Föstudaginn 30.maí kl.15:00 verður Grunnskólanum á Þingeyri slitið í Þingeyrarkirkju þar sem nemendur taka við einkunnamöppum sínum úr hendi umsjónarkennara. Sýning verður á munum og vinnu nemenda í skólanum eftir skólaslit. Allir velkomnir! Skólaslitakaffi verður í Félagsheimilinu eftir skólaslit að hætti kvenfélagsins Von.

Skólastjóri og starfsfólk skólans þakka kærlega fyrir veturinn.

Vestfirska forlagið hefur endurlífgað hinn snjalla Basil fursta og gefur nú út 8. heftið um æsileg ævintýri hans.

Eins og í fyrri bókum á Basil hér í höggi við skúrka og illmenni og Svarti prinsinn kemur mjög við sögu. Eins og bókaforlagið bendir sjálft á eru bækurnar um Basil fursta enginn verðlaunaskáldskapur, en skemmtilegar eru þær.

Engum ætti að leiðast.

Kæru Dýrfirðingar og nærsveitamenn. Fimmtudaginn næstkomandi 15. maí verður opinn fundur um Dýrafjarðadaga. Fundurinn hefst kl 20.00 í Stefánsbuð. Þar er öllum frjálst að mæta sem vilja hafa áhrif eða hafa hugmyndir fyrir hátíðina í ár. Hlökkum til að sjá sem flesta og gerum hátíðana sem besta í ár.
Kveðja nefndin. 

Aðalfundur Dýrfirðingafélagsins 2014 verður haldinn þriðjudaginn 13. maí í safnaðarheimili Fella- og Hólakirkju og hefst fundurinn kl. 20:00. Á dagskrá eru hefðbundin aðalfundarstörf samkvæmt lögum félagsins. Kosnir verða tveir fulltrúar í stjórn, einn í skemmtinefnd og tveir í kaffinefnd. Auk þess leggur stjórn fram tillögur að lagabreytingum sem fjalla m.a. um boðun aðalfundar og dagskrá hans. Stjórnin leggur einnig fram breytingartillögur um úthlutunarreglur Átthaga.

Að venju verður boðið upp á kaffi og meðlæti.

Syst­urn­ar Áslaug Sól­björt Jens­dótt­ir og Jenna (Jens­ína) Jens­dótt­ir eru elstu núlif­andi ís­lensku tví­bur­arn­ir. Þær fædd­ust með meira en sól­ar­hrings milli­bili, að Læk í Dýraf­irði, Áslaug 23. ág­úst 1918 og Jenna 24. ág­úst, seg­ir á Face­book-síðu Lang­líf­is.

BBC sagði frá því í vik­unni að tví­bura­syst­urn­ar Ann og El­iza­beth væru loks sam­einaðar á ný eft­ir 78 ár en þær voru aðskild­ar við fæðingu. Er þetta lengsti aðskilnaður tví­bura sem vitað er um í heim­in­um. 

...
Meira

Frá Búnaðarfélagi Auðkúluhrepps

               Ályktun um atvinnumál

Aðalfundur Búnaðarfélags Auðkúluhrepps, haldinn í Mjólkárvirkjun á sumardaginn fyrsta 24. apríl 2014, samþykkti eftirfarandi ályktanir um atvinnumál.  

...
Meira

  Fyrsta uppfærsla á leikverki sem vitað er um á Þingeyri í Dýrafirði var Ævintýri á gönguför. Rataði það á fjalirnar um aldamótin 1900  í svokölluðu Versthúsi, sem er þekkt hús í sögu í staðarins. Þar ráku Björn Magnússon, vert  og kona hans, Guðrún Sveinsdóttir, sem einnig var nefnd vert, greiðasölu. Hún hét því virðulega nafni Hótel Niagara. Sú nafngift var eflaust í tengslum við amerísku lúðuveiðarana, sem bækistöð höfðu á Þingeyri frá 1884-1897. Jóhannes Ólafsson, hreppstjóri og lengi mikill forystumaður í Þingeyrarhreppi, rak svo Hótel Niagara um nokkurt skeið frá 1890. Heimildir eru fyrir því að mörg leikrit hafi verið sýnd þar á tíma Jóhannesar. Kvenfélagið Von hélt svo lengi vel uppi leikstarfseminni á Þingeyri. Voru leiksýningar á þess vegum meðal annars í svokölluðu Þinghúsi, sem er áfast við gamla barnaskólann og svo í Félagsheimilinu eftir að það kom til sögunnar 1939. Þá voru leiksýningar á vegum Íþróttafélagsins Höfrungs og mikið var leikið á vegum templara í Templarahúsinu. Leikfélag Þingeyrar starfaði svo af miklum krafti á sínum tíma.

   Og nú er frá því að segja að Leikdeild Íþróttafélagsins Höfrungs á Þingeyri er enn komin á stúfana.

...
Meira

Eins og margir vita þá er eftir að skrá, kortleggja og rannsaka meginhluta þeirra fornleifa sem til eru á Íslandi. Á Vestfjörðum er gríðarlega mikið af áhugaverðum fornleifum og sumar þeirra eru frá fyrstu tíð í landinu og líklega meira en þúsund ára gamlar. Margar af þessum fornminjum eru í góðu ástandi, aðrar hafa skemmst eða verið eyðilagðar og sumar eru að skemmast m.a. vegna ágangs sjávar eins og sjóbúðirnar á Ingjaldssandi og í Keravík í Súgandafirði. Ekkert fær staðist tímans tönn og það á við um fornleifar eins og annað. Ábyrgð okkar allra er að vernda og varðveita sögu og minjar liðinna kynslóða sem liggja í jörðu á okkar heimaslóðum....
Meira