Stjórn félags um stofnun Lýðháskóla á Flateyri hefur ráðið Helenu Jónsdóttur sálfræðing sem framkvæmdastjóra Lýðháskólans á Flateyri.
Helena hefur undanfarin þrjú ár starfað sem verkefnastjóri og ráðgjafi á vegum samtakanna Læknar án landamæra í Afganistan, Suður Súdan, Egyptalandi og Líbanon. Áður var hún m.a. meðeigandi og starfandi sálfræðingur hjá Kvíðameðferðarstöðinni, framkvæmdastjóri hjá Glitni og framkvæmdastjóri hjá Kaupþingi. Helena hefur auk þess starfað sem ráðgjafi hjá Capacent og PriceWaterhouseCoopers og sinnt  rannsóknum og kennslu í sálfræði og markaðsfræði við Háskóla Íslands. Þá hefur hún unnið með ungu fólki í vanda á vegum Reykjavíkurborgar og félagsmálaráðuneytisins.

Helena lauk BA gráðu í sálfræði frá Háskóla Íslands árið 1996 og Cand.Psych. prófi frá sama skóla árið 2010. Hún varð löggiltur verðbréfamiðlari árið 2006.

...
Meira

Ágúst Böðvarsson fæddist að Hrafnseyri við Arnarfjörð 3. janúar 1906 og ólst þar upp. Foreldrar hans voru Böðvar Bjarnason, prófastur á Hrafnseyri, og k.h., Ragnhildur Teitsdóttir húsfreyja.

Böðvar var hálfbróðir Ragnheiðar, móður Jóns Leifs tónskálds, en bróðir Böðvars var Þórður kaupmaður, faðir Regínu leikkonu.
Bróðir Ágústar var Bjarni hljómsveitarstjóri, faðir Ragga Bjarna.

Eiginkona Ágústar var Sigríður Sveinbjörnsdóttir húsfreyja og sonur þeirra Gunnar Hrafn byggingaverkfræðingur.

Ágúst lauk námi frá VÍ 1925, var bóndi að Hrafnseyri 1926-29 en hóf störf hjá dönsku landmælingastofnuninni Geodætisk Institut, árið 1930, sem þá vann að kortlagningu Íslands og stundaði hann síðan nám í landmælingum hjá stofnuninni í Kaupmannahöfn 1935-37.

...
Meira

Afmælisbarn nýársdagsins á Litla-Hrauni er Eyrbekkingurinn  Ari Björn Thorarensen fangvörður til áratuga og aðstoðarvarðstjóri í Húsi-3. Eiginkona Ara Björns  er Ingunn Gunnarsdóttir sem er af traustum vestfirskum „ Wendelættum“  verslunarmanna á Þingeyri við Dýrafjörð.
Hið alsjáandi auga Vestfirska forlagsins á Þingeyri er með þetta alveg á hreinu og í tilefni dagsins fékk því „tengdasonur Dýrafjarðar“ mannlífs- og menningargjöf frá Vestfirska forlaginu.
Ljóðasetur Litla-Hrauns orti:
Dýrafjarðar dömu fann
drengurinn af Bakka.
Verðleika og vilja þann
Vestfirska vill þakka....
Meira

Vestfirska forlagið óskar Dýrfirðingum heima og heiman sem og öllum vinum og velunnurum farsældar á nýja árinu með þökk fyrir viðskiptin á árinu sem liðið er.
Á árinu 2017 komu út 8 bækur hjá Vestfirska forlaginu. Þökkum öllum í þeim stóra hópi fólks sem skipa metnaðarfulla áhöfn forlagsins og öllum hinum fjölmörgu sem komu að mannlífs- og menningarlegri starfseminni forlagsins með einum eða öðrum hætti á árinu 2017 sem og fyrri árum.
Vestfirska forlagið að Brekku á Þingeyri.

Hallgrímur Sveinsson

...
Meira

Fæddur að Ytri-Húsum 5. desember 1874 Dýrafirði. Dáinn 14. febrúar 1917 Vífilstöðum Garðabæ. 
Öndvegisverk: Húsavíkurkirkja, 1907, Edinborgarhúsið, 1907, Heilsuhælið á Vífilstöðum, 1910.

Rögnvaldur Ólafsson byggingameistari. Það er andlaust verk að vera byggingameistari hugsaði ég. En hann fékk líka orð fyrir að vera mikill lífsspekingur, og ég horfði heillaður á hann. Hann var fallegur maður. Lífsspekingar eru alltaf fallegir menn.“ Þannig kom hinn vestfirski listamaður, Rögnvaldur Ágúst Ólafssyni, meistara Þórbergi Þórðarsyni fyrir sjónum.

Rögnvaldur jafnan nefndur fyrsti íslenski arkitektinn og háttaði til margs Vestfirðingsins í listinni sem þykja oft vera ofvirkir. Hannaði og teiknaði vel yfir 100 byggingar af ýmsum stærðum og gerðum allt frá kirkjum til turna yfir í stórhýsi. Þeirra þekktast Heilsuhælið á Vífilstöðum hvar hann sjálfur var meðal fyrstu íbúa og tapaði hinni erfiðu glímu við berklana aðeins 42 ára að aldri.

...
Meira

Úthlutunarnefnd Uppbyggingarsjóðs Vestfjarða hefur nú lokið við að fara yfir umsóknir um styrki vegna ársins 2018. Samtals eru um 65 milljónir til úthlutunar til margvíslegra verkefna og uppbyggingar á Vestfjörðum, en hluta þeirrar upphæðar hefur þegar verið ráðstafað í styrkjum sem eru ákveðnir til tveggja eða þriggja ára.

Fjármagn Uppbyggingarsjóðs Vestfjarða er hluti af samningi Fjórðungssambands Vestfirðinga við stjórnvöld um framkvæmd Sóknaráætlunar Vestfjarða 2015-2019.

...
Meira

Gils Guðmundsson fæddist í Hjarðardal innri í Önundarfirði 31. desember 1914, sonur Guðmundar Gilssonar, útvegsb. í Hjarðardal, og k.h., Sigríðar Hagalínsdóttur.

Foreldrar Guðmundar: Gils Bjarnason á Mosvöllum og Guðmundína Jónsdóttir, systir Guðnýjar, ömmu Jónu, ömmu Ólafs Þ. Þórðarsonar og Kjartans Ólafssonar alþm. Foreldrar Sigríðar: Hagalín Þorkelsson og Sólveig Pálsdóttir.

Kona Gils var Guðný Jóhannesdóttir en dóttir þeirra er Erna Sigríður Gilsdóttir, kennari í Danmörku. Stjúpsonur Gils er Úlfur Árnason, doktor í Lundi.

Gils lauk kennaraprófi frá KÍ 1938, var sjómaður 1934-40, kennari við Íþróttaskólann í Haukadal og við unglingaskóla í Garði og Sandgerði, rithöfundur frá 1942, blaðamaður og ritstjóri 1943-56 og framkvæmdastjóri Menntamálaráðs og Bókaútgáfu Menningarsjóðs 1956-75.

Gils var alþingismaður Reykjavíkur fyrir Þjóðvarnarflokk Íslands 1953-56 og þingmaður Reykjaneskjördæmis fyrir Alþýðubandalagið 1963-79. Hann var formaður Þjóðvarnarfélags Reykjavíkur 1953-54 og varaformaður Þjóðvarnarflokksins 1960-62, formaður Rithöfundasambands Íslands 1957-58 og formaður félagsins Ísland – Færeyjar.

...
Meira

Ing­unn Jóns­dótt­ir fædd­ist 6. ág­úst 1931 í Litla Langa­dal á Skóg­ar­strönd. Hún lést á Heil­brigðis­stofn­un Vest­fjarða 16. des­em­ber 2017.

For­eldr­ar henn­ar voru Krist­ín Sig­ríður Guðmunds­dótt­ir, f. 16. apríl 1887, d. 20. ág­úst 1951, og Jón Berg­mann Jóns­son, f. 2. fe­brú­ar 1893, d. 5. apríl 1981.
Systkini Ing­unn­ar:
Sig­ur­fljóð Jóns­dótt­ir, f. 17. júní 1918, d. 5. júní 2011, Mar­grét Krist­ín, f. 2. sept­em­ber 1919, d. 16. apríl 2015, Þor­leif­ur, f. 25. nóv­em­ber 1921, d. 12. apríl 2010, Jakob, f. 25. sept­em­ber 1923, d. 15. des­em­ber 1998, Guðmund­ur, f. 2. sept­em­ber 1925, d. 29. októ­ber 2010, Jón Ar­in­björn, lést á fyrsta ári, Jón, f. 18. mars 1928, d. 26. nóv­em­ber 2008.

Fyrri eig­inmaður Ing­unn­ar var Sig­ur­jón Jó­hann­es­son, f. 31. mars 1930. Þau eignuðust einn son, Ægi f. 10. fe­brú­ar 1963, d. 12. júlí 1981.

Ing­unn gift­ist 30. des­em­ber 1976 Oddi Jóns­syni f. 28. júlí 1927, frá Gili í Dýraf­irði, en hann lést 3. nóv­em­ber 1998. For­eldr­ar hans voru Val­gerður Efemía Tóm­as­dótt­ir og Jón Júlí­us Sig­urðsson.

...
Meira