Fimm verða í fram­boði í leiðtoga­kjöri Sjálf­stæðis­flokks­ins í Reykja­vík sem fram fer 27. janú­ar. Frest­ur til þess að skila inn fram­boðum rann út klukk­an fjög­ur í dag.

Fram­bjóðend­ur eru Áslaug Friðriks­dótt­ir borg­ar­full­trúi, Eyþór Arn­alds fram­kvæmda­stjóri, Kjart­an Magnús­son borg­ar­full­trúi, Viðar Guðjohnsen, leigu­sali og at­hafnamaður, og Vil­hjálm­ur Bjarna­son, fyrr­ver­andi alþing­ismaður. Þetta staðfest­ir Gísli Kr. Björns­son, formaður Varðar, full­trúaráðs Sjálf­stæðis­fé­lag­anna í Reykja­vík.

...
Meira

9. janú­ar 1799

Bás­enda­flóðið, mesta sjáv­ar­flóð sem sög­ur fara af, varð um landið suðvest­an­vert. Þá tók versl­un­arstaðinn í Bás­end­um (Bát­send­um) á Suður­nesj­um af með öllu. Stór­streymt var og storm­ur með ofsaregni og var „sem him­in­hvelf­ing­in þrykkt­ist niður að jörðunni“, sagði í Minn­is­verðum tíðind­um. Kirkj­ur fuku á Hvalsnesi og Nesi við Seltjörn og Grótta breytt­ist úr nesi eða tanga í eyju. Á annað hundrað skip og bát­ar skemmd­ust.

9. janú­ar 1990

Mikl­ar skemmd­ir urðu á Stokks­eyri, á Eyr­ar­bakka og í Grinda­vík í einu mesta storm­flóði á öld­inni. Þúsund­ir fiska köstuðust á land í Vest­manna­eyj­um.

...
Meira

Dýrfirðingurinn Vil­borg Davíðsdótt­ir, rit­höf­und­ur og þjóðfræðing­ur, verður gest­ur Bóka­safns Seltjarn­ar­ness á fyrsta Bók­mennta­kvöldi árs­ins 2018 kl. 19.30-20.30 í kvöld, þriðju­dags­kvöldið 9. janú­ar. 
Blóðug jörð er þriðja og síðasta bók Vil­borg­ar í þríleik um land­náms­kon­una Auði djú­púðgu. Bók­in er sjálf­stæð saga um flótta Auðar yfir hafið frá Skotlandi til Íslands. Hefst sag­an árið 883 þegar veldi nor­rænna manna á Bret­lands­eyj­um riðar til falls og Auður Ket­ils­dótt­ir stend­ur ein uppi, um­kringd óvin­um. 
Fyrri bæk­urn­ar tvær, Auður og Vígroði, hlutu afar góðar viðtök­ur les­enda og gagn­rýn­enda og var sú fyrri til­nefnd til Íslensku bók­mennta­verðlaun­anna. ...
Meira

Bryndís Sigurðardóttir á Flateyri hefur fyrir nokkru verið ráðin verkefnisstjóri byggðaeflingarverkefnisins Öxarfjörður í sókn,  sem er eitt af átaksverkefnum Byggðastofnunar í samstarfi við atvinnuþróunarfélög, sveitarfélög og íbúa viðkomandi byggðarlaga undir heitinu Brothættar byggðir.

Bryndís var valin, ein kvenna, úr hópi sex umsækjenda.
Hún er Sunnlendingur að uppruna en hefur búið á Flateyri undanfarin ár og tekið virkan þátt í samfélaginu fyrir vestan. Fyrst sem framkvæmdastjóri og fjármálastjóri í fiskvinnslu og fiskeldisfyrirtækjum, síðar í verkefnastjórn hjá Atvinnuþróunarfélaginu og nú síðast sem eigandi og ritstjóri héraðsfréttamiðlanna Bæjarins besta og bb.is . 

...
Meira

UMSÓKNARFRESTUR EYRARRÓSAR

Verndari Eyrarrósarinnar er Eliza Reid, forsetafrú.

Eyrarrósin 2018 auglýsir eftir umsóknum fyrir framúrskarandi menningarstarfsemi á landsbyggðinni. 
UMSÓKNARFRESTUR ER TIL MIÐNÆTTIS 15. JANÚAR 2018.   Eyrarrósin verður veitt í fjórtánda sinn í mars 2018, fyrir framúrskarandi menningarverkefni á starfssvæði Byggðastofnunar.
...
Meira

Fjórtán athugasemdir og umsagnir bárust við tillögu að breytingu á aðalskipulagi Reykhólahrepps vegna veglínu um Gufudalssveit, jafnan kennd við Teigsskóg. Lega jarðganga undir Hjallaháls og að kostnaður ráði leiðarvali veglínu um Teigsskóg er meðal athugasemda. Landvernd telur veglínu um Teigsskóg, sem þverar þrjá firði, vera í trássi við lög.

Tvær veglínur í vinnslutillögu

Reykhólahreppur óskaði eftir athugasemdum og umsögnum við tillögu að breytingum á aðalskipulagi sem sveitarfélagið kallar vinnslutillögu. Í henni er gert ráð fyrir tveimur veglínum, leið Þ-H um Teigsskóg sem Vegagerðin leggur til og leið D2, með jarðgöngum, sem er sú leið sem Skipulagsstofnun leggur til í áliti sínu á umhverfisáhrifum vegna minni umhverfisáhrifa.

...
Meira

• Starf lýðháskóla á Flateyri í mótun

„Það hef­ur verið draum­ur minn að búa fyr­ir vest­an svo mér fannst ég slá tvær flug­ur í einu höggi, að fá að koma að ein­hverju sem leiðir til aukn­ing­ar á mögu­leik­um á Flat­eyri og á sama tíma að fá að búa í þessu dá­sam­lega bæj­ar­fé­lagi,“ seg­ir Helena Jóns­dótt­ir í sam­tali við Morg­un­blaðið, en hún hef­ur tekið til starfa sem fram­kvæmda­stjóri lýðhá­skóla á Flat­eyri, sem áætlað er að taki til starfa í haust.

„Mitt verk­efni verður í raun og veru að sækja fjár­magn og stuðning, vekja áhuga á þess­ari teg­und náms­leiða og koma þess­um skóla á fót í haust með öllu sem til þarf, hús­næði, nán­ari nám­skrá, kenn­ur­um og síðast en ekki síst, nem­end­um,“ seg­ir Helena sem ger­ir ráð fyr­ir að fyrsta kastið verði nem­end­ur lýðhá­skól­ans um 15-20 tals­ins.

...
Meira

Sig­urður fædd­ist á Hofi í Vopnafirði 8. janúar 1912 en ólst upp á Teigi, son­ur Þór­ar­ins Stef­áns­son­ar, bónda þar, og Snjó­laug­ar Sig­urðardótt­ur.

Eig­in­kona Sig­urðar var Inga Backlund frá Svíþjóð og eignuðust þau tvö börn, Snjó­laugu og Sven.

Sig­urður lauk stúd­ents­prófi frá MA 1931, cand.phil.-prófi frá Hafn­ar­há­skóla, fil.kand.-prófi í al­mennri jarðfræði, berg­fræði, landa­fræði og grasa­fræði frá Stokk­hólms­háskóla, og fil.lic.-prófi í landa­fræði og doktors­prófi þaðan 1944.

Þór­ar­inn var dós­ent í landa­fræði við Stokk­hólms­háskóla 1944, vann að rann­sókn­um á Vatna­jökli sumr­in 1936-38 og í Þjórsár­dal 1939, sinnti rann­sókn­ar­störf­um í Svíþjóð og vann við rit­stjórn Bonniers Kon­versati­ons­l­ex­i­kon 1939-45, var kenn­ari við MR 1945-65, pró­fess­or í landa­fræði og for­stöðumaður landa­fræðideild­ar há­skól­ans í Stokk­hólmi 1950-51 og 1953 og pró­fess­or í jarðfræði og landa­fræði við HÍ frá 1968, vann við jökla- og eld­fjall­a­rann­sókn­ir hér á landi frá 1945 og flutti fjölda fyr­ir­lestra víða um heim.

...
Meira