Vasadagbók Verk Vest fyrir árið 2018 er loksins lent og er hægt að nálgast bókina á skrifstofum félagsins á Ísafirði, Patreksfirði og Hólmavík. 

Þeir félagsmenn sem ekki geta nálgast vasadagbókina á þessum stöðum geta haft samband við skrifstofur félagsins og fengið dagbókina senda til sín í pósti.

Verkalýðsfélag Vestfirðinga....
Meira

Stefnt er að því að Breiðafjarðarferj­an Bald­ur sigli sam­kvæmt áætl­un á mánu­dag, 22. janúar 2018, eft­ir tveggja mánaða frá­taf­ir vegna al­var­legra bil­ana í aðal­vél. Gunn­laug­ur Grett­is­son, fram­kvæmda­stjóri Sæ­ferða, seg­ist fagna því að þessi erfiði tími fyr­ir fyr­ir­tækið og viðskipta­vini þess virðist vera að baki. Hann seg­ir að kostnaður vegna viðgerða nemi tug­um millj­óna króna.

Í gær átti að ræsa aðal­vél Bald­urs, í dag á að ljúka still­ing­um á vél­inni og fara í reynslu­sigl­ingu um Breiðafjörðinn. Skipið hef­ur legið í Stykk­is­hólmi síðan bil­un kom í ljós í aðal­vél að lok­inni ferð sunnu­dag­inn 19. nóv­em­ber. Meðal ann­ars gáfu leg­ur sig í vél­inni og við frek­ari at­hug­un kom í ljós að sveif­ar­ás­inn var ónýt­ur, en nýr sveif­ar­ás fékkst í Dan­mörku þangað sem flogið hafði verið með þann gamla til viðgerðar.

Að sögn Gunn­laugs hef­ur alls­herj­ar vél­ar­upp­tekt farið fram í Baldri, en tím­inn jafn­framt verið notaður til að mála, dúk­leggja og skipta um hrein­lætis­tæki á sal­ern­um skips­ins.

...
Meira

Sr. Hans Jakob Jóns­son, prest­ur í Hall­gríms­kirkju, fædd­ist á Hofi í Álftaf­irði 20. janúar 1904. For­eldr­ar hans voru Jón Finns­son, prest­ur á Hofi í Álftaf­irði og Djúpa­vogi, og Sig­ríður Hans­ína Hans­dótt­ir Beck hús­freyja.

Bróðir Jak­obs var Ey­steinn Jóns­son, alþing­ismaður, ráðherra og formaður Fram­sókn­ar­flokks­ins.

Kona sr. Jak­obs var Þóra Ein­ars­dótt­ir hús­freyja. Börn þeirra: Guðrún Sig­ríður, hjúkr­un­ar­fræðing­ur og Írans­fræðing­ur; Svava, rit­höf­und­ur og alþing­ismaður.; Jök­ull, eitt helsta leik­rita­skáld þjóðar­inn­ar á síðustu öld: dr. Þór, fyrr­ver­andi veður­fræðing­ur á Veður­stofu Íslands, og Jón Ein­ar héraðsdóms­lögmaður.

...
Meira

Þorrablót Slysavarnadeildarinnar Varnar 2018 verður haldið á morgun, laugardaginn 20. janúar 2018, í Félagsheimilinu á Þingeyri. 
Húsið opnar kl. 19:00 og hefst borðhald kl. 20:00. Nefndin sér um að framreiða dýrindis þorramat á hlaðborði ásamt plokkfiski og reyktu svínakjöti.
Léttar veigar verð til sölu.
Halli og Þórunn sjá um tónlistina á dansleik sem hefst að loknu borðhaldi. 
Veislustjóri er Elfar Logi. 

Forsala aðgöngumiða verður milli kl. 13 og 14 á laugardeginum.
Miðaverð er: Á borðhald og ball 8.500,- pr. mann 
Á borðhald 6.500 pr. mann 
Á dansleik. 2.500 pr mann
Forsala aðgöngumiða verður á milli kl. 13:00 -14:00 á laugardeginum 20. janúar 2018...
Meira

Fáir einstaklingar hafa hitt íslenska þjóðarsál beint í hjartastað eins oft og Ómar Þorfinnur Ragnarsson. Fáir hafa verið slíkir baráttumenn fyrir Ísland á fjölmörgum sviðum og Ómar. Og fáir, ef nokkrir, hafa jafn oft og einlæglega bent þjóð sinni á það sem betur má fara. En alltaf á kurteisan og mannsæmandi hátt. Alltaf málefnalegur. Varla sýnt nokkrum manni aðra hlið en fulla virðingu og mannkærleika. Má vel kalla einsdæmi.
    Er þá ónefndur gleðigjafinn Ómar. Þó hann hefði ekkert gert annað um ævina en halda uppi húmornum og gleðinni hjá samborgurum sínum, hefði það nægt til að skrá nafn hans gullnu letri í þjóðarsögunni. En sem betur fer er Ómar Ragnarsson ekki gallalaus maður. Hver er það á meðal vor? Sannleikurinn er sá að hann er óvanalega vel gerður maður á ótal sviðum. Hefur látið ótrúlega margt gott af sér leiða. Og Vestfirðingar til dæmis mega minnast þess, að fáir ef nokkrir hafa sagt umheiminum frá furðum Vestfjarða, bæði náttúru þeirra og mannlífi, á jafn lifandi og áhrifaríkan hátt og þessi Reykvíkingur....
Meira

Föstudaginn 15. desember sl. var rauði dagurinn haldinn hátíðlegri heldur en undanfarin ár. Tilefnið var 120 ára afmæli skólans. 

Nemendur og starfsfólk mætti í einhverju rauðu, það var áhugasviðssýning á munum og verkefnum sem nemendur höfðu unnið í svokölluðum áhugasviðstímum sem eru alltaf á föstudögum. Nemendur tónlistaskólans komu fram undir stjórn Jóns Gunnars og kann skólinn þeim miklar þakkir fyrir fallegan söng og hljóðfæraleik. Gísli Halldór bæjarstjóri heiðraði okkur með nærveru sinni og þakkaði starfsfólki skólans fyrir vel unnin störf og lagði áherslu á að í hverju samfélagi væri skólinn hjartað og að honum þyrfti að hlúa. 

Kvenfélagið Von gaf skólanum veglega gjöf, 1000 kr. fyrir hvert ár. Gjöfin verður nýtt til að kaupa Appel Tv, Breakout for Education kassa og nýjar barnabækur til lesturs. Við þökkum þeim kærlega fyrir gjöfina og allt þeirra góða starf í þágu samfélagsins....
Meira

Mánuðurinn þorri hefst í 13. viku vetrar, nú 19. til 25. janúar, en 9. til 15. janúar í gamla stíl fyrir 1700. Mánaðarnafnið er kunnugt frá 12. öld en uppruni þess er óviss.

Þorri er persónugerður sem vetrarvættur í sögnum frá miðöldum. Þar er einnig getið um þorrablót, en þeim ekki lýst. Vetraröldungurinn Þorri er algengt yrkisefni á 17. – 19. öld og um fagnað eða sérstaka siðvenju við upphaf þorra eru heimildir frá öndverðri 18. öld. Líklegt er að slíkar venjur séu allmiklu eldri.

Upphaflega virðist húsfreyja hafa boðið þorra velkomin enda er ljóst að fyrsti dagur þorra hefur verið tileinkaður húsbóndanum. Er hvorttveggja til að honum hafi verið veitt sérstaklega í mat og að hann hafi þá átt að gera vel við sitt fólk. Bóndadagsheitið er þó ekki kunnugt fyrr en í þjóðsögum Jóns Árnasonar frá miðbiki 19. aldar. Þar er einnig minnst á hlaup bónda kringum bæ sinn, en óljóst er hversu almennur slíkur siður hefur verið og hver er uppruni hans. Vera kann að þar sé um að ræða leifar af eldra þorrafagnaði....
Meira

Aukaopnu verður í Þingeyrarlaug á laugardag, 20. janúar 2018 og verður hún opin milli klukkan 10 og 16 yfir daginn. 

Allir velkomnir.

Ísafjarðarbær.

...
Meira