar næðust ekki. Hafði hún í hyggju að hefja skógrækt í samstarfi Skjólskóga á eignarjörð sinni Brekku í Dýrafirði og liggur sú jörð að landi Sanda. Um er að ræða u.þ.b. 7,5 hektara svæði. Í kjölfarið fékk bæjarráð upplýsingar um að uppi sé ágreiningur um landamerki á milli jarðanna Bakka, Brekku og Sanda í Dýrafirði.

Hið árlega þorrablót Slysavarnardeildarinnar Varnar verður haldið laugardaginn 30. janúar 2010 í Félagsheimilinu á Þingeyri. Borðhald hefst kl. 20:00 en húsið opnar kl. 19:30. Boðið verður upp á hlaðborð sem bræðurnir á Núpi munu sjá um. Hafi einhverjir ekki lyst á þorramat, er alveg víst að enginn fer svangur út þrátt fyrir það. Eftir borðhaldið verður dansleikur þar sem þeir Bjarni og Stefán munu halda uppi fjörinu.

Forsala aðgöngumiða verður föstudagskvöldið 29. janúar milli kl: 20.00 - 21.00 og á laugardaginn 30. frá kl: 13.00 - 14.00. Stefnt er að því að miðaverð verði það sama og fyrir ári, þ.e. engin kreppa!
Þeir sem áhuga hafa á að panta sér miða í tíma geta haft samband við Gunnhildi í síma 893-1078. 
Nefndin.